1 REYES 4:13 - Biblia Guarani Tumpa Iñee

¹³ Geber taɨ oï mburuvicharä Ramot pe ɨvɨ Galaad pe, güɨnoi vi ipo pe tëta raɨ reta Galaad pegua, Jair, Manasés taɨ imbae reta, jare vi ɨvɨ Argob, Basán pe oï vae, sesenta tëta guasu reta oïa pe, oñekëse kavi jare jöke reta jiero iyu vae pegua katuai;

1 REYES 4:13 ပူးပေါင်းရင်းမြစ်များ

1 REYES 22:3

Jare mburuvicha guasu Israel pegua jei iyɨvɨrigua mburuvicha reta pe: —Peikuaa ko peï tëta Ramot, ɨvɨ Galaad pegua yandembae ko. Jayave, ikavi ko yaja ñapɨ̈ro Siriaɨgua reta juvicha guasu güi.

2 REYES 9:1

Jayave ñeemombeúa Eliseo oenɨi metei ñeemombeúa reta güi, jare jei chupe: —Eyupavo, jare eraja kuae asaite Ramot kotɨ, ɨvɨ Galaad pe.

2 REYES 9:14

Jehú, Josafat taɨ, Nimsi jɨmɨmino oñemopüa Joram kotɨ. Joram ojo opaete Israel pegua ndive Ramot pe, ɨvɨ Galaad pe, oepɨ vaerä Hazael mburuvicha guasu Siria pegua güi.

1 CRÓNICAS 2:23

Ërei Gesur jare Aram opɨ̈ro Jair güi tëta guasu reta jare vi Kenat jare iyɨvɨrigua tëta raɨ reta; opaete reve sesenta. Opaete kuae reta jae ko Maquir iñemuña reta imbae, Maquir jae ko Galaad tu.

SALMOS 22:12

Cherovaicho reta cheöva jeta toro rami, Basán pegua toro pochɨ jare ipɨ̈rata vae rami.

SALMOS 68:15

¡Tumpa iɨvɨtɨ guasu jae ko Basán, ɨvate yae yé ɨvɨtɨ guasu Basán!

NÚMEROS 32:41

Jare Jair, Manasés iñemuña pegua opɨ̈ro vi mbovɨ teyupa reta, jare ombojee Havot-jair pe.

DEUTERONOMIO 3:10

Opaete tëta guasu reta ipe kavía rupigua ñapɨ̈ro, opaete Galaad jare Basán güive Salca jare Edrei kotɨ, tëta guasu reta Og mburuvicha guasu Basán pegua iporookuaía pegua.

DEUTERONOMIO 3:4

Jare opa ñapɨ̈ro jëta guasu, mbaetɨ jembɨre metei ave tëta; sesenta tëta guasu reta opaete ɨvɨ Argob pegua, Og mburuvicha guasu Basán pegua iporookuaía pegua ñapɨ̈ro.

DEUTERONOMIO 3:8

Jökorai ñapɨ̈ro jókuae ara rupi mókoi mburuvicha guasu amorreo reta ipo güi ɨvɨ, Jordán güi kuaraɨ oëa kotɨ oï vae, ɨesaɨ Arnón pegua güive Hermón kotɨ.

DEUTERONOMIO 4:43

Tëta guasu Beser, ñuu ipe kavía pegua, Rubén iñemuña reta peguarä; tëta guasu Ramot, Galaad pegua, Gad iñemuña reta peguarä, jare tëta guasu Golán, Basán pegua Manasés iñemuña reta oyemboyaogüe vae peguarä.

JOSUÉ 20:8

Jare Jordán jovaicho kotɨ Jericó güi kuaraɨ oëa kotɨ, oiparavo reta tëta guasu Beser, ñuu pe, Rubén iñemuña reta iɨvɨ ipe kavi vae pe; Galaad pe oiparavo reta tëta guasu Ramot, Gad iñemuña reta iɨvɨ pe, jare Basán pe oiparavo reta tëta guasu Golán, Manasés iñemuña reta iɨvɨ pe.

JOSUÉ 21:38

Gad iñemuña reta iɨvɨ pe oñemee chupe reta tëta Ramot, Galaad pe oï vae, ñepɨ̈rokarä oporoyuka vae reta pe; omee reta vi tëta Mahanaim,