1 REYES 19:18 - Biblia Guarani Tumpa Iñee

¹⁸ Jare che ayapota opɨta vaerä Israel pe siete mil, Baal jóvai mbaetɨ oyetavatɨka vae reta, jare mbaetɨ oovapɨte vae reta.”

1 REYES 19:18 ပူးပေါင်းရင်းမြစ်များ

JOB 31:27

Ërei mbaetɨ amboete vɨari aiko, ani chepo aupi ikotɨ amboete vaerä.

SALMOS 2:12

Pemboete Taɨ, agüɨye vaerä iyarasɨ, jare opa pemano; echa aramoete pegua iyarasɨ. ¡Toyerovia katu opaete jese güɨrovia vae!

ÉXODO 20:5

Agüɨye peyetavatɨka yepe jóvai, agüɨye vi pemboete, echa che ko jae peYa Tumpa, imbaepuere yae vae, jägüɨro vae, aiporarauka peñemuñagüe reta imbaeyoa re vae: Taɨ reta pe, jɨmɨmino reta pe jare vi jɨmɨmino reta jɨmɨmino pe, chemotareɨ vae reta,

ISAÍAS 1:9

Ërei yandeYa Imbaepuere yae ete vae mbaetɨ yave mona oeya mbovɨ yepe yandeve ñemuña, Sodoma jare Gomorra rami ko yapɨtata tëi.

ISAÍAS 49:23

Mburuvicha guasu reta ñogüɨnoita ndeangareko vaerä, jare tayɨ reta ñogüɨnoita oyangareko vaerä nemichia reta re. Oyetavatɨka retata nderóvai ɨvɨ re ndemboete, jare ndepɨ oipɨte retata. Jare chekuaata che ko jae peYa vae, jare kërai cheré güɨrovia vae reta ngaraa oñemomaraiuka.”

DANIEL 3:18

Ërei mbaetɨ ko orereepɨ yave, eikuaa voi eï oreruvicha guasu; jeseve ngaraai royeokuai netumpa reta pe, ngaraai vi romboete jókuae mbae iä remopüaukagüe.

OSEAS 13:2

¡Ërei jeseve jeieteño iyoa reta! Ikorepoti omondɨkui reta oyapo vaerä itumparä mbae iä, ipoki mbae oyapo vae oipota oyapo rami. Javoi jei reta: “¡Pemee mɨmba oyeyukagüe chupe!” Jare oovapɨte reta jókuae toro taɨrusu iä.

Filipenses 2:10

opaete ara pe ñogüɨnoi vae reta, jare opaete ɨvɨ pe ñogüɨnoi vae reta, jare opaete ɨvɨgüɨ pe ñogüɨnoi vae reta oyetavatɨka Jesús jee re,