1 REYES 20:20 - Biblia Guarani Tumpa Iñee

²⁰ Jare metei ñavo oyuka tovaicho oporepeña jese yave, otekuarai Siriaɨgua reta. Israel iñemuña reta oaɨkuemoña, ërei Ben-adad, Siriaɨgua reta juvicha guasu otekuarai kavayu re, amogüe sundaro kavayu regua reta ndive.

1 REYES 20:20 ပူးပေါင်းရင်းမြစ်များ

2 SAMUEL 2:16

jare oyopɨɨ reta iñäka pe, oyokutu reta iñäruka pe kɨsepuku pe, jökorai opa oyoyuka reta metei rami. Jáeramo oyembojee Helcat-hazurim jókuae, kuae oï Gabaón pe.

1 REYES 15:18

Jayave mburuvicha guasu Asa omboatɨ opaete oro, korepoti yandeYa jo pe mbaembae jepɨ vae oñeñovatúa pe oimeño vae, jare mburuvicha guasu imbaembae jepɨ vae oñeñovatúa pegua, opa omee jembiokuai reta pe, jare omondo Ben-adad pe mburuvicha guasu Siria pegua pe, jae ko Tabrimón taɨ, Hezión jɨmɨmino, jae oiko Damasco pe, omondo jei chupe:

1 REYES 20:19

Ɨvɨ ruvicha imborɨa reta ñogüɨnoe tëta güi, sundaro reta jenonde.

1 REYES 20:21

Jayave mburuvicha guasu Israel pegua omoña jare opɨ̈ro chugüi ikavayu reta jare ikäretou reta ñeraro pegua, jökorai Siriaɨgua reta ñamɨriasɨ yae.

2 REYES 19:36

Jayave Senaquerib, mburuvicha guasu Asiria pegua oyerova ye Nínive kotɨ jare opɨta joko pe.

SALMOS 33:16

Mburuvicha guasu mbaetɨ ko oyereroasayepe jeta sundaro güɨnoi ramo, ani jëia yae vae mbaetɨ ko ojoyepe ipɨ̈rata yae jeko pegua;

SALMOS 46:6

Jäsémbai tëtaguasu pegua reta, orɨrɨi mborookuaía reta, iñee omoë yave, ɨvɨ opa tɨkui.

ECLESIASTÉS 9:11

Kuae ɨvɨ pe jekuae aecha ye vae jae ko: Mbaetɨ iñäkua yae vae retaño oporomoamɨri, mbaetɨ jëia yae vae retaño oporomoamɨri; mbaetɨ yarakuaa vae retaño güɨnoi tembíu, mbaetɨ yarakuaa katu vae retaño oikokatu, mbaetɨ jeta oyemboe vae retaño imboetea yae; echa opaete kuae reta pe oväe väei ko iara.

JEREMÍAS 41:15

Ërei Ismael, Netanías taɨ jare juri kuimbae jae ndive ñogüɨnoi vae, opa otekuarai Johanán güi jare yogüɨraja Amón iñemuña reta iɨvɨ pe.

LEVÍTICO 26:8

pegüi pandepo vae ombotekuaraita cien tovaicho, jare pegüi cien vae ombotekuaraita diez mil tovaicho, jare perovaicho reta opata pemoamɨri.

JUECES 7:23

Jayave oyomboatɨ Neftalí iñemuña reta, Aser iñemuña reta, jare opaete Manasés iñemuña reta oaɨkuemoña vaerä Madián iñemuña reta.