1 REYES 2:4 - Biblia Guarani Tumpa Iñee

⁴ Oyeapo vaerä yandeYa iñee oñererökuavee cheve yave jei vae, echa jei: “Nderaɨ reta oyapo yave cheremimbota, oiko reve jupi rupi cheróvai opaete ipɨa ndive jare opaete jekove ndive, ngaraa oata kuimbae neñemuña güi oguapɨ vaerä mborookuaía Israel pegua pe.”

1 REYES 2:4 ပူးပေါင်းရင်းမြစ်များ

GÉNESIS 17:1

Abram noventa y nueve año güɨnoi yave yandeYa oyeechauka chupe, jare jei chupe: —Che ko jae Tumpa Imbaepuere yae ete vae; eiko cheróvai rupi jare eyapo jupi vaeño,

GÉNESIS 18:19

Echa aiparavo ko güɨroata vaerä taɨ reta jare opaete iñemuña reta cheporomboe rupi; oyapo reta vaerä jupi vae jare sɨmbi vae; jökorai yave aruta Abraham re opaete arökuavee chupe vae.”

2 SAMUEL 7:25

Jayave, cheYa Tumpa, emoañetete che nderembiokuai pe jare cheñemuña reta pe rerökuavee reyapota vae, eyapo opaete jókuae reregüe.

1 REYES 1:48

Jare jei: “Toyemboete cheYa Israel iTumpa, kuae ara omee metei cheñemuña pe oguapɨ vaerä cheporookuaía pe, aikoveño aï ramboeve.”

1 REYES 11:36

Jare Salomón taɨ pe ameeta metei ñemuña, cherembiokuai David iñemuña reta güi oime avei vaerä mburuvicha, oiko vaerä tembipe rami opaete ara rupi cheróvai Jerusalén pe, tëta guasu che aiparavo vae, pɨpe añono vaerä cheree.

1 REYES 3:14

Jare reguata yave cheremimbota rupi, reñovatu reve cheporookuai reta, nderu David oguatase rami, che ambopukuta nderekove.”

1 REYES 3:3

Salomón oaɨu yae yandeYa, jare oyapo opaete mborookuai reta tu David oyapo oeyagüe, jare jae etei omee mɨmba oyeyukagüe jare ikäti kavi vae incienso ɨvɨtɨ rupigua mbaemboetea re.

1 REYES 6:12

“Kuae tupao nde remopüa reï vae regua tae ndeve. Reguata yave opaete cheporookuai reta rupi, jare reiko opaete cheporookuai reta jeigüe rupi yave, che ambopota ndeve opaete cheñee reta nderu David pe jae ndekotɨ vae;

1 REYES 8:23

jei: “CheYa, Israel iTumpa, mbaetɨ Tumpa nde rami vae, ɨvate ara pe ave, ani ɨvɨ pe, nde reñovatu morogüɨrökuavee päve nderembiokuai reta peguarä vae, nderóvai oguata kavi, opaete ipɨa ndive kavi vae reta;

1 REYES 8:25

Añave cheYa, Israel iTumpa, embopo nderembiokuai cheru David pe rerökuavee rere reve vae: Cheróvai mbaetɨta oata ndeve neñemuña güi oguapɨ vaerä mburuvicha guasurä Israel pe, nderaɨ reta oyapo ko yave cheporookuai reta, jare oguata kavi reta ko yave cheresa róvai rupi, nde cheróvai reguata kavi rami.

1 REYES 9:5

jayave romboguapɨ eteta mburuvicha guasurä kuae Israel pe, jare ndeporookuaía toiko jekuae avei pegua, nderu David amomiari rami, jae reve: ‘Ngaraa oata neñemuña güi metei kuimbae mburuvicha guasurä Israel pe.’

2 REYES 20:3

“Romoñera cheYa, romoñera nemaendúa vaerä cheré, kërai che aguata nderóvai jupi rupi kavi jare opaete chepɨa ndive ayeokuai ndeve, ayapo ndeve mbaembae reta ndepɨa potaa rupi kavi.” Jare oyaeo ipɨatɨtɨ yae reve.

2 REYES 23:25

Mbaetɨ yé chugüi, ïru mburuvicha guasu jae ndei oiko mbove ani taɨkue rupi, jae rami oyepoepɨ yandeYa pe opaete ipɨa ndive, opaete jekove ndive, jare opaete imbaepuere ndive vae, opaete Moisés iporookuai jei rami.

2 REYES 23:3

Javoi mburuvicha guasu oyemboɨ okɨta iyɨpɨ pe oyapo morogüɨrökuavee päve yandeYa jóvai, yogüɨreko vaerä jae jeia re, oyapo reta vaerä iporookuai reta jupi rupi kavi opaete ipɨa ndive, opaete jekove ndive, oyapo reta vaerä opaete ñee reta morogüɨrökuavee päve pegua oyekuatía oï jókuae tembikuatía pe vae. Opaete tëta pegua reta opɨta vi ipɨakatu reve kuae morogüɨrökuavee päve oyeapo vae re.

