1 REYES 19:4 - Biblia Guarani Tumpa Iñee

⁴ Jare jae ojo ñuu kotɨ, metei ara oguata, jare ou oguapɨ metei ɨvɨra igüɨ pe; jare oipotaecha omano, jare jei: “¡Joko peño mo cheYa, eekɨ chegüi cherekove, echa mbaetɨ ko ayapɨraa cheru reta chereko kavi pe!”

1 REYES 19:4 ပူးပေါင်းရင်းမြစ်များ

1 REYES 13:14

Jare oë ojo Tumpa iñeemombeúa Judá pegua jaɨkue. Oväe chupe oguapɨ oï ɨvɨra encina igüɨ pe, jare jei chupe: —¿Jae pa nde Tumpa iñeemombeúa reyu Judá güi vae? —Jae ko che —jei chupe.

1 REYES 19:3

Jare Elías oecha mbaetɨta ikavi ramo, opüa jare ojo, güɨroasayepe vaerä jekove, jare ou tëta Beerseba pe ɨvɨ Judá pe, jare joko pe oeya jembiokuai.

1 REYES 19:5

Jare oyapakua ɨvɨra igüɨ pe jare oke; jare ɨma katu yave ou metei araɨgua oñátai, jare jei chupe: “Epüa ekaru.”

2 REYES 2:11

Imiari yogüɨraja yogüɨreko ramboeve, ko metei käretou tata katuai vae, kavayu reta tata katuai vae ndive ombosɨrɨ oyougüi; jare Elías oyeupi ara kotɨ metei kusumirou pe.

JOB 6:8

Mbae mona Tumpa omboyevɨ cheve cheyerurea, mbae mona ombopo cheve aipotaecha vae.

JOB 6:9

¡Mbae mona Tumpa ipɨakatu reve oiporarauka cheve, oitɨ mona ipo cheré, jare cheyuka ete voi!

JEREMÍAS 20:9

Jae yave: “Agüɨye mo tachemaendúa cheYa re, agüɨye mo tachemiari jee re.” Ërei jayave neñee cheɨvɨte pe tata rami, chekägüe rupi ojo, aipota tëi aropɨa, ërei mbaetɨ chepuere.

AMÓS 6:2

Pekua pemae tëta Calne pe; jare joko güi peasa tëta guasu Hamat kotɨ, jare pegüeyɨ vi tëta Gat filisteo reta jëta kotɨ. Pemae jókuae mborookuaía reta re, ¿ikavi yae ra pegüi? ¿Iɨvɨ tuicha ra peɨvɨ güi?

JONÁS 4:3

Añave cheYa romoñera reekɨ vaerä chegüi cherekove; echa, mano ikavi yaeta cheve tekove güi.

JONÁS 4:8

Jare kuaraɨ oë ma ou yave, Tumpa ombou ɨvɨtuakuvo täta yae vae, jare kuaraɨ omombaerasɨ Jonás iñäka pe, oyuka seri, jare oipotaecha omano, jei körai: —Ikavi ndipo amano, aikove aiko vae güi.

NAHUM 3:8

Nínive, ¿nde pa ndekavi yae ete Tebas güi, tëta guasu oï ɨ̈aka Nilo jembeɨ pe vae güi, ɨ tuicha oyere jese vae, ɨ̈aka güɨnoi iyeopiakarä vae jare ɨ güɨnoi ikësearä vae güi?

NÚMEROS 11:15

Jare jökoraiñota cherereko yave, romoñera rembou vaerä cheve mano, ndepɨakavi ko remae cheré yave; agüɨye vaerä aecha mbae ikavimbae ou cheve vae.

San Mateo 6:26

Pemae güɨra reta re. Kërai jae reta mbaetɨ tëi omaetɨ jare ombaarɨvo. Mbaetɨ tëi vi iyavatío. Ërei peRu ara pe oï vae omongaru reta. ¿Pe retaa pa ko Tumpa peraɨu yae chugüi reta vae?

San Juan 4:6

Joko pe oï metei ɨkua. Jókuae ɨkua jee Jacob iɨkua. Jayave Jesús oguapɨ ɨkua iyɨpɨ pe. Echa mombɨrɨ ma oguata, jare ikangɨ. Jare kuaraɨ ara mbɨteta ma.

Romanos 3:9

¿Kërai pa jayave? ¿Yande pa jayave ikavi yae chugüi reta? ¡Mbaetɨ ko! Yamboeko ma judío reta jare judiombae vae reta. Kërai opaete vae ñogüɨnoi mbaeyoa imbaepuere pe.