1 REYES 20:1 - Biblia Guarani Tumpa Iñee

¹ Mburuvicha guasu Ben-adad, Siria pegua, omboatɨ opaete isundaro reta, jare treinta y dos mburuvicha guasu oñemoïru jae ndive vae reta, ikavayu re jare ikäretou ñeraro pegua reve reve, yogüɨraja opa oñova Samaria jare opüa jese.

1 REYES 20:1 ပူးပေါင်းရင်းမြစ်များ

1 REYES 15:18

Jayave mburuvicha guasu Asa omboatɨ opaete oro, korepoti yandeYa jo pe mbaembae jepɨ vae oñeñovatúa pe oimeño vae, jare mburuvicha guasu imbaembae jepɨ vae oñeñovatúa pegua, opa omee jembiokuai reta pe, jare omondo Ben-adad pe mburuvicha guasu Siria pegua pe, jae ko Tabrimón taɨ, Hezión jɨmɨmino, jae oiko Damasco pe, omondo jei chupe:

1 REYES 15:20

Ben-adad omokɨ̈reɨ, jókuae mburuvicha guasu Asa jei chupe vae, jayave omondo isundaro itenondegua reta oporepeña Israel pegua tëta guasu reta re. Jökorai opɨ̈ro Ijón, Dan, Abel-bet-maaca, jare opaete Cineret, jare opaete ɨvɨ Neftalí.

1 REYES 16:24

Omri ogua Semer güi ɨvɨtɨ Samaria, sesenta y seis kilo korepoti re, jare omopüa joko pe tëta guasu oñekëse kavi vae jare ombojee Samaria, echa jókuae ɨvɨtɨ iyagüe jee Semer.

1 REYES 20:16

Jare ñogüɨnoe reta kuaraɨ ara mbɨte ma yave. Ben-adad jare treinta y dos mburuvicha guasu reta okau jare osavaɨpo ñogüɨnoi ramboeve küaraɨa yai pegua oyapo reta iyeupe vae pe,

1 REYES 20:2

Omondo vi ñee jerajaa reta jókuae tëta guasu pe, Acab pɨri, mburuvicha guasu Israel pegua, jei reta chupe:

1 REYES 20:24

Añave eyapo körai: Eekɨ mburuvicha reta jenda güi, jare eñono jekovia pe sundaro ruvicha reta,

1 REYES 22:31

Ërei mburuvicha guasu Siria pegua jei jókuae treinta y dos sundaro ruvicha käretou ñeraro pegua reta pe, agüɨye vaerä oñeraro reta oipotagüe ndive, jaeño mburuvicha guasu Israel pegua ndive.

2 REYES 6:8

Mburuvicha guasu Siria pegua omboɨpɨ oñeraro Israel pegua reta ndive, jare omboatɨ isundaro ruvicha reta pe jei, kia kia pe oñono vaerä jeyupa.

2 REYES 8:5

Giezi imiari oï mburuvicha guasu pe, Eliseo omoingove ye omanogüe vae re ramboeve, jókuae kuña imembɨ omoingove chupe vae ou oväe omoñera vaerä mburuvicha guasu, jo re jare iɨvɨ re. Jayave Giezi jei: —Kuae kuña ko jae, jare kuae kunumi jae Eliseo omoingove ye vae.

ESDRAS 7:12

“Artajerjes mburuvicha guasu reta juvicha guasu, oikuatía sacerdote Esdras pe, oporomboe vae oikuaa katu kavi yae Tumpa ara pe oï vae iporookuai re vae: Mbɨakatu toï nde ndive.

ÉXODO 14:7

Güɨraja seisciento käretou ikavigüe, jare opaete käretou Egipto pegua reta, jare sundaro ruvicha reta pɨpe päve päve.

ISAÍAS 10:8

Echa jae jei: ‘Opaete mburuvicha guasu, chepo pe ko ñogüɨnoi.

ISAÍAS 37:24

Ndemborɨa reta rupi ko neñee jasɨ katu chekotɨ. Rere: ‘Jeta chekäretou ñeraro pegua vae pe ko ayeupita ɨvɨtɨ ɨvate yae vae re, Líbano iyapɨte ɨvategüe re. Ayasɨata ɨ̈vɨrare ɨvategüe, jare ɨvɨra pino ipöragüe. Iyapɨte ɨvate yeyé vae re ajata aväe, iɨvɨ ikavigüe pe.

JEREMÍAS 49:27

Ayatapɨta Damasco ikësea re, jare jókuae tata oapɨta Ben-adad jo reta.”

EZEQUIEL 26:7

Echa, che ndeYa Tumpa jae körai: Ɨvɨtuguasu kotɨ güi aruta mburuvicha guasu Nabucodonosor oporepeña Tiro re; jae ko mburuvicha guasu imbaepuere yae vae Babilonia pegua. Yogüeruta kavayu regua reta ikavayu re, jare käretou reta ñeraro pegua ndive, yogüeruta jeta yeyé.

DANIEL 2:37

Mburuvicha guasu, nde jae ko mburuvicha guasu reta juvicha guasu; echa Tumpa ara pe oï vae ko omee ndeve mborookuaía, mbaepuere, mɨ̈rata jare ndemboetea yae vaerä.

LEVÍTICO 26:25

Ambouta peve ñeraro, ayepɨ vaerä mbaetɨ ramo perovia cheporogüɨrökuavee päve re, jare peeka yave perëta guasu rupi ñepɨ̈roka, che amondota mbaerasɨ ovakatu vae pepɨte pe, jare peñemoamɨriukata perovaicho reta pe.

AMÓS 1:4

Jáeramo mburuvicha Hazael jo re amoendɨta tata, jókuae tata opata oapɨ mburuvicha guasu Ben-adad jo kavi reta.

DEUTERONOMIO 20:1

Peë yave peñoraro vaerä perovaicho ndive, jare peecha kavayu regua reta, käretou ñeraro pegua jare jeta sundaro pegüi yave, agüɨye pekɨɨye chugüi reta, yandeYa Tumpa ɨvɨ Egipto güi perenoe vae ko oï pe ndive.

DEUTERONOMIO 28:52

Oñova retata opaete perëta guasu reta, oa regua tëta ikësea täta jare ɨvate vae reta, pe peyerovia jese vae, opaete kuae ɨvɨ pe; oñova retata opaete tëta reta yandeYa omee ɨvɨ pevea pe.

JUECES 1:7

Jayave Adoni-bezec jei: “Tenonde yave che ayasɨa setenta mburuvicha guasu reta ipoäka guasu jare ipɨ̈sa guasu, jare chemesa güi cherembíu osururugüe jou reta yepi, jókuae ayapo chupe reta rami etei Tumpa oyapo vi cheve.” Jare güɨraja reta Jerusalén pe, joko pe omano.

JUECES 4:3

Jabín güɨnoi noveciento käretou jiero pegua, jare veinte año rupi oiporarauka yae Israel iñemuña reta pe. Jayave Israel iñemuña reta oyerure mbɨatɨtɨ ndive yandeYa pe.

1 SAMUEL 13:5

Jayave filisteo reta oyomboatɨ oñeraro vaerä Israel iñemuña reta ndive. Oyomboatɨ treinta mil käretou ñeraro pegua, seis mil kuimbae kavayu regua reta, jare jeta kuimbae reta, ɨ jembeɨ pe ɨvɨkuitï jeta yae vae rami; jare oyeupi reta jare oyembojeyupa reta Micmas pe, Bet-avén güi kuaraɨ oëa kotɨ.