1 REYES 20:13 - Biblia Guarani Tumpa Iñee

¹³ Jökorai yave metei Tumpa iñeemombeúa ou Acab mburuvicha guasu Israel pegua pɨri, jare jei chupe: —Körai jei yandeYa: “Yepe tëi reecha jókuae tovaicho jeta yae vae, ërei añave che ameeta ndepo pe, reikuaa vaerä che ko jae ndeYa.”

1 REYES 20:13 ပူးပေါင်းရင်းမြစ်များ

2 SAMUEL 10:13

Jayave Joab jare isundaro reta oporepeña Siriaɨgua reta re, oñeraro vaerä jae reta ndive; ërei jae reta opa otekuarai.

1 REYES 18:39

Jare opaete vae oecha yave, oyetavatɨka itindɨasɨ ɨvɨ re jare jei reta: “¡YandeYa yepe jae Tumpa, yandeYa yepe jae Tumpa!”

1 REYES 20:14

Jare Acab jei: —¿Kia reta ipo rupi pa remeeta cheve? Jare jae jei: —Jókuae ɨvɨ ruvicha reta imborɨa reta rupi. Acab oparandu ye chupe: —¿Kia reta räri pa oporepeñata? Jare jae jei chupe: —Nde räri.

1 REYES 20:22

Jaɨkue rupi ñeemombeúa ou mburuvicha guasu Israel pegua jóvai, jare jei chupe: —Ekua, eyeapokatu jare emoïru ndesundaro reta, jare eyemongeta kavi mbae reyapota vae re, echa kuae güi metei añoa pe mburuvicha guasu Siria pegua oporepeña yeta nderé.

1 REYES 20:28

Jayave ou kuimbae Tumpa iñeemombeúa mburuvicha guasu Israel pegua jóvai, jare jei chupe: —Körai yandeYa jei: “Echa Siriaɨgua reta jei, che jae Tumpa ɨvɨtɨ rupiguaño, mbaetɨ ko ɨvɨpe kavi rupigua ramo, ameeta ndepo pe kuae jeta yae vae. Jökorai peikuaata che jae ko peYa.”

2 REYES 13:23

Ërei ngatu yandeYa güɨnoi mboroparareko ikotɨ reta, jare morogüɨrökuavee päve oyapo Abraham, Isaac, jare Jacob ndive jeko pegua mbaetɨ omokañɨtei jare mbaetɨ omombo iyeugüi; jökorai añave rupi mbaetɨ omokañɨtei.

2 REYES 3:18

Kuae mbaeä etei ko yandeYa pe, echa jae omeeta vi pepo pe Moab iñemuña reta.

2 REYES 7:1

Jayave Eliseo jei: —Eyeapɨsaka yandeYa iñee re. Körai jei yandeYa: “Pɨareve koyave Samaria jöke pe oñemeeta trigokúi, chiu kilo vae jepɨta metei reare korepoti pegua jare quince kilo cebada vae jepɨta metei reare korepoti pegua.”

2 CRÓNICAS 20:15

Jare jei: “Peyeapɨsaka opaete Judá pegua reta jare Jerusalén pegua reta, jare nde, mburuvicha guasu Josafat. YandeYa jei peve körai: ‘Agüɨye pekɨɨye ani peyomongɨɨye jókuae jeta yae vae güi, echa yandeYa ko oñerarota, mbaetɨta ko pe reta.

2 CRÓNICAS 20:17

Mbaetɨta ko pe reta peñeraro. Peyemboɨ kïrii, jare peechata kërai yandeYa pereepɨ. ¡Judá pegua reta jare Jerusalén pegua reta, agüɨye pekɨɨye, agüɨye peyembopɨtu; peporepeña pɨareve jese reta, echa yandeYa oïta pe reta ndive!’ ”

SALMOS 83:18

¡Toikuaa reta nde jae ko Tumpa vae, ndeño ko jae Tuichagüe yae ete opaete ɨvɨ re vae!

ÉXODO 14:18

Egiptoɨgua reta oikuaa vaerä che ko jae peYa, ayemboeteuka yave Faraón rupi, isundaro kavayu regua reta rupi jare opaete ikäretou maratuta oasa vae rupi.

ÉXODO 16:12

—Che aendu Israel iñemuña reta iñeenguru vae; nemiari chupe reta körai: Kaaru yave peuta soo, jare ndeimbove yave perɨ̈vɨatata mbɨyape re. Jayave peikuaata che ko jae peYa Tumpa vae.

ISAÍAS 37:20

Añave, oreYa Tumpa, orereepɨ jókuae mburuvicha ipo güi, opaete tëtaguasu reta oikuaa vaerä, ndeño ko jae oreYa Tumpa añetete vae.”

EZEQUIEL 20:14

Ërei aipoepɨ cheyemongeta cheree jeko pegua, agüɨye vaerä jërakua pɨ̈chɨi cheree ïru tëtaguasu reta rupi, echa jae reta jovake ayekuaauka chupe reta, jare jae reta jovake ko opa anoe reta.

EZEQUIEL 20:22

Ërei ayembopɨaguasu cheree jeko pegua, agüɨye vaerä jërakua pɨ̈chɨi cheree ïru tëtaguasu reta rupi, echa jae reta jovake ayekuaauka chupe reta, jare jae reta jovake ko opa anoe reta.

EZEQUIEL 6:7

Peecha ma jeta omano pepɨte pe vae yave, peikuaata che ko jae peYa vae.

JOEL 3:17

Jayave peikuaata che jae ko peYa Tumpa, cheɨvɨtɨ oñeñono tee vae Sión pe aiko vae; Jerusalén oñeñono teeta ko, ngaraa ye ma opïro ketɨgua reta.

JOSUÉ 10:8

jare yandeYa jei Josué pe: “Agüɨye ekɨɨye chugüi reta, echa che amee ndepo pe, metei ave chugüi reta ngaraa ipuere oñeraro nde ndive.”