1 REYES 3:3 - Biblia Guarani Tumpa Iñee

³ Salomón oaɨu yae yandeYa, jare oyapo opaete mborookuai reta tu David oyapo oeyagüe, jare jae etei omee mɨmba oyeyukagüe jare ikäti kavi vae incienso ɨvɨtɨ rupigua mbaemboetea re.

1 REYES 3:3 ပူးပေါင်းရင်းမြစ်များ

1 REYES 11:34

Ërei mbaetɨ eteita mbae apɨ̈ro voi chugüi iporookuaía güi, amaeñota oiko mburuvicha guasurä opaete ara oikove oiko ramboeve, cherembiokuai David aaɨu jeko pegua, jae che aiparavo vae, jae oñovatu cheporookuai reta.

1 REYES 11:38

Reyapo yave opaete che royókuai vae jare reyapo yave jupi vae cheróvai, reyapo yave mborookuai reta, cherembiokuai David oyapo rami, che aïta nde ndive jare ameeta oime avei vaerä mburuvicha guasu neñemuña reta güi, David pe ayapo rami, jare ameeta ndepo pe Israel.

1 REYES 11:4

Jare Salomón indechi ma yave, jembireko reta güɨrova ipɨa chugüi tumpa ambuae reta kotɨ, ipɨa mbaetɨ ma jupi iYa Tumpa kotɨ, tu David ipɨa rami.

1 REYES 11:6

Jökorai Salomón oyapo ikavimbae yandeYa jesa róvai, mbaetɨ oguata kavi yandeYa jupíe, tu David rami.

1 REYES 14:23

echa omopüa reta vi mbaemboete renda, tumpa-raanga reta jare Asera iä reta ɨvɨtɨ ñavo re, jare opaete ɨvɨra iküaraɨa kavi yae vae reta igüɨ rupi.

1 REYES 14:8

Apɨ̈ro mborookuaía David iñemuña güi, jare amee ndeve; jare nde mbaetɨ cherembiokuai David rami, cheporookuai oñovatu vae jare oguata cheróvai opaete ipɨa reve kavi, oyapo reve sɨmbi vae cheresa róvai.

1 REYES 15:11

Asa oyapo sɨmbi vae yandeYa jesa róvai, iñemuñagüe David rami.

1 REYES 15:14

Ërei yepe tëi ɨvɨtɨ rupigua mbaemboete renda mbaetɨ omboai, jae jekuaeñoi oguata jupi rupi yandeYa jesa róvai opaete ara oikove oiko ramboeve,

1 REYES 15:3

Jare oyapo opaete mbaeyoa reta tu tenonde yave oyapo vae; jare mbaetɨ ipɨa jupi iYa Tumpa kotɨ, iñemuñagüe David ipɨa rami.

1 REYES 15:5

Echa David ikavi oyapogüe yandeYa jóvai, jare opaete oyókuai vae güi mbaetɨ osɨrɨ oikove oiko ramboeve jaeño ete jeko Urías Het iñemuña pegua kotɨ.

1 REYES 22:43

Josafat oguata kavi opaete tu jeko rupi kavi, oyapo sɨmbi vae yandeYa jesa róvai. Ërei ngatu ɨvɨtɨ rupigua mbaemboetea reta mbaetɨ omboai, echa jeta vae reta jekuaeño omee mɨmba oyeyukagüe jare oapɨ reta ikäti kavi vae incienso.

1 REYES 22:44

Josafat oyapo mbɨakatu mburuvicha guasu Israel pegua ndive.

1 REYES 3:14

Jare reguata yave cheremimbota rupi, reñovatu reve cheporookuai reta, nderu David oguatase rami, che ambopukuta nderekove.”

1 REYES 3:6

Jare Salomón jei: “Nde reiparareko yae ete nderembiokuai cheru David, echa jae oguata añetete rupi nderóvai, jupi rupi jare ipɨa isɨmbi ndekotɨ. Jáeramo nde reiparareko tuicha, remee ramboeve chupe taɨ oguapɨ vaerä jekovia pe mburuvicha guasurä, kuae ara oasa oï vae rami.

