1 REYES 4:20 - Biblia Guarani Tumpa Iñee

²⁰ Ɨvɨ Judá jare ɨvɨ Israel pegua reta jeta yae ko, ɨguasu jembeɨ pe jeta ɨvɨkuitï oï rami. Mbaetɨ oata tembíu jare iɨguarä, oyerovia katu yogüɨreko.

1 REYES 4:20 ပူးပေါင်းရင်းမြစ်များ

GÉNESIS 13:16

Jare che jeta yaeta amoñemuña neñemuña reta, ɨvɨkúi jeta yae rami, mbaetɨta kia ipuere oipapa.

GÉNESIS 15:5

Güɨraja ikatu pe jare jei chupe: —Añave emae ara re jare eipapa yasɨtata reta ndepuere yave, jökoraita ko neñemuña reta.

GÉNESIS 22:17

añave añetete cheporerekuata nderé jare ambojetata neñemuña reta yasɨtata rami, jare ɨguasu jembeɨ rupi ɨvɨkuitï oï rami. Neñemuña reta opɨ̈rota jovaicho reta güi jëta.

GÉNESIS 32:12

Nde rere cheve: ‘Che ayapota ndeve ikavi vae jare neñemuña reta ɨguasu jembeɨ rupi ɨvɨkuitï ramita, yaipapa rapembae.’ ”

1 REYES 3:8

Jare che nderembiokuai aï kuae tëta reiparavogüe juvicharä: Tëta tuicha yae vae ko, mbaetɨ ipuere oyepapa jeta yae vae jeko pegua.

1 REYES 4:29

Jare Tumpa omee arakuaa katu Salomón pe oikuaa yae vaerä jeta mbaembae, ɨguasu jembeɨ pe jeta ɨvɨkuitï oï rami.

1 REYES 5:9

Cherembiokuai reta güɨrogüeyɨta Líbano güi ɨguasu jembeɨ pe, jare joko güi amondoukata oyeokua reve, nde remombeu chevea pe. Joko pe oyeyorata, jare nde joko güi rerajata jókuae ɨvɨra. Jare nde eyapo vi che aipota vae, remee vaerä tembíu chero pegua reta pe.”

2 REYES 18:31

Agüɨye perovia Ezequías. Echa mburuvicha guasu Asiria pegua jei: “Peyapo che ndive mbɨakatu jare peë cherövaiti, jökorai yave metei ñavo pepuereta peu peuva, peɨva jare ɨ peuta peɨrɨru güi aeño,

1 CRÓNICAS 12:39

Jare ñogüɨnoi David pɨri mboapɨ ara, okaru jare jou reta vino, echa jëtara reta oyapo kavi chupe reta.

1 CRÓNICAS 22:9

Ërei renoita kuri nderaɨ mbɨakatu jee vae, echa che ameeta chupe opaete jovaicho ketɨ rupigua ipɨakatu vaerä. Jáeramo jeeta Salomón. Jae iara pe omeeta mbɨakatu jare yogüɨreko pɨagüive vaerä Israel.

JOB 1:18

Jare kuae imiari oï ramboeve ou oväe ïru, jare jei: —Nderaɨ reta jare nderayɨ reta okaru jare jou vino ñogüɨnoi, tɨkeɨ tenondegua jëta pe;

PROVERBIOS 14:28

Mburuvicha guasu jeta vae re oporookuai vae, iyemboetea yae ko; ërei mbaetɨ jeta vae re oporookuai vae, ipɨtu ko.

ECLESIASTÉS 2:24

Kuimbae pe ikavi vae, jae ko okaru kavi vae, jare oyerovia iparavɨkɨagüe re vae. Kuae aikuaa vi jae ko Tumpa güi ou vae.

ISAÍAS 22:13

Ërei pe reta peyerovia jare peapirai, peyuka guaka jare vecha, peu soo jare vino. Jare pere: “Yakaru jare yakau, echa pɨareve ñamanota.”

MIQUEAS 4:4

Metei ñavo vae oguapɨta jemitɨ uva jare ɨva igüɨ pe, jare ngaraa ye ma kia omongɨɨye. ¡Echa yandeYa Imbaepuere yae ete vae ko jökorai jei!

ZACARÍAS 3:10

Jókuae ara metei ñavo pegüi reta opareata iñeïru pe okaru päve vaerä uva igüɨ pe jare ɨva igüɨ pe, jei yandeYa Imbaepuere yae ete vae.’ ”

ZACARÍAS 9:15

YandeYa Imbaepuere yae ete vae oyangarekota imbae vae re Jae reta opɨ̈rota ita tamamboka pegua re. Omboaita jovaicho jare oɨuta jugüɨ re vino re rami jare mbaerɨru tɨnɨe rami jɨ̈vɨatata, ani mɨmba oyeyuka oyeapɨ jese vae regua guakarätiecha vae rami.

Hechos 2:46

Jare ara ñavo oyemboatɨ avei reta tupao pe. Jare o ñavo rupi omboyao tembíu oyoupe, okaru päve reta oyerovia jare ipɨakatu reve,

1 SAMUEL 30:16

Jare güɨraja jókuae imonda vae reta ñogüɨnoia pe; jare jae reta opa etei oñemoai moai ñogüɨnoi jókuae ñuu pe, okaru reta, okau reta, oyapo reta arete opaete jókuae filisteo reta güi jare Judá pegua reta güi oñomigüe re.