1 REYES 3:6 - Biblia Guarani Tumpa Iñee

⁶ Jare Salomón jei: “Nde reiparareko yae ete nderembiokuai cheru David, echa jae oguata añetete rupi nderóvai, jupi rupi jare ipɨa isɨmbi ndekotɨ. Jáeramo nde reiparareko tuicha, remee ramboeve chupe taɨ oguapɨ vaerä jekovia pe mburuvicha guasurä, kuae ara oasa oï vae rami.

1 REYES 3:6 ပူးပေါင်းရင်းမြစ်များ

GÉNESIS 24:40

Jayave cheya Abraham jei: “YandeYa jae ndive aguata vae omondota iAraɨgua nde ndive, jae ndereraja kavita cherëtara reta pɨri, cheru jëta pe, joko güi reruta kuña cheraɨ peguarä.

2 SAMUEL 22:21

YandeYa omboekovia cheve jupigüe ayapo rupi, chereko kavi oime rupi, omboekovia cheve,

2 SAMUEL 22:25

Jáeramo, yandeYa omboekovia cheve jupigüe ayapo rupi, jesa jóvai chereko kavi rupi omboekovia cheve.

2 SAMUEL 7:5

“Ekua ere cherembiokuai David pe, kërai jae mbaetɨta omopüa o aiko pɨpe vaerä vae.

1 REYES 1:48

Jare jei: “Toyemboete cheYa Israel iTumpa, kuae ara omee metei cheñemuña pe oguapɨ vaerä cheporookuaía pe, aikoveño aï ramboeve.”

1 REYES 15:5

Echa David ikavi oyapogüe yandeYa jóvai, jare opaete oyókuai vae güi mbaetɨ osɨrɨ oikove oiko ramboeve jaeño ete jeko Urías Het iñemuña pegua kotɨ.

1 REYES 2:4

Oyeapo vaerä yandeYa iñee oñererökuavee cheve yave jei vae, echa jei: “Nderaɨ reta oyapo yave cheremimbota, oiko reve jupi rupi cheróvai opaete ipɨa ndive jare opaete jekove ndive, ngaraa oata kuimbae neñemuña güi oguapɨ vaerä mborookuaía Israel pegua pe.”

1 REYES 3:14

Jare reguata yave cheremimbota rupi, reñovatu reve cheporookuai reta, nderu David oguatase rami, che ambopukuta nderekove.”

1 REYES 9:4

Nde reguata kavi yave cheróvai nderu David oguata rami, opaete ndepɨa ndive jare sɨmbi rupi, reyapo reve opaete mbaembae royókuai vae, reñovatu reve cheporookuai reta,

2 REYES 20:3

“Romoñera cheYa, romoñera nemaendúa vaerä cheré, kërai che aguata nderóvai jupi rupi kavi jare opaete chepɨa ndive ayeokuai ndeve, ayapo ndeve mbaembae reta ndepɨa potaa rupi kavi.” Jare oyaeo ipɨatɨtɨ yae reve.

2 CRÓNICAS 1:8

Jare Salomón jei Tumpa pe: “Nde reiparareko yae cheru David, jare nde cheñono mburuvicharä jae jekovia pe.

SALMOS 116:7

Añave chepuere ma aiko pɨagüive ye, echa yandeYa ipɨakavi chekotɨ;

SALMOS 119:17

¡Eyapo ikavi vae, che nderembiokuai pe! ¡Emee taikove! ¡Tayapo neñee jei vaeño!

SALMOS 13:6

¡Atairarita nde cheYa, echa nde reyapo ikavi vae cheve!

SALMOS 15:2

Jaeño, oiko jupi rupi vae jare oyapo ikavi vae; imiari añetegüe ipɨa jupi reve kavi vae.

NÚMEROS 12:7

ërei cherembiokuai Moisés ndive mbaetɨ jökorai, echa jae jupi rupi kavi ko oyapo opaete mbaravɨkɨ chero pe,

2 Corintios 9:11

Jökorai pe reta penoi vaerä jeta mbaembae, pepuere vaerä pemee pekɨ̈reɨ ngatu reve. Jare ore rogüɨraja yave ïru vae reta pe pemeeta vae, jae reta omeeta yasoropai Tumpa pe.

2 Corintios 9:5

Jáeramo ayemongeta ikavi ko orerɨvɨ reta räri yogüɨraja vaerä pépɨri, jökorai jae reta ipuereta pemborɨ opa vaerä pemboatɨ korepoti tenonde ma peñererökuavee pemee vaerä vae. Jökorai, che aja pépɨri yave, oyekuaata pemee pepɨa kavi reve vae, mbaetɨ ore poyókuai ramoño.