1 REYES 8:25

Añave cheYa, Israel iTumpa, embopo nderembiokuai cheru David pe rerökuavee rere reve vae: Cheróvai mbaetɨta oata ndeve neñemuña güi oguapɨ vaerä mburuvicha guasurä Israel pe, nderaɨ reta oyapo ko yave cheporookuai reta, jare oguata kavi reta ko yave cheresa róvai rupi, nde cheróvai reguata kavi rami.

1 REYES 8:61

Jáeramo pepɨa jupi reve kavi peiko yandeYa Tumpa ndive, peyapo reve iporookuai reta jeigüe vae, añave rupi rami.”

1 REYES 9:4

Nde reguata kavi yave cheróvai nderu David oguata rami, opaete ndepɨa ndive jare sɨmbi rupi, reyapo reve opaete mbaembae royókuai vae, reñovatu reve cheporookuai reta,

2 REYES 12:3

Ërei ngatu jeseve mbaetɨ omboai mbaemboete renda ɨvɨtɨ rupigua, echa opaete vae jekuaeñoi omee mɨmba oyeyukagüe jare oapɨ reta ikäti kavi vae incienso jokoropi.

2 REYES 12:4

Metei ara Joás jei sacerdote reta pe: —Opaete korepoti mbotarä oyereru yandeYa jo pe vae, jare metei ñavo kuimbae ombaemboepɨ vaerä güeru vae, jare opaete korepoti reta metei ñavo ipɨakatu rupi güeru yandeYa jo peguarä vae,

2 REYES 14:3

Amasías oyapo jupi vae yandeYa jesa róvai, yepe tëi mbaetɨ iñemuñagüe David rami; oyapo opaete mbaembae tu Joás oyapo rami.

2 REYES 14:4

Ërei ngatu jeseve mbaetɨ omboai mbaemboete renda ɨvɨtɨ rupigua, echa opaete vae jekuaeñoi omee mɨmba oyeyukagüe jare oapɨ reta ikäti kavi vae incienso jokoropi.

2 REYES 15:35

echa jae oyapo öke ɨvate vae yandeYa jo kotɨ yaikea peguarä. Ërei ngatu jeseve mbaetɨ opa oyemboai mbaemboete renda ɨvɨtɨ rupigua, echa opaete vae jekuaeñoi omee mɨmba oyeyukagüe jare oapɨ reta ikäti kavi vae incienso jokoropi.

2 REYES 15:4

Ërei ngatu jeseve mbaetɨ opa oyemboai mbaemboete renda ɨvɨtɨ rupigua, echa opaete vae reta jekuaeñoi omee mɨmba oyeyukagüe jare oapɨ reta ikäti kavi vae incienso jokoropi.

2 REYES 18:22

Jare pe pere cheve yave: “Ore romboete oreYa Tumpa.” ¿Mbaetɨ pa Ezequías omboai mbaemboete renda reta ɨvɨtɨ rupigua mɨmba oyeyuka oyeapɨ jese vae, jare mbaetɨ pa oyókuai Judá pegua reta jare Jerusalén pegua reta ombaemboete vaerä Jerusalén pegua mɨmba oyeyuka oyeapɨ jese vae peño?

2 REYES 18:4

Omboai opaete mbaemboete renda ɨvɨtɨ rupigua reta, oyoka mbae iä reta, oyasɨa Asera iä reta, opa omboai mboi iä jiero iyu vae pegua Moisés oyapo vae, echa jókuae ara rupi Israel iñemuña reta oapɨ ma chupe ikäti kavi vae incienso, jare ombojee reta Nehustán.

2 CRÓNICAS 15:17

Kuae oyeapo reve Israel pegua reta mbaetɨ omokañɨ mbaemboete renda ɨvɨtɨ rupigua tumpa-raanga pe vae, ërei Asa oiko avei jupi rupi.

SALMOS 145:20

YandeYa oñovatu, opaete güɨnoi mboroaɨu ikotɨ vae reta, ërei omokañɨteita opaete iyoa vae reta.

SALMOS 31:23

Opaete, pe jupi vae reta, peaɨu yandeYa. Jupi vae reta re yandeYa oyangareko, ërei oiporarauka oyembotuicha reve mbae oyapo vae pe.

