1 REYES 19:12 - Biblia Guarani Tumpa Iñee

¹² Jare ɨvɨkana jaɨkue rupi ou tata; ërei ngatu yandeYa mbaetɨ ou jókuae tata re. Jare tata jaɨkue rupi oyeendu mbae iñee mbegüe kavi jare pöiasɨ vae.

1 REYES 19:12 ပူးပေါင်းရင်းမြစ်များ

GÉNESIS 15:17

Jare kuaraɨ oike ma ojo yave, omboɨpɨ ma pɨ̈tu yave, oyekuaa metei horno jätati oï vae, jare metei tatasɨgüe jendɨ vae oasa mɨmba reta oyemboyaogüe mbɨte rupi.

1 REYES 18:38

Jayave yandeYa ombou tata, jare opa oapɨ mɨmba oyeyukagüe oyeapɨ vaerä vae, yepea, ita reta jare ɨvɨkúi, jare ɨ oï ipɨ̈koe pe vae ave opa omotini.

2 REYES 1:10

Elías jei: —Tumpa iñeemombeúa ko che, toa ara güi tata, topa tanderapɨ jókuae cincuenta ndesundaro ndive. Jupiveiño oa ara güi tata, jare opa oapɨ jókuae sundaro ruvicha, cincuenta isundaro ndive.

2 REYES 2:11

Imiari yogüɨraja yogüɨreko ramboeve, ko metei käretou tata katuai vae, kavayu reta tata katuai vae ndive ombosɨrɨ oyougüi; jare Elías oyeupi ara kotɨ metei kusumirou pe.

JOB 33:7

Jayave agüɨye ekɨɨye chegüi, ngaraa ayapouka ndeve che jaegüeño.

JOB 4:16

Oyemboɨ cheróvai mbae iä, mbaetɨ chepuere aecha jova. Kïrii ngatu opɨta. Javoi aendu jei:

ÉXODO 3:2

Joko pe oyekuaa chupe yandeYa iAraɨgua metei yai jendɨ oï vae güi; jare omae yai jendɨ vae re, ërei jókuae yai mbaetɨ ókai.

ÉXODO 34:6

YandeYa oasa jae jóvai rupi, oñeenɨi reve jee ae pe: —¡NdeYa! ¡NdeYa! ¡Tuicha yae vae, iporoparareko vae; iyarasɨ raivimbae, iporoparareko tuicha yae ete jare añetete vae!

ZACARÍAS 4:6

Jayave jei cheve: “Kuae ko jae yandeYa iñee Zorobabel peguarä: ‘Mbaetɨ sundaro ndive ani mɨ̈rata pe, jaeño cheEspíritu ndive jei yandeYa Imbaepuere yae ete vae.

Hechos 2:2

Jare güɨramoiño oyeendu jɨapu ou ara güi ɨvɨtu täta oyepeyu vae rami. Täta jɨapu jókuae o ñogüɨnoia pe.

DEUTERONOMIO 4:15

Jókuae ara yandeYa imiari pe ndive ɨvɨtɨ Horeb pe tata mbɨte güi yave, mbaetɨ etei mbae iä peecha, peroyeandu perekove,

DEUTERONOMIO 4:33

¿Oime pa amogüe tëta oendu Tumpa iñee tata mbɨte güi pe reta peendu rami jare oikoveño oï vae?

Hebreos 12:29

echa ñaneTumpa ko tata opaetei oapɨ mbae oeya vae rami vae.