1 REYES 3:14 - Biblia Guarani Tumpa Iñee

¹⁴ Jare reguata yave cheremimbota rupi, reñovatu reve cheporookuai reta, nderu David oguatase rami, che ambopukuta nderekove.”

1 REYES 3:14 ပူးပေါင်းရင်းမြစ်များ

1 REYES 11:34

Ërei mbaetɨ eteita mbae apɨ̈ro voi chugüi iporookuaía güi, amaeñota oiko mburuvicha guasurä opaete ara oikove oiko ramboeve, cherembiokuai David aaɨu jeko pegua, jae che aiparavo vae, jae oñovatu cheporookuai reta.

1 REYES 15:5

Echa David ikavi oyapogüe yandeYa jóvai, jare opaete oyókuai vae güi mbaetɨ osɨrɨ oikove oiko ramboeve jaeño ete jeko Urías Het iñemuña pegua kotɨ.

1 REYES 3:3

Salomón oaɨu yae yandeYa, jare oyapo opaete mborookuai reta tu David oyapo oeyagüe, jare jae etei omee mɨmba oyeyukagüe jare ikäti kavi vae incienso ɨvɨtɨ rupigua mbaemboetea re.

1 REYES 3:6

Jare Salomón jei: “Nde reiparareko yae ete nderembiokuai cheru David, echa jae oguata añetete rupi nderóvai, jupi rupi jare ipɨa isɨmbi ndekotɨ. Jáeramo nde reiparareko tuicha, remee ramboeve chupe taɨ oguapɨ vaerä jekovia pe mburuvicha guasurä, kuae ara oasa oï vae rami.

1 CRÓNICAS 28:7

jare amomɨ̈ratata iporookuaía jekuae avei pegua, jae oñemoäta ngatu oyapo vaerä yave cheporookuai reta, añave oyeapo oï rami.’

1 CRÓNICAS 28:9

Jare nde cheraɨ Salomón, eikuaa cheTumpa jare eyeokuai chupe opaete ndepɨa jupi reve jare nekɨ̈reɨ ngatu reve kavi, echa yandeYa oecha opaete vae ipɨa jare oikuaa oipotagüe yemongeta. Jayave, nde reeka yave, jae omeeta ndeve reväe vaerä; ërei resɨrɨ ko yave chugüi, ndembosɨrɨta iyeugüi jekuae avei pegua.

2 CRÓNICAS 29:2

Oyapo jupi vae yandeYa jesa róvai, opaete iñemuñagüe David oyapo rami etei kavi.

2 CRÓNICAS 34:2

Josías oyapo ikavi vae yandeYa jesa róvai, omomoe iñemuñagüe David jeko, opiambae reve chugüi kërai ave yepe.

SALMOS 132:12

“Añonota ndeporookuaía pe metei neñemuña reta güi, jae reta oyapo cheporogüɨrökuavee päve jare cheporookuai amboe retata vae yave, neñemuña reta vi oguapɨta ndeporookuaía pe jekuae avei pegua.”

SALMOS 21:4

Tekove oiporu ndeve jare remee chupe; oikopuku vaerä jekuae avei pegua.

SALMOS 21:5

Iyemboetea tuicha, ndeporomborɨ rupi, remee chupe oyemboeteuka yae vaerä.

SALMOS 91:16

Amboyekouta tekove puku pe, ¡aechaukata chupe cheporogüɨroasayepe!”

PROVERBIOS 3:16

Ipo iyakatu kotɨ güɨrökuavee tekove puku, ipo iyasu kotɨ güɨrökuavee mbaeyekou jare mboromboete.

PROVERBIOS 3:2

jare reiko pukuta, jare mbɨakatu oñemoïruta ndeve.

ZACARÍAS 3:7

“YandeYa Imbaepuere yae ete vae jei körai: ‘Reguata jare reiko yave cheremimbota rupi, reporookuaita chero pe, reyangarekota vi cheroka re, jare ameeta ndeve reï vaerä kuae oyeokuai cheve vae reta ndive.

Hechos 13:22

Jare Tumpa kuae kuimbae omombo yave, omee chupe reta David juvicha guasurä. Jare Tumpa jei David re: ‘Che aikuaa David, Isaí taɨ ko metei kuimbae chemboyerovia vae. Jae oyapota opaete che aipota vae.’

DEUTERONOMIO 25:15

mbaejäaka ikavi vae peiporu; peiko puku vaerä yandeYa Tumpa omee ɨvɨ pevea pe.

DEUTERONOMIO 5:16

Pemboete peru jare pesɨ, peYa Tumpa peokuai rami, peiko puku vaerä jare peiko kavi vaerä ɨvɨ iárambo peYa Tumpa omee pevea pe.

DEUTERONOMIO 5:33

Peguata yandeYa Tumpa peokuai vae rupi, peo kavi vaerä jare peiko kavi vaerä, jökorai peiko puku vaerä ɨvɨ peota peiko pɨpe vae pe.

1 Timoteo 4:8

echa yanderete yamongúe vae michi peguaño ikavi yandeve, ërei Tumpa oipota vae, opaete pegua ikavi, echa ikavita yandeve añave yaikove yaiko ramboeve, jare ñamano ma yave.