1 REYES 21:2 - Biblia Guarani Tumpa Iñee

² Metei ara Acab jei Nabot pe: —Emee cheve ndeuvarupa cheko raɨrä, echa oï chero iyɨpɨ pe, kuae jekovia pe tamee ndeve uvarupa ikavigüe; ani reipota yave tamboepɨ ndeve jepɨ oï rupi.

1 REYES 21:2 ပူးပေါင်းရင်းမြစ်များ

GÉNESIS 16:6

Abram jei Sarai pe: —Mase, ko nderembiokuai ndepo pe ko oï, eyapo chupe nde reipota vae. Jare Sarai güɨreko kaviä vae jeko pegua, Agar otekuarai chugüi.

GÉNESIS 3:6

Jare kuña oecha jókuae ɨvɨra iagüe ikavi yae oyeu vaerä, ipöra yae oyekuaa jesa pe, ikavi yae oupitɨ vaerä arakuaa katu; jare oipɨɨ jókuae ɨvɨra iagüe jare jou. Omee vi ime pe, jare jae jou vi jembireko rami.

1 REYES 21:3

Ërei Nabot jei Acab pe: —Tumpa mbaetɨ oipota che amee vaerä cheru oeya chembaerä vae.

1 REYES 21:6

Acab jei chupe: —Chemiari Nabot, Jezreel pegua ndive, jae chupe omee vaerä agua iuvarupa; ani oipota yave ïru uvarupa ndive aipoepɨ vaerä. Ërei jae mbaetɨ oipota omee cheve.

2 REYES 9:27

Ocozías, mburuvicha guasu Judá pegua oecha yave kuae oasagüe, otekuarai Bet-hagan kotɨ. Ërei Jehú oaɨkuemoña, jei: —¡Peyuka vi ikäretou pe! Ombopere reta ɨvɨtɨ Gur re yayeupía pe Ibleam jóvai, ërei jae otekuarai Meguido pe oväe regua. Joko pe omano.

ÉXODO 20:17

Agüɨye peipotarai perapicha jo, agüɨye peipotarai perapicha jembireko, ani jembiokuai kuimbae, ani jembiokuai kuña, ani igüeye, ani imburika, ani oipotagüe mbae nunga güɨnoi perapicha vae.”

ECLESIASTÉS 2:5

Ayapo cheyeupe ko reta jare ko raɨ reta, joko pe añotɨ opaete temitɨ ɨvɨra ia vae.

CANTARES 4:15

Ko raɨ reta pegua ɨ, ɨkua jesaɨ vae, jae ko ɨ Líbano kotɨ güi ou vae rami.

JEREMÍAS 22:17

Ërei nde jaeño reyemoambeko, reipota rai vae renoi vaerä; jare reyukauka vaerä jekombae, rerekoasɨ katu jare ndembaeyuvanga katu nerëta re.”

San Lucas 12:15

Jayave Jesús jei vi opaete vae pe: —Peyeandu, peipota rai mbaembae vae güi. Echa mbaeyekou reä ko oï tekove.

DEUTERONOMIO 11:10

Peiketa pepɨ̈ro ɨvɨ vae mbaetɨ ko ɨvɨ Egipto pegua rami, jókuae peyu chugüi vae pe, pemaetɨ yave temitɨ pemboɨu yepi pepɨ re, ko raɨ pe rami,

DEUTERONOMIO 5:21

Agüɨye peipotarai perapicha jembireko, jo ave agüɨye peipota, iɨvɨ jare jembiokuai kuimbae ani jembiokuai kuña, igüeye ani imburika ani oipotagüe mbae perapicha imbae.’

1 Timoteo 6:9

Ërei oipota oikokatu vae reta mbaetɨ ipɨaguasu, oa mbaeyoa pe, jare jeta mbaepotarai ikavimbae vae pe. Jare oñeäka pɨpɨ mbaesusere jare kañɨtei pe.

1 SAMUEL 29:6

Jare Aquis oenɨi David, jei chupe: —¡Tumpa jee re jae, nde ko kuimbae jupi vae! Chemboyerovia yae reyapogüe kuae teyupa pe, mbaetɨ etei aväe teko nderé jókuae ara reyu güive chépɨri añave regua. Ërei filisteo juvicha reta mbaetɨ ipɨakatu nderé,

1 SAMUEL 8:14

Jae ramiño vi peɨvɨ kavi reta opata opɨ̈ro pegüi, peuvarupa, peolivorupa, jare oñonota imborɨa reta ipo pe.

1 SAMUEL 8:6

Ërei Samuel pe mbaetɨ jaekavi jókuae mburuvicha jae reta oiporu vae. Jare Samuel oyerure yandeYa pe.