1 REYES 4:24 - Biblia Guarani Tumpa Iñee

²⁴ echa Salomón güɨnoi vi mbaepuere Éufrates güi kuaraɨ oikea kotɨgua ɨvɨ re, Tifsa güive Gaza pe, jare opaete joko pegua mburuvicha reta re, jare oime mbɨakatu opaete ɨvɨ iyɨ́vɨri rupigua reta ndive.

1 REYES 4:24 ပူးပေါင်းရင်းမြစ်များ

GÉNESIS 10:19

Cananeo iɨvɨ Sidón güive Gerar re katu, Gaza re ojo oya, jare Sodoma re katu, Adma jare Seboim, ojo oya Lasa re.

1 REYES 4:21

Jare Salomón güɨnoi mbaepuere opaete ïru mburuvicha guasu reta re, ɨ̈aka Éufrates güive filisteo reta iɨvɨ kotɨ, jare ɨvɨ Egipto jembeɨ kotɨ oya regua; güeru reta imbaemboepɨ, jare Salomón jeia re yogüɨreko, opaete ara rupi jae oikove oiko ramboeve.

1 REYES 4:23

payandepo güeye ikɨra vae, veinte güeye oyemongɨra kapii pe vae, jare cien vecha; oyepapambae reve guasukaka, guasu jare guasu pɨ̈ta, uru ikɨra vae reta,

1 REYES 5:4

Añave cheYa Tumpa omee cheve mbɨakatu opaete rupi; echa mbaetɨ tovaicho reta, mbaetɨ mbae ikavimbae güi yakɨɨye vaerä.

1 CRÓNICAS 22:9

Ërei renoita kuri nderaɨ mbɨakatu jee vae, echa che ameeta chupe opaete jovaicho ketɨ rupigua ipɨakatu vaerä. Jáeramo jeeta Salomón. Jae iara pe omeeta mbɨakatu jare yogüɨreko pɨagüive vaerä Israel.

2 CRÓNICAS 9:26

Jare güɨnoi mbaepuere opaete mburuvicha guasu reta re Éufrates güive filisteo reta iɨvɨ kotɨ jare ɨvɨ Egipto jembeɨ pe.

SALMOS 72:11

¡Opaete mburuvicha guasu reta toyetavatɨka itindɨasɨ reve jóvai! ¡Opaete tëtaguasu reta toyeokuai chupe!

SALMOS 72:3

ɨvɨtɨ guasu reta jare ɨvɨtɨ raɨ reta tomee mbɨakatu jare jupi vae tëta peguarä.

ISAÍAS 9:7

Iporookuaía tuicha yaeta, jare mbɨakatu mbaetɨta opa David iguapɨa re jare iporookuaía re, oñono kavita ñejäa jupi rupi, jare isɨmbi rupi añave güive oiko avei vaerä. YandeYa imbaepuere yae vae jägüɨro rupi oyapota kuae.

JEREMÍAS 47:1

YandeYa jei ñeemombeúa Jeremías pe filisteo reta regua, ndei Faraón omboai Gaza mbove:

San Lucas 2:14

“¡Toyemboeteuka Tumpa ara pe, jare ɨvɨ pegua reta tipɨakatu, Tumpa ipɨakavi chupe vae reta!”

JUECES 1:18

Judá iñemuña reta opɨ̈ro vi tëta guasu Gaza iɨvɨ ndive, tëta guasu Ascalón iɨvɨ ndive jare tëta guasu Ecrón iɨvɨ ndive.

JUECES 16:1

Metei ara Sansón ojo tëta Gaza pe, jare joko pe oecha metei kuña iyaguasa pota vae, jare oike jo pe oke jae ndive jókuae pɨ̈tu.