1 REYES 2:26 - Biblia Guarani Tumpa Iñee

²⁶ Mburuvicha guasu jei sacerdote Abiatar pe: “¡Ekua Anatot kotɨ, ndeɨvɨ pe! Reyepapa ko remano vaerä, ërei ngaraa royuka añave, echa revoɨ yandeYa Tumpa ikäjou cheru David jenonde, jare reiporara jae oiporara rami.”

1 REYES 2:26 ပူးပေါင်းရင်းမြစ်များ

2 SAMUEL 12:5

Jayave David iyarasɨ yae ete jókuae kuimbae kotɨ, jare jei Natán pe: —¡YandeYa jee re, kuae nunga oyapo vae, jupi ko omano vaerä!

1 REYES 1:25

Echa kuae ara ogüeyɨ oyuka toro jare toro taɨrusu vae jare jeta vecha, jare oparea nderaɨ reta pe, sundaro ruvicha reta pe, jare sacerdote Abiatar pe. Jare joko okaru jare vino jou reta ñogüɨnoi jae ndive, jare osapúkai jare oyepopete reta ñogüɨnoi Adonías re.

1 REYES 1:7

Jare jae oyapo kavi ma yepe yemongeta Joab, Sarvia imembɨraɨe ndive, jare sacerdote Abiatar ndive, omborɨ katu Adonías vae reta.

1 REYES 2:35

Jaɨkue rupi mburuvicha guasu oñono Benaía, Joiada taɨ sundaro reta juvicharä, jare sacerdoterä oñono Sadoc, Abiatar jekovia pe.

ISAÍAS 10:30

¡Pesapúkai, tëta Galim pegua reta! ¡Toyeendu tëta Lais kotɨ! ¡Emboyevɨ chupe, tëta Anatot!

JEREMÍAS 1:1

Jeremías, Hilcías taɨ iñee reta, jae ko metei sacerdote reta güi yogüɨrekose Anatot pe, Benjamín iñemuña reta ɨvɨ pe vae.

San Mateo 10:42

Kia nunga vae omee yave metei vaso yepe ɨ iröɨsagüe metei cherembiparavo jou vaerä vae, cheremimboe jeko pegua, añete che jae peve, amboekoviata ko chupe.”

San Lucas 22:28

Pe reta peiko che ndive opaete kuae aiporara ramboeve.

Gálatas 3:4

¿Peiporaraiño ma pa jeta mbaembae jayave? ¡Mbae mona agüɨye peiporaraiño!

JOSUÉ 21:18

Anatot jare Almón; irundɨ tëta guasu, mɨmba ikaruarä ndive ndive.

1 SAMUEL 2:32

Reechata neñemuña reta oiporara, Israel iñemuña reta amboyekou ramboeve mbaembae re, jare mbaetɨta neñemuña reta indechi vae.

1 SAMUEL 26:16

Kuae reyapo vae mbaetɨ ikavi. Che jae yandeYa jee re peve, ikavi ko opa pemano, echa mbaetɨ peyangareko peruvicha guasu yandeYa oiparavogüe re. Añave emae, ¿ketɨ pa oime oï mburuvicha guasu imii jare iɨguarɨru iñäkandɨta iyɨpɨ pe oï vae?