1 REYES 3:12 - Biblia Guarani Tumpa Iñee

¹² mase, ko ayapo ndeve reiporu rami: Ko amee ndeve arakuaa katu, mbaetɨi nde rami vae nde ndei reiko mbove, jare ngaraa ye kia opüa nderaɨkue rupi nde rami vae.

1 REYES 3:12 ပူးပေါင်းရင်းမြစ်များ

1 REYES 2:6

Jáeramo, kuae eyapo ndearakuaa reve kavi, agüɨye emaeño tindechi tomano.

1 REYES 2:9

Ërei añave agüɨye neɨ̈ro chupe. Ndearakuaa katu ko, nde reikuaata mbae reyapo vaerä chupe. Ërei eeka kërai omanoasɨ katu vaerä.”

1 REYES 3:28

Jare opaete Israel oendu jókuae mburuvicha guasu oyapo morojäa vae regua; jare okɨɨye reta mburuvicha guasu güi, echa oecha reta oime ko jese Tumpa iyarakuaa oporojäa vaerä.

1 REYES 5:12

YandeYa omee arakuaa katu Salomón pe, jei chupe rami; jare oiko mbɨakatu rupi Salomón mburuvicha guasu Hiram ndive. Jare oyapo reta oyoupe morogüɨrökuavee päve.

1 REYES 5:9

Cherembiokuai reta güɨrogüeyɨta Líbano güi ɨguasu jembeɨ pe, jare joko güi amondoukata oyeokua reve, nde remombeu chevea pe. Joko pe oyeyorata, jare nde joko güi rerajata jókuae ɨvɨra. Jare nde eyapo vi che aipota vae, remee vaerä tembíu chero pegua reta pe.”

1 CRÓNICAS 29:25

YandeYa ombotuicha yae Salomón opaete Israel jesa róvai, jare omee chupe iporookuaía imboetea yae vaerä, mbaetɨi chugüi jókuae nunga mburuvicha guasu tenonde yave rupi.

2 CRÓNICAS 2:12

Jei ye vi Hiram: “¡Toyemboete Israel iYa Tumpa, ara jare ɨvɨ oyapo vae, echa jae omee mburuvicha guasu David pe metei taɨ yarakuaa katu vae, oikuaa oyapo mbae jupi rupi vae, omopüa vaerä tupao guasu yandeYa pe, jare mburuvicha guasu jorä!

NEHEMÍAS 13:26

“¿Jökoraiä pa Salomón, mburuvicha guasu Israel pegua iyoa? Yepe tëi mbaetɨ ye ïru tëta pe jae rami vae mburuvicha guasu, kërai iTumpa oaɨu omae jese, jare oñono mburuvicha guasurä opaete Israel re, ërei kuña ketɨgua reta oitɨ mbaeyoa pe.

SALMOS 10:17

CheYa, ¡nde reendu oñemomichi vae reta iyerure! Nde remoäta ngatu jare reyeapɨsaka jese reta.

PROVERBIOS 2:6

Echa yandeYa ko omee arakuaa katu; mbae yaikuaa vae jare arakuaa katu chugüiño ko ou.

ECLESIASTÉS 1:13

añeñono opaete chepɨa ndive aeka jare aikuaa kavi vaerä arakuaa katu reve, opaete kuae ɨvɨ pe mbaembae oyeapo vae re. ¡Kuae mbaravɨkɨ tätagüe Tumpa omee kuimbae reta pe vae, jese oyemoambeko reta vaerä!

ECLESIASTÉS 1:16

Jayave jae cheyeupe: “Che chetuicha yae aï jare chearakuaa yae opaete tenonde rupi yogüɨreko mburuvicha guasurä kuae Jerusalén pe vae reta güi; chearakuaa yae opaete mbaembae pe.

ISAÍAS 65:24

Jare ndei oyerure reta mbae re cheve mbove, che omboyevɨta ma; imiari vɨteri ñogüɨnoi ramboeve, che aenduta ma.

DANIEL 1:17

Jökorai kuae irundɨ kunumi reta pe Tumpa omee jeta mbae oikuaa reta vaerä jare iyarakuaa katu yae reta vaerä opaete yemboe reta rupi; jare Daniel oikuaa katu opaete mbaɨu reta regua jare Tumpa mbae oechauka vae rupi.

San Mateo 12:42

Jökoraiño vi Tumpa oporojäa yave, mburuvicha kuña oiko arayevɨ kotɨ vae opüata omboeko vaerä añave yogüɨreko vae reta. Echa jae ou mombɨrɨ güi oyeapɨsaka vaerä Salomón iyarakuaa re. Ërei, ko oï tuichagüe yae Salomón güi vae.

San Lucas 21:15

Echa che ameeta peve ñee jare arakuaa, metei ave perovaicho reta mbaetɨta ipuere peré ani peaka.

DEUTERONOMIO 34:9

Jare Josué, Nun taɨ ipɨa arakuaa yae opɨta, echa Moisés oñono ipo jese; jare Israel iñemuña reta güɨrovia katu jese, jare oyapo reta yandeYa oyókuai Moisés vae rami.

Colosenses 2:3

Echa Cristo re oñeväe opaetei arakuaa reta.