1 REYES 21:26 - Biblia Guarani Tumpa Iñee

²⁶ Oyapo pɨ̈chɨi yae vae, omboete tumpa-raanga amorreo reta rami, jókuae tëta reta yandeYa opa güɨnoe omombo jae reta jenonde güi vae reta oyapose vae.)

1 REYES 21:26 ပူးပေါင်းရင်းမြစ်များ

2 REYES 21:11

“Manasés mburuvicha guasu Judá pegua oyapo kuae teko pɨ̈chɨi jeko pegua, jare oasa ete oyapo ikavimbae opaete amorreo reta oyapo vae güi, ndei jae oiko mbove yogüɨreko vae reta güi, jare oyapouka vi mbaeyoa Judá pe, itumpa-raanga reta rupi.

GÉNESIS 15:16

Nerɨmɨmino reta jɨmɨmino reta oyerova yeta kuae kotɨ; echa kuae ara rupi amorreo reta ndeiño omondo ete mbatee imbaeyoa.

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.

1 Pedro 4:3

Peyapo ma ko ɨma rupi oporogüɨroviambae reta omomora vae; peiko yepi soo jemimbota reta rupi, savaɨpo rupi, oasa ete pekau jare pekaru vae rupi, kau rupi avei jare petumpa-raanga pota ikavimbae yae vae rupi.

EZEQUIEL 18:12

oyuvanga paravete vae re jare mbae oata chupe vae re, imonda, mbia re mbae oeya vae pe mbaetɨ omee ye, omboete tumpa-raanga reta jare oyapo mbae pɨ̈chɨi yae cheve vae,

EZEQUIEL 16:47

Nde reiko jae reta yogüɨreko rami, reyapo jae reta oyapo vae. Ërei mbaetɨ ndeangapɨɨ, ndereko oasa ete yé ikaviä chugüi reta.

JEREMÍAS 44:4

Ambou avei voi tëi cherembiokuai ñeemombeúa reta omombeu vaerä peve, agüɨye vaerä peyapo ikavimbae yae vae, che aröɨro vae.

JEREMÍAS 16:18

Tenonde aiporaraukata täta chupe reta jeko kavimbae jare imbaeyoa reta re, echa omongɨa reta cheɨvɨ itumpa-raanga reta jekovembae pe, jare opaete ɨvɨ chembae rupi oyapo reta mbaembae che aröɨro vae.”

ISAÍAS 65:4

tɨvɨa rupi oguapɨ reta, iköe reta yaikuaambaea rupi; kuchi isoo jou reta, mbaetɨta tëi oyeu vae omotɨnɨe omboyɨ reta iyapepo pe.

2 CRÓNICAS 36:14

Jökorai vi opaete sacerdote tenondegua reta, jare tëta pegua reta jeiete yae ikavimbae oyapo, omomoe reta tëtaguasu pegua reta jeko ikavimbae yae vae, jare yandeYa jo jae oñono tee Jerusalén pe vae omongɨa reta.

2 CRÓNICAS 33:9

Ërei Manasés jeiete oyapouka ikavimbae Judá pegua reta pe jare Jerusalén pegua reta pe, oasa ete Israel iñemuña reta jenonde güi yandeYa opa omoë omombo tëtaguasu reta vae güi, ikavimbae oyapo reta vae.

2 CRÓNICAS 33:2

Ërei oyapo ikavimbae yandeYa jesa róvai, yandeYa opa omoë omombo Israel iñemuña reta jenonde güi vae tëtaguasu reta jeko pɨ̈chɨi rami:

2 CRÓNICAS 15:8

Asa oendu ñee reta maratuta vae re ñeemombeúa Azarías, Obed taɨ güi yave, oñemoäta ngatu jare omboai tumpa-raanga reta ikavimbae yae vae Judá jare Benjamín iɨvɨ güi, jare tëta guasu reta opɨ̈ro Efraín iɨvɨtɨ re vae güi, jare oñono kavi yandeYa imbae mɨmba oyeyuka oyeapɨ jese vae, tupao guasu jöke pe oï vae.

2 REYES 21:2

Ërei oyapo ikavimbae yandeYa jesa róvai, yandeYa opa omoë omombo Israel iñemuña reta jenonde güi vae tëtaguasu reta jeko pɨ̈chɨi rami.

2 REYES 17:12

Omboete reta mbae iägüe, kuaekuae reta re yandeYa jei chupe reta: “Agüɨye peyapo kuae.”

2 REYES 16:3

Omomoe mburuvicha guasu reta Israel pegua jeko, echa taɨ oapɨuka tumpa-raanga pe, tëtaguasu reta, yandeYa güɨnoe omombo Israel iñemuña reta jenonde güi vae jeko pɨ̈chɨi yae rami.

1 REYES 15:12

Echa opa güɨnoe omombo ɨvɨ güi kuimbae japicha ndive oasa vae rupi ombaemboete vae reta, jare opa vi oekɨ tumpa-raanga reta iñemuñagüe reta oyapogüe.

DEUTERONOMIO 12:31

Agüɨye jökorai peyapo yandeYa Tumpa pe, echa opaete mbae ikavimbae yandeYa güɨröɨro vae, jae reta oyapo itumpa reta pe, echa taɨ jare tayɨ reta ave oapɨ tata pe itumpa reta peguarä.

1 REYES 18:18

Jare Elías jei chupe: —Che mbaetɨ ko aiporarauka Israel pegua reta, nde, nderaɨ reta jare nerëtara ko, echa peeya yandeYa iporookuai reta, jare pemboete baal reta.

JOSUÉ 23:9

Echa yandeYa oekɨ omombo perenonde güi tëtaguasu tuichagüe reta jare imbaepuere yae vae reta, jare mbaetɨño kia ipuere peré oñeraro pe reta ndive yave añave regua.