1 REYES 3:9 - Biblia Guarani Tumpa Iñee

⁹ Emee che nderembiokuai pe chepɨarakuaa katu yae vaerä, aikatu vaerä ajäa ndembae vae reta, jare aikuaa vaerä ikavi vae ikavimbae güi; echa, ¿kia pa ipuereta oporookuai kuae tëta tuicha yae vae re?”

1 REYES 3:9 ပူးပေါင်းရင်းမြစ်များ

2 SAMUEL 14:17

Jayave kuae nderembiokuai oäro mburuvicha guasu jei vae ikavi yaeta, echa nde metei araɨgua rami ko, reikuaa mbae ko ikavi vae jare mbae ko ikavimbae vae. ¡YandeYa Tumpa toï nde ndive!

1 REYES 10:24

Opaete vae oipota yae oecha jare oyeapɨsaka arakuaa Tumpa omee chupe vae re,

1 REYES 3:10

Jare yandeYa pe ikavi yae kuae, Salomón oiporugüe.

1 REYES 3:28

Jare opaete Israel oendu jókuae mburuvicha guasu oyapo morojäa vae regua; jare okɨɨye reta mburuvicha guasu güi, echa oecha reta oime ko jese Tumpa iyarakuaa oporojäa vaerä.

1 CRÓNICAS 22:12

YandeYa tomee ndeve ndepɨarakuaa yae vaerä, reporookuai ma yave Israel re reyapo vaerä yandeYa Tumpa iporookuai reta.

1 CRÓNICAS 29:19

Emee vi cheraɨ Salomón pe ipɨa isɨmbi vaerä, jökorai oyapo vaerä opaete ndeporookuai reta, jare remombeu opaete oyeapo vaerä vae, jare ipuere vaerä omopüa tupao, echa che añono kavi ma omopüa vaerä ndeve.’ ”

2 CRÓNICAS 1:10

Añave emee cheve arakuaa katu, kërai aroguata kavi vaerä kuae tëta; echa, ¿kia pa ipuereta güɨroata kuae tëta ndembae vae, jeta yae vae?”

SALMOS 119:144

Ndeporookuai reta jupi avei ko, ¡arakuaa katu emee cheve, aikove aiko vaerä!

SALMOS 119:34

Emee arakuaa cheve ayapo vaerä ndeporookuai reta, ¡jare tayapo opaete chepɨa ndive!

SALMOS 119:73

Nde etei ko cheapo; ¡eikuaauka kavi cheve ndeporookuai reta!

PROVERBIOS 14:8

Kuimbae yarakuaa vae, iyarakuaa rupi oikuaa jeko, ërei ipokimbae reta, oyembotavɨ iyarakuaambae rupi aeño.

PROVERBIOS 16:16

Arakuaa ko ikavi yae, oro ñanoi vae güi; jare arakuaa katu, korepoti güi.

PROVERBIOS 20:12

Yandeapɨsa, mbae oendu vae, yanderesa mbae oecha vae; kuae reta yandeYa jembiapo päve ko.

ECLESIASTÉS 7:11

Arakuaa katu mbaeyekou ndive vae ikavi yae ko, opaete kuae ɨvɨ pe yogüɨreko vae pe.

ECLESIASTÉS 7:19

Arakuaa omomɨ̈rata iyarakuaa vae, payandepo mburuvicha reta tëta guasu pe ñogüɨnoi vae güi.

JEREMÍAS 1:6

Jare che jae: “¡Atataɨ, cheYa Tumpa! Mase, ¡che mbaetɨ aikatu chemiari, echa chetaɨrusu yae vɨteri ko!”

JEREMÍAS 45:5

¿Reipota pa reiporu ndeyeupe mbae tuichagüe? Agüɨye eiporu, echa che ambouta susere yavaetegüe opaete oikove vae re. Ërei nderé amaeñota reikove vaerä, opaete kerupi reoa rupi. Che ndeYa ko jae kuae.’ ”

DANIEL 2:21

Jae oipoepɨ ara reta jare año reta; jae oekɨ jare jae oñono mburuvicha guasu reta, arakuaa omee yarakuaa vae reta pe arakuaa katu omee yarakuaa katu vae reta pe.

San Mateo 3:11

Añete che pombobautisa ɨ pe peeya vaerä peyemongeta ikavimbae vae pepɨa pe penoi vae. Ërei cheraɨkue rupi outa imbaepuere yae chegüi vae. Mbaetɨ jupi ipɨapaa araja vaerä ave Jae pembobautisata Espíritu Santo pe jare tata pe.

San Mateo 3:14

Ërei Juan ñäteɨ, jare jei chupe: —¿Maera pa reipota che rombobautisa? Echa ikavi ko nde chembobautisa.

San Juan 5:30

Cheyeugüi aeño mbaetɨ chepuere mbae ayapo. Che aporojäa aendu rupi. Jáeramo aporojäa jupi rupi. Echa mbaetɨ ayapo cheremimbotaño. Ayapo ko cheRu chembou vae jemimbotaño.

2 Corintios 2:16

Oporogüɨroviambae vae reta pe kuae mano pegua ko, ërei oporogüɨrovia vae reta pe tekove pegua ko. Jare ¿kia pa ipuere oyapo kuae?

2 Corintios 3:5

Opaete mbaembae royapo vae oreyeugüi aeñoä ko. Tumpa güiño ko ou opaete mbaembae royapo vaerä.

Efesios 5:17

Jáeramo, agüɨye peiko pearakuaambae, ërei peikuaa kavi yandeYa jemimbota.

Filipenses 1:10

peikuaa vaerä peiparavo ikavi vae, peiko kavi vaerä, agüɨye vaerä kia pemboeko Cristo ou ye regua;

Hebreos 5:14

ërei tembíu täta vae ko okuakuaa vae reta peguarä, oikatu ma omboyoavɨ ikavi vae ikavimbae güi vae reta peguarä.

Santiago 1:5

Oime yave pegüi reta pe oata arakuaa vae, toiporu Tumpa pe. Jae omeeta opaete pe jeta rupi jare iñeengetambae reve.

Santiago 3:17

Ërei arakuaa Tumpa güi ou vae, ikɨambae ko, ipɨakatuta ko, iporoaɨu ko, ipɨakavi ko, iporoparareko ko jare oyapo ikavigüe. Oporombotavɨmbae jare mbaetɨ jova mókoi.