1 CRÓNICAS 28:9

Jare nde cheraɨ Salomón, eikuaa cheTumpa jare eyeokuai chupe opaete ndepɨa jupi reve jare nekɨ̈reɨ ngatu reve kavi, echa yandeYa oecha opaete vae ipɨa jare oikuaa oipotagüe yemongeta. Jayave, nde reeka yave, jae omeeta ndeve reväe vaerä; ërei resɨrɨ ko yave chugüi, ndembosɨrɨta iyeugüi jekuae avei pegua.

2 CRÓNICAS 17:3

Jare yandeYa oï Josafat ndive, echa omomoe iñemuñagüe David jeko, mbaetɨ omboete tumpa-raanga baal reta,

2 CRÓNICAS 6:16

Jáeramo cheYa, Israel iTumpa embopo neñee cheru David pe rerökuavee vae, echa rere: ‘Ngaraa oata kuimbae neñemuña reta güi oguapɨ vaerä mburuvicha guasurä Israel re, nderaɨ reta yogüɨreko kavi yave jare oyapo reta cheporookuai nde reiko rami cheróvai yave.’

2 CRÓNICAS 7:18

che amoañeteta ndeporookuaía nderu David pe arökuavee rami jae reve: ‘Ngaraa oata neñemuña güi metei kuimbae mburuvicha guasurä Israel pe.’

SALMOS 119:9

¿Kërai pa taɨrusu vae ipuere oitɨo jeko? ¡Oiko yave neñee jeigüe rupi!

SALMOS 37:22

Echa yandeYa iporerekua jese vae güɨnoita ɨvɨ, ërei oyepopeyu jese vae okañɨteita.

SALMOS 37:9

Echa jeko kavimbae reta oñemokañɨteita ko; ërei ngatu yandeYa re oyeko vae reta, güɨnoita ɨvɨ imbaerä.

SALMOS 39:1

Che jae: “Tayangareko chereko re, agüɨye vaerä cheyoa cheñee rupi, tayeyuruopɨ, jeko kavimbae reta ñogüɨnoi ramboeve cheróvai.”

JEREMÍAS 33:17

Che, ndeYa jae: Ngaraa oata David iñemuña güi metei oguapɨ vaerä mburuvicha guasurä Israel pe.

LEVÍTICO 26:3

Peiko yave jare peñovatu pepɨa pe yave, jare peyapo yave cheporookuai reta,

ZACARÍAS 14:2

Echa che amboatɨta opaete tëtaguasu reta oñeraro vaerä Jerusalén ndive jare opɨ̈rota tëta, omboaita o reta, jare kuña reta re oyuvangata: Jare tëta mbɨte rupi oyererajata tembipɨɨrä, jaeño mbovɨ opɨtata.

San Mateo 22:37

Jayave Jesús jei chupe: —Eaɨu ndeYa Tumpa opaete ndepɨa reve, opaete nderekove ndive, jare opaete ndeyemongeta ndive.

San Lucas 1:6

Kuae reta jupi rupi yogüɨreko Tumpa jóvai. Echa jekuaeño omboyerovia reta Tumpa, oyapo reta yandeYa iporookuai reta vae rupi.

DEUTERONOMIO 10:12

Añave Israel iñemuña reta, ¿mbae pa oiporu pegüi yandeYa Tumpa? Jaeño peipoɨu yandeYa Tumpa güi, peguata opaete jemimbota rupi jare peaɨu, jare peyeokuai yandeYa Tumpa pe opaete pepɨa ndive, opaete perekove ndive,

DEUTERONOMIO 11:13

Peyapo yave mborookuai reta amombeu añave peve vae, peaɨu reve yandeYa Tumpa jare peyeokuai reve chupe opaete pepɨa ndive, opaete perekove ndive,

DEUTERONOMIO 6:5

Peaɨu peYa Tumpa opaete pepɨa ndive, opaete perekove ndive, jare opaete pepɨ̈rata ndive.

DEUTERONOMIO 7:12

Peendu yave kuae mborookuai reta, peñovatu jare peyapo yave jei peve rami, yandeYa Tumpa omoañeteta peve jókuae morogüɨrökuavee päve jare mboroparareko güɨrökuavee jee re peñemuñagüe reta pe vae.

Judas 1:24

Jókuae imbaepuere yae ñaneovatu vaerä yagüɨapimbae reve vae, jare ñaneñono vaerä ikɨambae jare yayerovia yae reve jae jóvai iyemboetea pe,