1 REYES 3:26 - Biblia Guarani Tumpa Iñee

²⁶ Jayave kuña imembɨ oikove vae, omomiari mburuvicha guasu (echa oyandu ipɨatɨtɨ yae imembɨ re), jare jei: —¡Cheya! ¡Emee kuae pe michia raɨ oikove vae, jare agüɨye eyuka! Ërei jókuae ïru jei: —Agüɨye toikove cheveguarä ani ndeveguarä ave, ¡peyasɨa!

1 REYES 3:26 ပူးပေါင်းရင်းမြစ်များ

GÉNESIS 43:30

Jayave José mbaetɨ ipɨaguasu oecha ramboeve tɨvɨ, jare oeka kia pe oyaeo vaerä; jökorai oike jo okea pe jare joko pe oyaeo.

1 REYES 3:25

Jare mburuvicha guasu jei: —Peyasɨa mbɨte rupi kuae michia raɨ oikove vae, jare pemee mbɨte metei pe, jare ïru mbɨte ïru pe.

1 REYES 3:27

Jayave mburuvicha guasu jei: —Pemee pea kuña pe michia raɨ oikove vae, jare agüɨye peyuka; jae ko ichɨ.

SALMOS 39:3

Ërei ¡cheɨvɨte pe jakuvo! Chepɨa pe ayemboakuvo, jare jae cheñeeäta reve:

ISAÍAS 49:15

¿Kuña iñakañɨta ra imembɨ güi, ani ikueraita ra oaɨu? Yepe tëi kuña iñakañɨ imembɨ güi, ërei che ngaraa cheakañɨ ndegüi.

JEREMÍAS 31:20

Tëta Efraín, jae ko cheraɨ aaɨu yae vae, jae ko cheraɨ chepɨa oyerovia yae jese vae. Añeengata chupe tëi reve, mbaetɨi cheakañɨ chugüi; chepɨa pe chemaendúa avei jese jare aiparareko yae. Che ndeYa ko jae kuae.

OSEAS 11:8

¿Maera pa roeyata, Efraín? ¿Maera pa romeeta tovaicho pe, Israel? ¿Maera pa ayapota ndeve tëta Adma rami, ani ramo Zeboim rami? ¡Chepɨatɨtɨ ko nderé, roaɨu yae ko!

Romanos 1:31

Arakuaambae pe, jei oyapo vaerä vae oyapombae vae, iporoaɨumbae vae, ipɨa pïrimbae yae vae, iporopararekombae vae.

Filipenses 1:8

Echa Tumpa oikuaa kërai che poaɨu yae ko, Jesucristo iporoaɨu rupi etei.

Filipenses 2:1

Jáeramo, Cristo pemoäta ngatu jare pembopɨakatu yave, jare metei rami peï Espíritu Santo rupi yave, peyoaɨu jare peyoparareko yave,

2 Timoteo 3:3

iporoaɨumbae vae, ipɨa pïrimbae yae vae, oporoangao vae reta, oyopiambae jete jemimbota vae reta, ipo pïrimbae vae, ikavi vae imotareɨa reta,

1 Juan 3:17

Ërei oime yave kia oikokatu kuae ɨvɨ pe vae, jare oecha ïru oporogüɨrovia vae pe oata mbae vae mbaetɨ oiparareko yave, ¿këraita pa oï jese Tumpa iporoaɨu?