1 REYES 2:3 - Biblia Guarani Tumpa Iñee

³ Eyapo ndeYa Tumpa jeigüe, jae jemimbota jare iporookuai reta, mborookuai oyeapo vaerä vae eyapo oyekuatía oï rami, mborookuai reta Moisés oikuatiagüe, opaete mbaembae reyapogüe oë kavi vaerä ndeve, jare kerupi reoa rupi.

1 REYES 2:3 ပူးပေါင်းရင်းမြစ်များ

2 SAMUEL 8:14

Jare David oñono isundaro reta opaete ɨvɨ Edom pe; jare Edom iñemuña reta opa opɨta David jembiokuairä. YandeYa omee David pe, oporomoamɨri vaerä oipota rupi ojoa rupi.

2 SAMUEL 8:6

Javoi David oñono isundaro reta Damasco pe Siria pe, jare Siriaɨgua reta opa opɨta David jembiokuairä, ombaemboepɨ reta chupe. YandeYa omee David pe, oporomoamɨri vaerä oipota rupi ojoa rupi.

1 REYES 3:3

Salomón oaɨu yae yandeYa, jare oyapo opaete mborookuai reta tu David oyapo oeyagüe, jare jae etei omee mɨmba oyeyukagüe jare ikäti kavi vae incienso ɨvɨtɨ rupigua mbaemboetea re.

2 REYES 18:7

Jare yandeYa omborɨ opaete mbae oyapo vae rupi. Ezequías oñemopüa mburuvicha guasu Asiria pegua kotɨ, mbaetɨ ma oiko jae jeia re.

1 CRÓNICAS 29:19

Emee vi cheraɨ Salomón pe ipɨa isɨmbi vaerä, jökorai oyapo vaerä opaete ndeporookuai reta, jare remombeu opaete oyeapo vaerä vae, jare ipuere vaerä omopüa tupao, echa che añono kavi ma omopüa vaerä ndeve.’ ”

SALMOS 119:111

Ayemombae ndeporookuai reta re jekuae avei pegua. Echa jae ko chemboyerovia katu vae.

SALMOS 119:138

Ndeporookuai reta remee vae, jupi jare añetete vae ko.

SALMOS 119:2

Oyerovia ko, yandeYa iporookuai oyapo vae reta, jare oeka opaete ipɨa ndive vae reta;

SALMOS 19:7

YandeYa iporookuai jupigüe ko, oporopoepɨ vae ko; yandeYa iporookuai jupi ko, arakuaa oupitɨ katumbae pe omee arakuaa.

ECLESIASTÉS 12:13

Opaete kuae ñemoñee reendu vae ko oipota jei: Eipoɨu Tumpa güi, jare eyapo iporookuai reta, echa jae ko kuae, kia ñavo oyapo vaerä.

LEVÍTICO 8:35

Chiu ara peï tupao guakapi pegua jöke pe, ara pe jare pɨ̈tu yave. Peyapo yandeYa iporookuai agüɨye vaerä pemano, echa jökorai cheokuai yandeYa jae vaerä peve.”

MALAQUÍAS 4:4

Pemaendúa cherembiokuai Moisés iporookuai reta re, ɨvɨtɨ Horeb pe. ¡Jae ayókuai omee vaerä mborookuai reta opaete Israel iñemuña reta pe!

DEUTERONOMIO 29:8

jare opa ñapɨ̈ro iɨvɨ chugüi reta, jare ñamee Rubén jare Gad iñemuña reta imbaerä jare Manasés iñemuña reta oyemboyaogüe vae imbaerä.

DEUTERONOMIO 29:9

Jáeramo, peñovatu ñee reta kuae morogüɨrökuavee päve pegua, peyapo jeigüe, oë kavi vaerä peve opaete mbaembae peyapo vae.

DEUTERONOMIO 4:1

Añave, pe Israel iñemuña reta, peendu mborookuai reta oyeapo vae re pomboe vae, peikove vaerä jare peike vaerä peiko, jókuae ɨvɨ peñemuñagüe reta iTumpa omee pevea pe.

DEUTERONOMIO 4:45

Kuae ko jae opaete mborookuai reta, Moisés omombeu Israel iñemuña reta pe Egipto güi ñogüɨnoe yave,

DEUTERONOMIO 4:5

Mase, che ko pomboe mborookuai reta oyeapogüe re, cheYa Tumpa cheokuai rami, peyapo vaerä jókuae ɨvɨ peota pepɨ̈ro pembaerä vae pe.

DEUTERONOMIO 4:8

Jare ¿kia nunga tëtaguasu pa güɨnoi mborookuai jare morojäa jupi vae, opaete kuae mborookuai añave añono peve rami vae?

DEUTERONOMIO 5:1

Moisés omboatɨ opaete Israel iñemuña reta jare jei chupe reta: “Peyeapɨsaka Israel iñemuña reta, kuae mborookuai reta amombeuta añave vae re, peikuaa jare peñovatu peyapo vaerä.

JOSUÉ 22:5

Jaeño aiporu peve peyeandu reve kavi peyapo mborookuai reta Moisés, yandeYa jembiokuai omee peve vae: Peaɨu yandeYa Tumpa, peguata jae jemimbota rupiño; peñovatu iporookuai reta, jaeño peiko jupi rupi chupe jare peyeokuai chupe opaete pepɨa ndive, añete rupi kavi.”

JOSUÉ 23:6

Peñemoäta ngatu peyapo vaerä opaete Moisés iporookuai reta kuae tupapire pe oyekuatía oï vae, pepiambae reve chugüi ketɨ ave yepe;

1 SAMUEL 18:14

Jare David oyapo opaete mbae yarakuaa katu reve kavi, echa yandeYa oï jae ndive.

1 SAMUEL 18:30

Mburuvicha filisteo reta ñogüɨnoe oñeraro ñavo, David oporomoamɨri avei Saúl isundaro ruvicha reta güi, jáeramo jërakua yae jare imboetea yae.

1 SAMUEL 18:5

Jare David ojo oipota rupi Saúl omondoa kotɨ, jare yarakuaa katu reve kavi oiko. Jare Saúl oñono kuimbae ñeraro regua reta itenondeguarä, jare jae reta ipɨakatu yae omae jese, jökorai vi Saúl iyɨvɨrigua reta.