1 REYES 2:31 - Biblia Guarani Tumpa Iñee

³¹ Jayave mburuvicha guasu jei: —Toyeapo jae jei rami. Eyuka jare eñotɨ, toyemboai cheru jëta güi jare chegüi, Joab oporoyuka jupimbae reve vae regua.

1 REYES 2:31 ပူးပေါင်းရင်းမြစ်များ

2 SAMUEL 3:28

David oikuaa yave kuae regua jei: “Che jare cheporookuaía mbaetɨ ko chereko Abner, Ner taɨ imano re.

2 SAMUEL 3:29

¡Joab jare tu iñemuña reta re toa teko; toime avei jo pe oiporara tugüɨ vae, ani pire mbaerasɨ ókui vae ani itɨmaka oikomegua vae, ani oyeyukauka vae ani oata tembíu re vae!”

1 REYES 2:30

Jare Benaía ojo tupao guakapi pegua pe jare jei Joab pe: —Mburuvicha guasu jei reë vaerä kuae güi. Ërei Joab jei: —¡Ani! ¡Kuae pe tamano! Benaía ojo ye jókuae ñee ndive mburuvicha guasu pɨri, jare omombeu chupe Joab iñee.

2 REYES 9:26

“Che aecha kárumbo Nabot jare taɨ reta jugüɨgüe rami, körai ayapota nde ndive kuae ɨvɨ pe etei. Che peYa jae körai.” Jayave peipɨɨ jare pemombo Nabot iɨvɨ pe yandeYa jei rami.

ÉXODO 21:14

Ërei kia nunga vae iyarasɨ japicha kotɨ jare oyuka yave jekombae reve, mɨmba oyeyuka oyeapɨ jese vae chembae re oñepɨ̈ro tëi reve penoe joko güi, omano vaerä.

PROVERBIOS 28:17

Kuimbae oyuka japicha vae, omanota ko, ¡ngaraa kia oepɨ!

NÚMEROS 35:33

Agüɨye pemongɨa jókuae ɨvɨ peikota pɨpe vae; echa kuae tugüɨ omongɨata ko ɨvɨ, jare jókuae ɨvɨ mbaetɨta ipuere oyeyoe jókuae tugüɨ güi, jaeño jókuae oporoyuka vae peyuka yave.

Hechos 28:4

Jare joko pegua reta oecha yave mboi osagüɨu oï Pablo ipo re, jei reta oyoupe: “Kuae kuimbae oporoyuka vae yepe. Oasa yepe tëi ma ɨguasu güi, ërei Tumpa mbaetɨ omaeño oikoño vaerä.”