LEVÍTICO 17:5

Kuae oyeapo ko Israel iñemuña reta kerupi mɨmba oyukase vae güeru vaerä mɨmba cheve, tupao guakapi pegua jöke pe sacerdote pe, jare jae tomee jese reta mbota yembopɨakatu pegua cheve.

San Mateo 22:37

Jayave Jesús jei chupe: —Eaɨu ndeYa Tumpa opaete ndepɨa reve, opaete nderekove ndive, jare opaete ndeyemongeta ndive.

San Juan 14:15

Cheraɨu yave, peyapo cheporookuai reta.

San Juan 14:21

Oyeapɨsaka cheporookuai reta re jare oyapo vae, jae ko cheraɨu vae. Jare cheraɨu vae cheRu oaɨuta, jare che aaɨuta, jare ayekuaaukata chupe.

Romanos 8:28

Yaikuaa ko Tumpa omborɨ opaete mbaembae rupi, oaɨu Tumpa ramo, jae jemimbota rupi oyeparavo vae reta,

1 Corintios 8:3

Ërei kia nunga vae oaɨu Tumpa vae, Tumpa oikuaa jókuae nunga.

DEUTERONOMIO 10:12

Añave Israel iñemuña reta, ¿mbae pa oiporu pegüi yandeYa Tumpa? Jaeño peipoɨu yandeYa Tumpa güi, peguata opaete jemimbota rupi jare peaɨu, jare peyeokuai yandeYa Tumpa pe opaete pepɨa ndive, opaete perekove ndive,

DEUTERONOMIO 10:13

peyapo avei yandeYa iporookuai reta amombeu añave peve vae, peiko kavi vaerä.

DEUTERONOMIO 11:13

Peyapo yave mborookuai reta amombeu añave peve vae, peaɨu reve yandeYa Tumpa jare peyeokuai reve chupe opaete pepɨa ndive, opaete perekove ndive,

DEUTERONOMIO 30:16

echa che poyókuai añave, peaɨu yandeYa Tumpa, peiko jemimbota rupi, jare peñovatu iporookuai reta, peikove vaerä jare peñemuña vaerä jeta, jare yandeYa Tumpa tiporerekua peré ɨvɨ peiketa peiko pɨpe vae pe.

DEUTERONOMIO 30:20

peaɨu yandeYa Tumpa, peendu iñee, peguata avei jupíe; echa jae ko tekove iya peveguarä, peiko puku vaerä; peiko vaerä jókuae ɨvɨ yandeYa güɨrökuavee jee re peñemuñagüe Abraham, Isaac jare Jacob pe vae pe.”

DEUTERONOMIO 30:6

Jare yandeYa Tumpa ombocircuncidata pepɨa, jare peñemuña reta ipɨa, peaɨu vaerä yandeYa Tumpa opaete pepɨa ndive jare opaete perekove ndive, jekuaeño peikove vaerä.

DEUTERONOMIO 6:5

Peaɨu peYa Tumpa opaete pepɨa ndive, opaete perekove ndive, jare opaete pepɨ̈rata ndive.

Santiago 1:12

Oyerovia ko jókuae kuimbae omoamɨri mbaemboavai ou chupe yave vae. Echa ipɨ̈rata reve omoamɨri vae pe oñemeeta tekove opambae vae, yandeYa güɨrökuavee omee vaerä opaete güɨnoi mboroaɨu ikotɨ vae reta pe.

Santiago 2:5

Cherɨvɨ aaɨu vae reta, peyeapɨsaka cheré. Tumpa oiparavo iparavete vae reta oikokatu vaerä iporogüɨrovia re jare güɨnoi vaerä imbaerä mborookuaía, jókuae Tumpa güɨrökuavee omee vaerä opaete güɨnoi mboroaɨu ikotɨ vae reta pe.

1 SAMUEL 9:12

Jare jae reta jei: —Oime oï, peäkua pekua, echa añave jae ou kuae tëta guasu pe omee vaerä mɨmba oyeyukagüe tëta pegua reta re, kuae mbaemboete renda ɨvɨtɨ regua pe.