1 REYES 20:31 - Biblia Guarani Tumpa Iñee

³¹ Jayave iyɨvɨrigua mburuvicha reta jei chupe: —Roendu mburuvicha guasu reta Israel pegua iporoparareko jare ombopo iñee; jayave yayemonde temimonde mbɨatɨtɨ pegua pe jare yandeayu re ñañono tɨmasa, javoi yaja mburuvicha guasu Israel pegua jóvai, yaecha ra iñɨ̈ro ndeve.

1 REYES 20:31 ပူးပေါင်းရင်းမြစ်များ

GÉNESIS 37:34

Jayave Jacob omondoro jemimonde, jare oyemonde temimonde mbɨatɨtɨ pegua pe, jökorai ipɨatɨtɨ oiko ɨma ara rupi taɨ re.

2 SAMUEL 14:2

jayave omondo güeruruka Tecoa güi metei kuña ipoki yae oporombotavɨ vaerä vae, jare jei chupe: “Eyeapo kia omano ndeve rami, eyemonde temimonde mbɨatɨtɨ pegua pe, agüɨye eipichɨ ndeyé mbae ikäti kavi vae, eyeapo ɨma ma kia omano chugüi vae re ipɨatɨtɨ oiko rami.

2 SAMUEL 3:31

Jayave David jei Joab pe jare opaete jupiegua reta pe: “Pemondoro peremimonde jare peyemonde temimonde mbɨatɨtɨ pegua pe, Abner imano re.” Jare mburuvicha guasu David ojo oiko tëogüe jaɨkue.

1 REYES 20:23

Jare mburuvicha guasu Siria pegua imborɨa reta, jei chupe: —Israel iñemuña reta itumpa reta, jae ko tumpa reta ɨvɨtɨ rupigua; jáeramo ñanemoamɨri. Ërei ñañoraro yave ɨvɨpe kavi pe jae reta ndive ñamoamɨrita.

1 REYES 20:32

Jayave oyemonde reta temimonde mbɨatɨtɨ pegua pe jare tɨmasa oñono reta iyayu re, jökorai yogüeru oyemboɨ mburuvicha guasu Israel pegua jóvai, jare jei reta chupe: —Ben-adad nemoñera remaeño vaerä oikove. Acab jei: —¿Oikoveño yera? ¡Tëtara rami ko chevegua!

2 REYES 5:13

Ërei ngatu jembiokuai reta oya ikotɨ jare omomiari reta körai: —Cheruvicha, ñeemombeúa ndeokuai yave mbae yavai yae vae re, ¿mbaetɨta pa reyapo? ¿Mbae mbatee pa jei yave ndeve: “Eyeyoe, jare rekuerata”?

2 REYES 7:4

Yaike yave tëta guasu pe, yandeyukata yɨmbɨaɨ, karuai jeko pegua; jare kuae pe yapɨta yave ñamanota vi. Yaja Siriaɨgua reta jeyupa kotɨ; jae reta omaeño yaikove yave, yaikoveta; ani yandeyuka reta yave, ñamano.

ESTER 4:16

“Ekua emboatɨ opaete Judáɨgua Susa pe ñogüɨnoi vae, jare peyekuaku tembíu güi cheré, agüɨye pekaru jare peɨu mboapɨ ara, ara rupi jare pɨ̈tu rupi; jökoraita vi che ayapo cherembiokuai kuñatai reta ndive, jare jaɨkue rupi aiketa mburuvicha guasu oïa pe, yepe tëi mbaetɨ mborookuai jökorai; cheyuka yave tacheyuka.”

JOB 2:4

Satanás jei yandeYa pe: —Jekove oaɨu pɨpei, kuimbae omeeta ko opaete imbaembae, güɨroasayepe vaerä jekove.

SALMOS 69:11

Ayemonde temimonde mbɨatɨtɨ pegua yave, cheapo reta iñeerä,

PROVERBIOS 20:28

Mburuvicha guasu ɨma oiko iporookuaía pe, iporoparareko, iyeaeä jare jupi yave.

ISAÍAS 16:5

David iñemuña güi metei oguapɨta mburuvicha guasurä mboroaɨu rupi. Jae ko oïta jupi rupi oporojäa vaerä, oyapota jupi vae opaete pe.

ISAÍAS 22:12

Jáeramo, kuae ara yandeYa Imbaepuere yae ete vae, oparea peve reta peyaeo vaerä jare pepɨatɨtɨ vaerä, oparea peve reta peñeapi vaerä jare pemonde reta vaerä temimonde mbɨatɨtɨ pegua.

ISAÍAS 37:1

Jare mburuvicha guasu Ezequías oendu jókuae yave omondoro jemimonde ipɨatɨtɨ güi, oyemonde temimonde mbɨatɨtɨ pegua pe jare ou yandeYa itupao guasu pe.

San Mateo 10:28

Agüɨye pekɨɨye pereteño ipuere oyuka vae reta güi, echa perekove ngaraa ipuere oyuka. Pekɨɨye Tumpa güi, echa jae ipuere omokañɨtei perete jare perekove tata guasu pe.

Apocalipsis 11:3

Jare ambouta mókoi kuimbae chemoërakua vae reta, omoërakua vaerä mil dosciento sesenta ara, oyemonde reta reve temimonde mbɨatɨtɨ pegua pe.”