1 REYES 21:3 - Biblia Guarani Tumpa Iñee

³ Ërei Nabot jei Acab pe: —Tumpa mbaetɨ oipota che amee vaerä cheru oeya chembaerä vae.

1 REYES 21:3 ပူးပေါင်းရင်းမြစ်များ

GÉNESIS 44:17

Ërei José jei: —Ngaraa jókuae che ayapo. Jókuae kuimbae ivoɨtarɨru pe oñeväe kopa vae oikota cherembiokuairä; pe reta pekua kavi mbɨakatu ndive peru oïa pe.

GÉNESIS 44:7

Jare jae reta jei: —¿Maera pa oreya jei oreve kuae reta? ¡Ore nderembiokuai reta ngaraai royapo kuae nunga!

1 CRÓNICAS 11:19

“¡Tumpa tachereepɨ kuae güi! ¡Echa kuae kuimbae reta jugüɨ jau vae ramita ko, echa mano pe ko oñeñono reta opa ramboeve yogüɨraja güeru!” Jare mbaetɨ oipota jou. Kuae oyapo jókuae mboapɨ jëia vae reta.

JOB 27:5

Aikove aiko ramboeve, ngaraa ayemboekouka. ¡Ngaraa amaeño pe reta chemboeko!

EZEQUIEL 46:18

Mburuvicha agüɨye topɨ̈ro kia nunga vae iɨvɨ. Taɨ reta iɨvɨrä omeeta yave, tomboyao chupe reta iɨvɨ ae güi; jökorai agüɨyeta metei güi ave oñepɨ̈ro iɨvɨ.”

LEVÍTICO 25:23

Ɨvɨ agüɨye toñemee jekuae avei pegua, echa chembae ko; pe reta peguataiño peiko vae ko, ketɨgua ko pe reta chevegua jókuae ɨvɨ pe.

NÚMEROS 36:7

Israel iñemuña reta imbae ɨvɨ agüɨye vaerä oasa ïru ñemuña güi ambuae ñemuña ipo pe; echa Israel iñemuña reta ñavo togüɨreko iñemuña iɨvɨgüe.

NÚMEROS 36:9

Jare agüɨye kia iɨvɨ toasa pɨi ïru ñemuña reta ipo pe, Israel iñemuña reta ñavo togüɨreko iñemuña iɨvɨgüe.

Romanos 3:31

Jayave, ¿mborogüɨrovia rupi yamboai ra mborookuai? ¡Mbaetɨ ko! Jeieteño ko ñamomɨ̈rata mborookuai.

Romanos 3:4

¡Mbaetɨ ko! Echa Tumpa oyapo opaete añete vae rupi, yepe tëi opaete ɨvɨ pegua reta iyapu vae ko. Oyekuatía oï körai: “Neñee rupi, reyembojupiukata, jare reñejäauka yave, ngaraa ndereko.”

Romanos 3:6

¡Mbaetɨ ko! Echa Tumpa jupiä ko yave, ¿këraita pa ojäa ɨvɨ pegua reta?

Romanos 6:15

¿Kërai pa jayave? ¿Jeieteiñota pa yandeyoa, mbaetɨ ramo yaiko mborookuai igüɨ pe, ërei ñaï Tumpa ipɨakavi igüɨ pe? ¡Mbaetɨ ko!

Romanos 6:2

¡Mbaetɨ ko! Echa yande ñamano ma mbaeyoa güi vae, ¿këraita pa jekuaeño yaiko mbaeyoa pe?,

Romanos 7:13

Jayave, ¿jókuae ikavi vae, chererajata pa mano kotɨ? ¡Mbaetɨ ko! Jae ko oyekuaa vaerä mbaeyoa, añetete ko mbaeyoa vae ramo, cheyuka jókuae ikavi vae rupi; jökorai mborookuai jei vae rupi ou oyekuaa mbaeyoa ikavimbae yae ko vae.

Romanos 7:7

¿Mbae pa yaeta? ¿Yaeta pa mborookuai jae ko mbaeyoa? ¡Mbaetɨ ko! Ërei che mborookuai rupi aikuaa mbaeyoa. Echa ngaraa tëi aikuaa mbaepotarai, mborookuai mbaetɨ yave mona jei: “Agüɨye pembaepotarai.”

1 Corintios 6:15

¿Mbaetɨ pa peikuaa perete jae ko Cristo jete? ¿Aekɨta pa Cristo jete güi amee iyaguasa pota vae pe? ¡Ngaraa ko!

Gálatas 6:14

Ërei yandeYa Jesucristo ikurusu reño ayemboeteta. Jesucristo re arovia ramo, chevegua ɨvɨ pegua teko omano, jare chupegua che amano vi.

JOSUÉ 22:29

YandeYa agüɨye tomaeño orepɨapochɨ vaerä ikotɨ ani rosɨrɨ vaerä chugüi, royapo yave mɨmba oyeyuka oyeapɨ jese vae, romee vaerä mɨmba oyeyukagüe opaetei oyeapɨ vae, mbota temitɨ iagüe romee jese vaerä ani mbota oyeyukagüe romee vaerä jese, romopüa yave ïru mɨmba oyeyuka oyeapɨ jese vae yandeYa imbae o yemboatɨa jóvai oï vae güi.

JOSUÉ 24:16

Jayave opaete vae jei: —¡Ngaraa romboete ïru tumpa reta yandeYa güi!

1 SAMUEL 12:23

YandeYa tachemborɨ agüɨye vaerä ayerure poi peré, pomboe aveita peguata kavi vaerä jupi rupi.

1 SAMUEL 24:6

Jare jei jupiegua reta pe: —¡YandeYa tacheövatu agüɨye vaerä ayapo mbae ikavimbae vae cheya pe! Jae ko mburuvicha guasu, ¡yandeYa oiparavogüe ko!