1 REYES 22:6 - Biblia Guarani Tumpa Iñee

⁶ Mburuvicha guasu Israel pegua omboatɨ opaete ñeemombeúa reta, oupitɨ cuatrociento rupi, jare oparandu chupe reta: —¿Jaekavi pa aporepeña vaerä tëta Ramot re ɨvɨ Galaad pe ani mbaetɨ pa? Jayave jae reta jei: —Eporepeña jese, echa yandeYa omeeta ndepo pe.

1 REYES 22:6 ပူးပေါင်းရင်းမြစ်များ

1 REYES 12:9

Jare jei chupe reta: —¿Mbae pa pe reta chemboarakuaa jae vaerä kuae tëta pegua reta pe? Echa chemomiari reta, jei reta cheve: Kërai yepe embovevɨi oreve nderu mborookuai ipoɨ yae oñono oreve vae.

1 REYES 18:19

Emondo añave emboatɨuka opaete Israel pegua reta ɨvɨtɨ Carmelo re, jare cuatrociento cincuenta Baal regua omoërakua vae reta, jare cuatrociento Asera regua omoërakua vae reta, Jezabel ndive okaru vae reta.

1 REYES 18:20

Jayave Acab omboatɨuka opaete Israel pegua reta, jare omboatɨ Baal regua omoërakua vae reta ɨvɨtɨ Carmelo re.

1 REYES 22:10

Ojo ramboeve, mburuvicha guasu Israel pegua jare Josafat mburuvicha guasu Judá pegua, oyemonde kavi ñogüɨnoi, jare oguapɨ reta tenda mborookuaía pegua pe, tëta Samaria jöke pe, jare opaete ñeemombeúa reta omoërakua ñogüɨnoi jóvai rupi.

1 REYES 22:15

Javoi ou mburuvicha guasu jóvai, jare oparandu chupe: —Micaías, ¿jaekavi pa roporepeña vaerä tëta Ramot, ɨvɨ Galaad pe, ani mbaetɨ pa? Micaías jei: —Peporepeña jese, jare remoamɨrita, echa yandeYa omeeta ndepo pe.

1 REYES 22:5

Ërei tenonde eparandu räri yandeYa pe, jaekavi ra ko kuae vae.

2 REYES 10:19

Jayave peenɨi cheve opaete Baal regua omoërakua vae reta, opaete jembiokuai reta, jare opaete isacerdote reta; agüɨye metei ave toata, echa ayapota ikavi yae vae mɨmba oyeyukagüe, Baal pe. Oumbae vae omanota. Ërei Jehú yepe oyapo kuae yembotavɨ, oyuka vaerä opaete Baal omboete vae;

2 REYES 3:13

Jayave Eliseo jei mburuvicha guasu Israel pegua pe: —¿Maera pa reyu chekotɨ? Ekua eparandu ñeemombeúa reta nderu jare ndesɨ pe oyeokuai vae reta pe. Mburuvicha guasu Israel pegua jekuae jei ye: —Mbaetɨ, echa yandeYa orereru ore mboapɨ mburuvicha guasu reta oremee vaerä Moab iñemuña reta pe.

2 CRÓNICAS 18:14

Jare mburuvicha guasu oparandu chupe: —Micaías, ¿ikavi pa roporepeña tëta Ramot, Galaad pegua re ani mbaetɨ pa? Jare Micaías jei: —Peporepeña jese, pemoamɨrita ko, echa Tumpa omeeta pepo pe.

ISAÍAS 36:10

¿Nde rerovia pa ayu ko aporepeña jare amboai kuae tëtaguasu Tumpa oikuaambae reve? ¡Jae ko chembou aporepeña jare opa vaerä amboai!”

JEREMÍAS 5:31

Ñeemombeúa reta omoërakua apu; sacerdote reta oyapo mbaravɨkɨ ipɨa jemimbota rupiño; ¡jare tëta chembae vae jökorai oipota! Ërei, ¿mbae pa peyapota ou ma kañɨtei yave?’ ”

EZEQUIEL 13:22

Pe reta pembopɨatɨtɨ jupi yogüɨreko vae peapu rupi, che mbaetɨi ambopɨatɨtɨ reta vae; jare pemoäta ngatu jupimbae reta, jeiete yogüɨreko vaerä ikavimbae rupi.

San Mateo 7:15

Peyeandu ñeemombeúa jaanga reta güi. Oyemonde yogüeru pekotɨ vecha reta rami vae, ërei iyɨvɨte ko aguarayaɨmba pochɨ yae vae rami.

2 Timoteo 4:3

Echa outa ara reta oväe ñäteɨ vaerä ɨvɨ pegua reta oipota oyeapɨsaka mboromboe añete vae re, ërei oeka retata oyeapɨsaka vaerä jemimbota reño oporomboe vae reta re.

Apocalipsis 19:20

Jare oyepɨɨuka jókuae mbaemɨmba guasu ñeemombeúa raanga ndive, jae ko jókuae oporombotavɨ oyapo yave mɨakañɨ reta jókuae mbaemɨmba guasu jóvai vae; ombotavɨ mbaemɨmba guasu ikañɨmaa güɨnoi vae reta jare iägüe omboete vae reta. Kuae mókoi reve oyemombouka jekove reve tata guasu jendɨ oï azufre ndive vae pe.