1 REYES 2:10 - Biblia Guarani Tumpa Iñee

¹⁰ David omano, jare oñotɨ reta iñemuñagüe reta oñeotɨa pe, jëta guasu pe.

1 REYES 2:10 ပူးပေါင်းရင်းမြစ်များ

2 SAMUEL 5:7

Ërei David opɨ̈ro jókuae tëta guasu jëguambae Sión regua; jae ko añave rupi jee David Jëta guasu.

2 SAMUEL 5:9

David oñemoëta joko pe, jare ombojee David Jëta guasu; jare oyapo ikësearä opaete iyɨ́vɨri rupi, Milo güive japɨpe kotɨ.

2 SAMUEL 7:12

Jare remano ma yave, che amopüata metei neñemuña güi jare amboguapɨta mburuvicharä.

1 REYES 1:21

Mbaetɨ ko remombeu yave, nde mburuvicha guasu remano yave, opata ko oreyuka chemembɨ Salomón ndive.

1 REYES 11:21

Jare Egipto pe Hadad oikuaa David omano ma ko yave, jare omano ma vi Joab sundaro reta itenondegua ete, jei Hadad Faraón pe: —Emee cheve ayerova ye vaerä cheɨvɨ pe.

1 REYES 11:43

Jare omano Salomón, jare oñotɨ reta tu David Jëta guasu pe; jare taɨ Roboam oguapɨ jekovia pe mburuvicha guasurä.

1 REYES 14:31

Jare Roboam omano jare oñotɨ reta iñemuñagüe reta jɨvɨa oïa pe, David Jëta guasu pe. Ichɨ jee Naama, Amón iñemuña pegua. Jare taɨ Abiam oguapɨ jekovia pe mburuvicha guasurä.

1 REYES 15:24

jare omano yave oñotɨ reta iñemuñagüe reta oñeotɨa pe, David Jëta guasu pe. Jare taɨ Josafat oguapɨ jekovia pe mburuvicha guasurä.

1 REYES 15:8

Abiam omano, jare oñotɨ reta iñemuñagüe reta jɨvɨa oïa pe David Jëta guasu pe. Jare taɨ Asa oguapɨ jekovia pe mburuvicha guasurä.

1 REYES 22:51

Josafat diecisiete año ma oiko Judá pe yave, Ocozías, Acab taɨ omboɨpɨ oï Israel re tëta Samaria pe, jare mókoi año oiko mburuvicha guasurä.

1 REYES 3:1

Salomón oñemoëtara Faraón mburuvicha guasu Egipto pegua ndive, echa omenda tayɨ ndive, jare güɨraja David Jëta guasu pe opa oyeapo ramboeve mburuvicha jo, tupao jare Jerusalén ikësea.

1 REYES 8:1

Jayave Salomón omboatɨ jóvai Jerusalén pe Israel iñemuña itenondegua reta, opaete ñemuña itenondegua reta jare tëtara ñavo ñemuña juvicha reta, güɨroyakavo vaerä käjou morogüɨrökuavee päve pegua yandeYa imbae David jëta güi, jae ko Sión güi.

2 REYES 14:20

Javoi güeru reta metei kavayu re jare oñotɨ reta Jerusalén pe iñemuñagüe reta oñeotɨa pe, David Jëta guasu pe.

2 REYES 15:38

Jotam omano yave oñotɨ reta iñemuñagüe reta oñeotɨa pe, iñemuñagüe David Jëta guasu pe; taɨ Acaz oguapɨ jekovia pe mburuvicha guasurä

2 REYES 16:20

Mburuvicha guasu Acaz omano yave, oñotɨ reta iñemuñagüe reta oñeotɨa pe, David Jëta guasu pe; taɨ Ezequías oguapɨ jekovia pe mburuvicha guasurä

2 REYES 8:24

Joram omano; oñotɨ reta iñemuñagüe David Jëta guasu pe. Taɨ Ocozías oguapɨ jekovia pe mburuvicha guasurä.

2 REYES 9:28

Jare jembiokuai reta güɨraja Jerusalén pe metei käretou pe, jare oñotɨ reta iñemuñagüe David Jëta guasu pe.

1 CRÓNICAS 11:7

Jaɨkue rupi David oñemoëta jókuae ñepɨ̈roka pe, jáeramo jee David Jëta guasu.

1 CRÓNICAS 29:28

Omano indechi ae pe, jeta año güɨnoi yave, jeta imbaeyekou jare imboetea yae. Jare taɨ Salomón oguapɨ jekovia pe mburuvicha guasurä.

2 CRÓNICAS 24:16

jare oñotɨ reta David Jëta guasu pe mburuvicha guasu jɨvɨa oïa pe, echa oyapo jupi vae Israel iñemuña reta ndive jare Tumpa ndive, jökoraiño vi tupao pe.

2 CRÓNICAS 9:31

Omano jare oñotɨ reta tu amɨri David Jëta guasu pe. Jare taɨ Roboam oguapɨ jekovia pe mburuvicha guasurä.

Hechos 13:36

Ërei David opa oyeokuai yave opaete jëtaɨgua reta pe Tumpa oipota vae rupi, omano, jare oñeotɨuka iñemuñagüe reta ñogüɨnoia pe, jare jetegüe oikomegua.

Hechos 2:29

Tëtara reta, tae peve ñaneñemuñagüe David re. Jae omano jare oñeotɨ, jare jɨvɨa oimeño ñanoi yande pɨte pe, añave regua.