1 REYES 20:21 - Biblia Guarani Tumpa Iñee

²¹ Jayave mburuvicha guasu Israel pegua omoña jare opɨ̈ro chugüi ikavayu reta jare ikäretou reta ñeraro pegua, jökorai Siriaɨgua reta ñamɨriasɨ yae.

1 REYES 20:21 ပူးပေါင်းရင်းမြစ်များ

1 REYES 20:20

Jare metei ñavo oyuka tovaicho oporepeña jese yave, otekuarai Siriaɨgua reta. Israel iñemuña reta oaɨkuemoña, ërei Ben-adad, Siriaɨgua reta juvicha guasu otekuarai kavayu re, amogüe sundaro kavayu regua reta ndive.

1 REYES 20:22

Jaɨkue rupi ñeemombeúa ou mburuvicha guasu Israel pegua jóvai, jare jei chupe: —Ekua, eyeapokatu jare emoïru ndesundaro reta, jare eyemongeta kavi mbae reyapota vae re, echa kuae güi metei añoa pe mburuvicha guasu Siria pegua oporepeña yeta nderé.

2 REYES 3:18

Kuae mbaeä etei ko yandeYa pe, echa jae omeeta vi pepo pe Moab iñemuña reta.

2 REYES 3:24

Ërei Moab iñemuña reta yogüeru oväe Israel iñemuña reta jeyupa pe yave; Israel iñemuña reta ñogüɨnoe chupe reta, opa ombotekuarai, oaɨkuemoña reta jare opa oyuka.

JOSUÉ 10:20

Josué, Israel iñemuña reta ndive opa omoamɨri amorreo reta, oparapiti jeta yeyé; amorreo reta jembɨregüe oñepɨ̈ro jëta guasu reta oñekëse kavía rupi.

JUECES 11:33

Jefté oyuka jeta Amón iñemuña reta jare opɨ̈ro veinte tëta guasu, Aroer güive ojoi oväe Minit pe jare ɨvɨ ñäkɨ ngatúa uva renda pe. Jökorai Israel iñemuña reta omoamɨri Amón iñemuña reta.

JUECES 3:28

Jayave jae omombeu opaete yogüeru jupíe vae reta pe, yandeYa ko omee ipo pe jovaicho moabita reta vae. Jayave opaete vae yogüɨraja jupíe jare opɨ̈ro reta ɨ̈aka Jordán tɨpɨmbaea rupi tape oasa Moab kotɨ vae, jare mbaetɨ omaeño kia ave oasa.

1 SAMUEL 17:52

Jayave Israel kotɨgua jare Judá kotɨgua reta osapúkai jare ñogüɨnoe oaɨkuemoña reta filisteo reta opa yogüɨraja oväe regua ɨvɨtɨ päu ipe kavi vae pe, jare tëta Ecrón jee vae jöke pe. Jare oyoa sundaro filisteo reta jëogüegüe Saaraim jape rupi ojoi oväe Gat jare Ecrón pe.

1 SAMUEL 19:8

Kuae jaɨkue rupi oiko ye ñeraro, jare David ojo ye oñeraro filisteo reta ndive, jeta oporoyuka jare opa ombotekuarai.