1 REYES 22:8 - Biblia Guarani Tumpa Iñee

⁸ Mburuvicha guasu Israel pegua jei Josafat pe: —Oime metei, jupi yandepuere yaparandu yandeYa pe, jae ko Micaías, Imla taɨ, ërei che amotareɨ yae ko, echa mbaetɨi omombeu kavi ñee ikavigüe cheve, jaeño ikavimbae. Ërei Josafat jei chupe: —Agüɨye jökorai ere mburuvicha guasu.

1 REYES 22:8 ပူးပေါင်းရင်းမြစ်များ

GÉNESIS 37:8

Jayave tɨkeɨ reta jei chupe: —¿Reikota ra nde oreruvicharä, ani renoita ra mbaepuere oreré? Jare jae reta jeiete omotareɨ, ipaɨu re imiari jeko pegua.

1 REYES 18:4

Jae ko Jezabel omboɨpɨ oyuka Tumpa iñeemombeúa reta yave, oñomi chugüi cien; jare oyapo mókoi yemboyao cincuenta enta vae, jókuae reta oñomi mókoi ɨvɨkua pe, joko pe omee jembiurä jare iɨguarä.

1 REYES 19:10

Jare jae jei: “Ayandu cherägüɨro yae nde cheYa Tumpa Imbaepuere yae ete vae re; echa Israel iñemuña reta oeya morogüɨrökuavee päve reyapo vae, jare opa omboai reta mɨmba oyeyuka oyeapɨ jese vae reta ndembae, jare opa oyuka reta kɨsepuku pe neñeemombeúa reta; jaeño che apɨta, jare añave chereeka reta cheyuka vaerä.”

1 REYES 19:14

Jare jei: “Ayandu cherägüɨro yae nde cheYa Tumpa imbaepuere yae ete vae re; echa Israel iñemuña reta oeya morogüɨrökuavee päve reyapo vae, jare opa omboai reta mɨmba oyeyuka oyeapɨ jese vae reta ndembae, jare opa oyuka reta kɨsepuku pe neñeemombeúa reta; jaeño che apɨta, jare añave chereeka reta cheyuka vaerä.”

1 REYES 21:20

Jare Acab jei Elías pe: —¿Jayave cheväe cherovaicho? Elías jei: —Jökorai. Echa ikavimbae vaeño reyapo yandeYa jesa róvai.

1 REYES 22:13

Jókuae ojo güeru Micaías vae, jei chupe: —Opaete ñeemombeúa omombeu ñee kavi mburuvicha guasu pe. Jökorai che romoñera remombeu vaerä vi ikavi jae reta rami.

1 REYES 22:18

Mburuvicha guasu Israel pegua jei Josafat pe: —¿Jaeä pa ndeve, kuae kuimbae mbaetɨi omombeu cheve ñee ikavigüe, jaeño ikavimbae?

1 REYES 22:27

Pere chupe che ayókuai oñono vaerä tembipɨɨ rɨru pe jare michi tembíu toñemee chupe jare ɨ, che ayerova ye regua chepɨakatu reve.

1 REYES 22:7

Ërei Josafat oparandu: —¿Mbaetɨ pa yandeYa iñeemombeúa kuae pe, jupi yaparandu vaerä?

1 REYES 22:9

Javoi mburuvicha guasu Israel pegua oenɨi metei imborɨa mburuvicha, jare jei chupe: —¡Ekua embou aramoete Micaías, Imla taɨ!

2 REYES 9:22

Joram oecha yave Jehú, jei chupe: —¿Peyu pa mbɨakatu ndive? Jehú jei chupe: —¿Mbae nunga mbɨakatu pa oimeta, ndesɨ Jezabel itumpa-raanga jare mbaekuaa rupi oiko reve?

2 CRÓNICAS 36:16

Ërei jae reta oyóyai yóyai ñeemombeúa reta, güɨröɨro reta omombeugüe jare opuka reta Tumpa iñeemombeúa reta re, yandeYa iyarasɨ ou regua tëta imbae vae reta re, jare mbaetɨ ma oväe kërai oasayepe reta vaerä.

SALMOS 34:21

Jeko ae oyukata jeko kavimbae; jupi vae imotareɨa reta oiporara yaeta.

PROVERBIOS 15:12

Iporoyóyai yoyaise vae, mbaetɨ oaɨu omboeta chupe vae, mbaetɨ vi oñemoïru, yarakuaa katu vae reta ndive.

PROVERBIOS 29:10

Oporoyuka vae reta güɨröɨro jupi vae, ërei jupi vae reta, oeka kërai ombopɨa katu vaerä.

