1 REYES 2:30 - Biblia Guarani Tumpa Iñee

³⁰ Jare Benaía ojo tupao guakapi pegua pe jare jei Joab pe: —Mburuvicha guasu jei reë vaerä kuae güi. Ërei Joab jei: —¡Ani! ¡Kuae pe tamano! Benaía ojo ye jókuae ñee ndive mburuvicha guasu pɨri, jare omombeu chupe Joab iñee.

1 REYES 2:30 ပူးပေါင်းရင်းမြစ်များ

1 REYES 2:29

Ërei oikuaauka reta Salomón pe, Joab otekuarai tupao guakapi pegua kotɨ vae jare oñeñono mɨmba oyeyuka oyeapɨ jese vae iyɨpɨ pe. Jayave mburuvicha guasu omondo Benaía, Joiada taɨ, oyuka vaerä.

1 REYES 2:31

Jayave mburuvicha guasu jei: —Toyeapo jae jei rami. Eyuka jare eñotɨ, toyemboai cheru jëta güi jare chegüi, Joab oporoyuka jupimbae reve vae regua.

1 CRÓNICAS 11:22

Benaía, jae ko Joiada jëia vae taɨ tëta Cabseel pegua, jae oyapo jeta mbae tuicha vae. Jae oyuka mókoi reve jëia yae vae Moab pe, jae vi ogüeyɨ metei ɨvɨkua pe oyuka metei yaguapope iroɨ oa iara pe.