1 REYES 22:5 - Biblia Guarani Tumpa Iñee

⁵ Ërei tenonde eparandu räri yandeYa pe, jaekavi ra ko kuae vae.

1 REYES 22:5 ပူးပေါင်းရင်းမြစ်များ

1 REYES 22:4

Jayave mburuvicha guasu oparandu Josafat pe: —¿Nekɨ̈reɨ pa reo che ndive ñaporepeña vaerä tëta Ramot re ɨvɨ Galaad pe? Josafat jei: —Che, jare opaete chesundaro reta jare kavayu regua reta, roï nde ndive, jare nderupiegua reta ndive.

1 REYES 22:6

Mburuvicha guasu Israel pegua omboatɨ opaete ñeemombeúa reta, oupitɨ cuatrociento rupi, jare oparandu chupe reta: —¿Jaekavi pa aporepeña vaerä tëta Ramot re ɨvɨ Galaad pe ani mbaetɨ pa? Jayave jae reta jei: —Eporepeña jese, echa yandeYa omeeta ndepo pe.

2 REYES 1:3

Jayave yandeYa iaraɨgua jei Elías Tisbe pegua pe: “Epüa ekua eövaiti mburuvicha guasu Samaria pegua iñee jerajaa reta, jare ere chupe reta: ¿Mbaetɨ pa Israel pe Tumpa, peo vaerä peparandu Baal-zebub tumpa Ecrón pegua pe?

2 REYES 3:11

Ërei Josafat jei: —¿Mbaetɨ pa kuae pe Tumpa iñeemombeúa, yaparandu vaerä yandeYa pe jókuae ñeemombeúa rupi? Metei sundaro ruvicha, Israel pegua mburuvicha guasu iyɨvɨrigua jei: —Kuae pe oime oiko Eliseo, Safat taɨ, Elías jemimboe.

1 CRÓNICAS 10:13

Jökorai omano Saúl ipɨapochɨ jeko pegua, echa ñäteɨ oyapo yandeYa oyókuai tëi oyapo vaerä vae. Jare yandeYa jei vae mbaetɨ oyapo, jare ojo oparandu maratuta vae imombeúa pe ramo,

EZEQUIEL 14:3

“Nde kuimbae, kuae kuimbae reta oñono ipɨa pe tumpa-raanga reta omboete vaeräño, omae reta jókuae mbaeyoa oyapouka chupe reta vae kotɨño. ¿Amaeñota yera oparandu reta mbae re cheve?

NÚMEROS 27:21

Jare tojo sacerdote Eleazar jóvai, jae toparandu cheve Urim rupi. Josué tomee mborookuai, jae iporookuai rupi opaete mbae toyeapo.

JOSUÉ 9:14

Jare Israel iñemuña reta oipɨɨ tapeke Gabaón pegua reta güerugüe, ërei mbaetɨ oparandu reta yandeYa pe.

JUECES 1:1

Josué omano güire, Israel iñemuña reta oparandu yandeYa pe oikuaa reta vaerä kia nunga ñemuña ra tenonde oyeupita ojo oñeraro cananeo reta ndive.

JUECES 20:18

Jaɨkue rupi opüa Israel iñemuña reta jare yogüɨraja Bet-el pe, jare oparandu reta Tumpa pe, jei reve: —¿Kia räri pa oregüi reta tenonde ojota oñeraro Benjamín iñemuña reta ndive? Jare yandeYa jei chupe reta: —Judá räri tojo tenonde.

JUECES 20:23

Echa Israel iñemuña reta yogüɨraja oyaeo yandeYa jóvai pɨ̈tu regua, jare oparandu reta yandeYa pe, jei reve: “¿Rojo yeta pa roñeraro orerëtara Benjamín iñemuña reta ndive?” Jare yandeYa jei chupe reta: —Pekua ye chupe.

JUECES 20:29

Jayave Israel iñemuña reta oñemi kavi okätɨro ñogüɨnoi tëta Gabaa ikupe rupi.

1 SAMUEL 14:18

Jare Saúl jei Ahías pe: —Eru Tumpa ikäjou cheve. Echa jayave rupi oimeño Tumpa ikäjou Israel iñemuña reta ndive.

1 SAMUEL 23:2

Jare David oparandu yandeYa pe jei reve: —¿Ajata pa añeraro filisteo reta ndive? Jare yandeYa jei chupe: —Ekua eñeraro jare eepɨ tëta guasu Keila.

1 SAMUEL 23:4

Jayave David oparandu ye yandeYa pe, jare yandeYa jei: —Epüa jare ekua Keila pe, che ameeta ndepo pe filisteo reta.

1 SAMUEL 30:8

Jare David oparandu yandeYa pe jei reve: —¿Aaɨkuemoñata pa kuae imonda vae reta? ¿Aupitɨ retata pa? Jare yandeYa jei chupe: —Eaɨkuemoña reta, repɨ̈ro yeta jókuae oipɨɨ güɨrajagüe reta.