1 REYES 2:7 - Biblia Guarani Tumpa Iñee

⁷ Ërei Barzilai, ɨvɨ Galaad pegua taɨ reta re emae kavi, emee tokaru reta ndépɨri, echa jae reta ko cheñomi atekuarai aiko nderɨkeɨ Absalón güi yave.

1 REYES 2:7 ပူးပေါင်းရင်းမြစ်များ

GÉNESIS 40:14

Nemaendúa cheré kuri reï kavi ye ma yave, romoñera ndeporoparareko vaerä cheré kuri jare nemiari cheré Faraón pe, cherenoe kuae tembipɨɨrɨru güi.

2 SAMUEL 19:28

Echa yepe tëi opaete cheru jo pegua reta jupi omano vaerä, ërei jeseve nde reparea cheve akaru vaerä ndeɨpɨ pe. ¿Mbae ye pa chepuere aeka ndeve?

2 SAMUEL 9:10

Jáeramo, añave, nde, nderaɨ reta jare nderembiokuai reta ndive pemaetɨ chupe jare pemboɨru chupe mbaagüɨye, ndeya iñemuña reta güɨnoi vaerä tembíu, ërei Mefi-boset ndeyagüe jɨmɨmino okaru aveita che ndive. Siba güɨnoi quince taɨ jare veinte jembiokuai.

2 SAMUEL 9:7

Jare David jei chupe: —Agüɨye ekɨɨye, echa che anoita mboroparareko ndekotɨ nderu Jonatán jeko pegua. Opata amboyevɨ ye ndeve opaete neramɨigüe Saúl iɨvɨ; jare nde rekaru aveita che ndive.

2 REYES 25:29

Jökorai Joaquín oipoepɨ jemimonde reta tembipɨɨrä oiko pegua, jare okaru avei mburuvicha guasu ndive opaete ara oikove oiko ramboeve.

2 REYES 25:30

Jökorai ara ñavo oñemee Joaquín pe tembíu, mburuvicha guasu Babilonia pegua jee re, opaete ara oikove oiko ramboeve.

ESDRAS 2:61

Sacerdote iñemuña reta güi jae ko: Habaía iñemuña reta, Cos iñemuña reta, jare Barzilai iñemuña reta, kuae omenda Barzilai Galaad pegua tayɨ ndive, jáeramo ombojee jókuae tee pe.

PROVERBIOS 27:10

Agüɨye eyembosɨrɨ ndevɨa-ïru güi, ani nderu ivɨa-ïru güi ave. Agüɨye ekua ndepɨatɨtɨ reï yave, nderɨkeɨ ani nderɨvɨ jëta pe. Ñanerëta-ɨpɨ pegua jaekavi ko, ñanerëtara ete mombɨrɨ oiko vae güi.

JEREMÍAS 52:33

Jökorai, Joaquín güi omboiuka jemimonde tembipɨɨrä oï yave omonde vae, jare okaru mburuvicha guasu ndive opaete ara oikove oiko ramboeve.

San Lucas 12:37

Oyerovia ko jókuae tembiokuai reta, iya ou ye oväe yave, okeä ñogüɨnoi vae. Añete che jae peve, iya omboguapɨ retata mesa pe, jare jae etei omongaruta jókuae jembiokuai reta.