1 REYES 20:12 - Biblia Guarani Tumpa Iñee

¹² Ben-adad oendu kuae ñee, vino jou ñogüɨnoi ïru mburuvicha guasu reta ndive küaraɨa pe yave. Jayave jei isundaro ruvicha reta pe: “¡Peyeapo katu peñoraro vaerä!” Jare opaete vae oyupavo oporepeña vaerä tëta guasu re.

1 REYES 20:12 ပူးပေါင်းရင်းမြစ်များ

2 SAMUEL 13:28

Absalón yepe jei jembiokuai reta pe: “Pemae kavi, Amnón osavaɨpo ma oï yave, che jaeta peve peyuka vaerä yave, peyuka; agüɨye pekɨɨye, echa che ko jae peve. Jayave peñemomɨ̈rata jare peñemoäta ngatu.”

1 REYES 16:9

ërei Zimri, Ela ikäretou ñeraro pegua reta oyemboyao mbɨte rupi vae juvicha oñemopüa jese, Tirsa pe okau jare osavaɨpo ramboeve imbaembae iyangarekoa Arsa jëta pe.

1 REYES 20:16

Jare ñogüɨnoe reta kuaraɨ ara mbɨte ma yave. Ben-adad jare treinta y dos mburuvicha guasu reta okau jare osavaɨpo ñogüɨnoi ramboeve küaraɨa yai pegua oyapo reta iyeupe vae pe,

JEREMÍAS 43:10

jare ere chupe reta: ‘YandeYa Imbaepuere yae ete vae Israel iTumpa jei: Ambouta cherembiokuai Nabucodonosor, mburuvicha guasu Babilonia pegua, jare añonota iporookuaía jare jorä güɨnoi vaerä kuae ita reta añotɨ vae iárambo.

DANIEL 5:2

Belsasar osavaɨpo ma yave omondo güeruruka vaso reta oro pegua jare korepoti pegua, iñemuñagüe Nabucodonosor güeru Jerusalén pegua tupao güi vae, pɨpe okau vaerä jae jare mburuvicha reta, jembireko reta jare kuña güɨrekoiño vae reta ndive.

DANIEL 5:30

Jókuae pɨ̈tu voi oyeyukauka Belsasar, Caldeaɨgua reta juvicha guasu.

San Lucas 21:34

Peyeandu, agüɨye vaerä pekaru reteiño jare pesavaɨpo, jare agüɨye vaerä peyemoambaeko mbaembae ɨvɨ pegua re. Agüɨye vaerä peparanoe ou oväe peve jókuae ara ikavimbae.

Efesios 5:18

Agüɨye peyembosavaɨpo, echa jókuae reta oyapo jeta mbae ikavimbae vae. Ërei pemaeño Espíritu Santo re omotɨnɨe vaerä pepɨa.

1 SAMUEL 25:36

Jare Abigail ou ime Nabal pɨri. Oecha jae oyapo arete mburuvicha guasu arete oyapo rami. Oyerovia katu oï jare osavaɨpo yae vi, jáeramo imiari chupe pɨareve pe ramo.