1 REYES 2:2 - Biblia Guarani Tumpa Iñee

² “Opaete ɨvɨ pegua yogüɨrajaa rupi che jaema vi ajata. Eñemoäta ngatu jare eyembokuimbae.

1 REYES 2:2 ပူးပေါင်းရင်းမြစ်များ

2 SAMUEL 10:12

Eñemoäta ngatu, ñañemoäta ngatu ñañoraro ñanerëtaguasu re, jare tëta guasu reta pɨpegua Tumpa imbae reta re. ¡Jare yandeYa toyapo jaekavi chupe vae!”

2 SAMUEL 12:23

Ërei añave omano ma ko. ¿Mbaera ye pa ayekuakuta tembíu güi? ¿Chepuere pa amboyerova ye? ¡Che ajata ikotɨ, jae ngaraa ma oyerova ye chekotɨ!

1 REYES 3:7

Añave, cheYa Tumpa, che nderembiokuai nde cheñono mburuvicha guasurä cheru David jekovia pe; jare che chetaɨrusu ko, mbaetɨ aikuaa kërai aiko vaerä mburuvicha guasurä.

1 CRÓNICAS 22:13

Opaete oë kavita ndeve reyapo yave mborookuai reta jeigüe yandeYa oyókuai Moisés Israel peguarä vae. ¡Eñemoäta ngatu agüɨye eyembopɨtu agüɨye ekɨɨye!

1 CRÓNICAS 28:10

Mase, añave yandeYa ndeparavo remopüa vaerä chupe metei o mbaemboete pegua. ¡Jáeramo, eñemoäta ngatu jare eyapo!’ ”

1 CRÓNICAS 28:20

Jayave David jei taɨ Salomón pe: “¡Eñemoäta ngatu jare eñemomɨ̈rata, eyapo mbaravɨkɨ! ¡Agüɨye eyembopɨtu jare ekɨɨye, echa yandeYa cheTumpa oïta nde ndive! Jae ngaraa ndereeya ani osɨrɨ ndegüi opa reyapo regua mbaravɨkɨ yandeYa pe: Tupao jare opaete oyeporuta pɨpe vae.

JOB 16:22

Ërei outa cheara reta iyapɨ, jare che ajata tape yayu yembae vae rupi.

JOB 30:23

Echa che aikuaa ko chereraja mano kotɨ, opaete oikove vae reta yogüɨraja ñogüɨnoia kotɨ.

SALMOS 89:48

¿Oime ra kuimbae mbaetɨta omano vae? ¿Oepɨta ra jekove mano imbaepuere güi?

ECLESIASTÉS 12:13

Opaete kuae ñemoñee reendu vae ko oipota jei: Eipoɨu Tumpa güi, jare eyapo iporookuai reta, echa jae ko kuae, kia ñavo oyapo vaerä.

1 Corintios 16:13

Peïndaivi, pepɨ̈rata peporogüɨrovia pe; peyembokuimbae, peñemoäta ngatu.

Efesios 6:10

Jare añave cherɨvɨ reta, peñemomɨ̈rata yandeYa re, imbaepuere yae rupi.

DEUTERONOMIO 31:23

YandeYa oyókuai Josué, Nun taɨ, jei chupe körai: “Eñemomɨ̈rata jare eñemoäta ngatu, echa nde reroiketa Israel iñemuña reta jókuae ɨvɨ añererökuavee cheree re amee vaerä chupe reta vae pe, che aïta nde ndive.”

1 Timoteo 4:12

Agüɨye kia tanereröɨro ndetaɨrusu ramo, ërei eechauka oporogüɨrovia vae reta pe neñee rupi, reiko vae rupi, mboroaɨu rupi, espíritu rupi, mborogüɨrovia rupi jare teko kavi rupi.

2 Timoteo 2:1

Cheraɨ, eñemomɨ̈rata mbɨakavi Cristo Jesús omee yandeve vae rupi.

Hebreos 9:27

Jökorai, oñeñono ɨvɨ pegua reta omano vaerä metei veseño; jare kuae jaɨkue rupi Tumpa ojäata.

JOSUÉ 23:14

Mase, che amanota ma ko; añave, pemaendúa kavi opaete pepɨa ndive jare opaete perekove ndive, kërai mbaetɨ oata metei ave ñee kavi yandeYa Tumpa jei pekotɨ vae; opaete oyembopo peve, mbaetɨ oata metei ave.