PROVERBIOS 9:8

Agüɨye emboeta oporoyóyai yóyai vae pe, agüɨye vaerä nemotareɨ; emboarakuaa iyarakuaa katu vae, jare jae nderaɨuta.

ISAÍAS 3:11

¡Paravete iyoa vae! Ngaraa ojo kavi, echa iyoa reta oï rupi jekoviata chupe.

ISAÍAS 30:10

Maratuta vae imombeúa reta pe jei: “Agüɨye peecha mbae maratuta vae”, ñeemombeúa reta pe jei: “Agüɨye pemombeu oreve jupi rupi; pere oreve mbae ipöra vae, mbae nunga oremboyerovia vaeño.

ISAÍAS 49:7

YandeYa, oPoroepɨ vae, Tumpa Iyoambae Israel pegua, jei oñemotareɨuka ïru tëtaguasu reta pe vae pe, ipɨarai vae reta jembipɨɨrä oiko vae pe: “Mburuvicha guasu jare mburuvicha reta ndereecha yave, opüata jare ndemboeteta; echa che ndeYa, Tumpa Iyoambae Israel pegua jupi vae ko, che ko roparavo.”

JEREMÍAS 18:18

Opaete vae reta jei: “Yayapo kavi metei yemongeta Jeremías kotɨ. Echa ngaraa oata sacerdote reta pe yandemboe vaerä, ani yarakuaa katu vae reta oporomboarakuaa vaerä, ani ñeemombeúa reta Tumpa iñee omombeu vaerä. Peyu yamboeko mbae re, agüɨye etei yayeapɨsaka iñee re.”

JEREMÍAS 20:10

Aendu jeta vae iñeenguru jei reta: “¡Oime kɨɨye opaete rupi!” “¡Peyu, ñañeapo Jeremías re!” Chevɨa-ïru reta ave oäro ambaeyavɨ vaerä. Jei reta: “Güɨramoi ombaeyavɨta; jayave jëguata yandeve, javoi yayepɨ jese.”

JEREMÍAS 36:23

Jare Jehudí omongeta yave mboapɨ ani irundɨa jɨsɨ jókuae tembikuatía güi, mburuvicha guasu oyasɨa kɨseraɨ pe jare oitɨ jókuae tata jendɨ oï iyɨpɨ pe vae pe. Jökorai opa oapɨ jókuae tembikuatía oyepomombɨ vae.

JEREMÍAS 38:4

Jayave mburuvicha reta jei juvicha guasu pe: —Yayuka añave kuae kuimbae; echa kuae iñee rupi omoäteɨ kuimbae ñeraro regua reta, kuae tëta guasu pe opɨtaño vae jare opaete kuae pegua reta, jei ramboeve chupe reta kuae ñee; echa kuae kuimbae mbaetɨ oeka mbɨakatu kuae tëta guasu peguarä, jaeño oeka ikavimbae.

AMÓS 5:10

¡Pe reta pemotareɨ öke pe oepɨ teko jupi vae, jare peröɨro sɨmbi rupi imiari vae!

MIQUEAS 2:11

Oime yave kia imiari apu reve, jare jei: “Che tamoërakua peve ñee, vino re jare mbae oporombosavaɨpo vae re”; jókuae nunga toiko ñeemombeuarä kuae tëta pe.

MIQUEAS 2:7

Jacob iñemuña ko ore, pere peyeupe, ¿mbaetɨ ma pa ipɨaguasu yandeYa? ¿Jökorai pa jae jeko? ¿Mbaetɨ pa ikavi iñee ikavi yae yogüɨreko vae reta pe?

ZACARÍAS 11:8

Jare metei yasɨ pe mboapɨ maangarekoa amboai, echa mbaetɨ ma chepɨaguasu ikotɨ reta, chereröɨro reta jeko pegua.

San Mateo 10:22

Chereko pegua, peñemotareɨukata opaete vae pe, ërei ikueraimbae vae, oyemboasaukata ko.

San Juan 17:14

Amombeu ma chupe reta neñee. Jare oporogüɨroviambae vae reta oñemotareɨ, echa jae reta ɨvɨ peguaä ramo, che rami.

San Juan 7:7

Ɨvɨ pegua reta mbaetɨ mbae re pemotareɨ vaerä, ërei che chemotareɨ reta. Echa che amombeu chupe reta ikavimbae vae ko jae reta oyapo vae.

Gálatas 4:16

¿Añete vae jae peve vae rupi ayemboyovaicho ra pe ndive?