1 REYES 21:11 - Biblia Guarani Tumpa Iñee

¹¹ Jare opaete vae reta, tenondegua reta jare mburuvicha reta, Jezabel oyapo ombou kuatía rupi oyókuai rami.

1 REYES 21:11 ပူးပေါင်းရင်းမြစ်များ

1 REYES 21:10

Javoi peñono jóvai mókoi kuimbae ipɨapochɨ vae yapu reve oporomboeko vae, imiari reta vaerä ikotɨ, jei reve: ‘Nde rere ñee ikavimbae Tumpa kotɨ jare mburuvicha guasu kotɨ.’ Javoi penoe ikatu pe peyapi ita pe, jökorai tomano.”

1 REYES 21:12

Omoërakua reta yekuaku tembíu güi vae jare omboguapɨ reta Nabot opaete vae jóvai.

2 CRÓNICAS 24:21

Ërei ngatu opaete vae oyovaicho ikotɨ, jare mburuvicha guasu iporookuai rupi oyapi reta ita pe oyuka regua yandeYa jo joka pe.

ÉXODO 1:17

Ërei oporomboyekuaku vae reta oipoɨu Tumpa güi, jare mbaetɨ oyapo reta mburuvicha guasu Egipto pegua oyókuai rami, omaeño michia kuimbae reta oikove.

ÉXODO 1:21

Jare oporomboyekuaku vae reta, Tumpa güi oipoɨu vae jeko pegua, jae iporerekua jo pegua reta re.

PROVERBIOS 29:12

Mburuvicha oyeapɨsaka yave apu re, opaete imborɨa reta pe oyavɨukata ko.

PROVERBIOS 29:26

Jeta vae oeka mburuvicha iporomborɨ, ërei yandeYa güi ko ou morojäa metei ñavo pe.

ISAÍAS 59:14

Jupi vae rogüɨröɨro, sɨmbi vae osɨrɨ oregüi, añete vae rombosɨrɨ oreyeugüi oka guasu pe, jare mbaetɨ oime mboromboete.

OSEAS 5:11

Efraín pegua reta oiporara yae, yogüɨrekoasɨ katu, echa oiparavo omboete vaerä tumpa-raangaño.

LEVÍTICO 19:15

Agüɨye peyapo jupimbae peporojäa yave: Agüɨye peepɨ paravete vae ani pembopɨakatu oikokatu vae. Jupi rupi peporojäa.

MIQUEAS 6:16

Echa peñovatu peyeupe Omri iporookuai reta, jare opaete Acab iñemuña reta jembiapo peyapo; jókuae reta iporomboarakuaa rupi peiko, opa vaerä che pomboai poñono jare peikota ñemomarai rupi. Jáeramo peñemotareɨukata peiko ïru tëta guasu pegua reta pe.”

San Mateo 2:12

Ërei Tumpa oechauka jókuae kuimbae reta pe ipaɨu rupi agüɨye vaerä oyerova reta ye Herodes jëta rupi. Jáeramo yogüɨraja reta ye iɨvɨ pe ïru tape rupi.

San Mateo 2:16

Jayave Herodes oikuaa jókuae yasɨtata re oyemboe vae reta mbaetɨ oyapo jae jei vae, iyarasɨ yae, jare omondo sundaro reta oyuka vaerä opaete michia kuimbae Belén pe jare Belén iyɨpɨ rupi ñogüɨnoi vae reta ndei mókoi año güɨnoi vae güi ɨ́vɨkotɨ. Yasɨtata re oyemboe vae reta omombeu Herodes pe kërai yave güi ma ko oecha reta yasɨtata vae rami.

Hechos 4:19

Ërei Pedro jare Juan jei chupe reta: —Pemae kavi pe reta. ¿Jupi ra Tumpa jóvai royapo vaerä peporookuai Tumpa iporookuai güi?

Hechos 5:29

Jayave Pedro jare ïru temimondo reta jei chupe reta: —Royapo tai ko Tumpa iporookuai, kuimbae reta iporookuai güi.

1 SAMUEL 22:17

Jayave mburuvicha guasu jei jembiokuai reta pe: —¡Peyuka yandeYa isacerdote reta! Echa jae reta vi oñemoïru David ndive, jae reta oikuaa tëi David otekuarai oiko chegüi, ërei mbaetɨ omombeu reta cheve. Ërei Saúl jembiokuai reta mbaetɨ oipota oyuka yandeYa isacerdote reta.

1 SAMUEL 23:20

Jáeramo, mburuvicha guasu roe ndeve ekua jarembae voi, nde reipota rami, jare romeeta ndepo pe.