1 REYES 19:11 - Biblia Guarani Tumpa Iñee

¹¹ Jae jei chupe: “Eë ikatu pe, jare eñeñono ɨvɨtɨ re cheróvai.” Jare, ko yandeYa ou, jare ɨvɨtu täta yae jare imbaepuere yae vae omondoro ɨvɨtɨ vae, jare oyoka ɨ̈vavira reta vae, ou yandeYa jenonde; ërei yandeYa mbaetɨ ou jókuae ɨvɨtu re. Jare ɨvɨtu jaɨkue ou ɨvɨkana, ërei ngatu yandeYa mbaetɨ ou ɨvɨkana ndive.

1 REYES 19:11 ပူးပေါင်းရင်းမြစ်များ

JOB 38:1

Jayave yandeYa jei Job pe, kusumirou ipäu güi:

SALMOS 50:3

Outa ñaneTumpa, ërei ngaraa kïriiño ou; jenonde outa tata oporomboai vae, iyɨ́vɨri rupi, ɨvɨtuai imbaepuere yae vae.

SALMOS 68:8

ɨvɨ okana, okɨ vi nderenonde, ɨvɨtɨ Sinaí okana nde Israel iTumpa jóvai.

SALMOS 68:9

CheRu Tumpa, nde ko rembou jeta okɨ vaerä, ndeɨvɨ otini yae vae rembogüera katu ye.

ÉXODO 19:16

Jare mboapɨa ara pe, köe ma ou yave, ou amapɨtu pɨtumimbi vae ɨvɨtɨ opa oyasoi, ara jɨapu jare ama-vera, jare temimbɨñee täta yae vae; jare teyupa pe ñogüɨnoi vae reta opaetei orɨrɨi okɨɨye güi.

ÉXODO 19:20

YandeYa ogüeyɨ ɨvɨtɨ Sinaí iyapɨte re; jare yandeYa oenɨi Moisés jókuae ɨvɨtɨ iyapɨte kotɨ. Jare Moisés oyeupi.

ÉXODO 20:18

Opaete Israel iñemuña omae jare oendu reta ararɨapu, ama-vera, jare mimbɨ vecha kuimbae-räti pegua oñee vae, jare ɨvɨtɨ jätati vae; kuae oecha reta yave, orɨrɨi okɨɨye güi, jare osɨrɨ reta mombɨrɨ.

ÉXODO 24:12

Jayave yandeYa jei Moisés pe: —Eyeupi eyu chekotɨ ɨvɨtɨ re, cheräro joko pe, ameeta ndeve ita ipe vae; mborookuai reta aikuatía amboe reta vaerä.

ÉXODO 24:18

Jare Moisés oike amapɨtu iyɨvɨte pe, oyeupi ɨvɨtɨ re; Moisés oiko ɨvɨtɨ re cuarenta ara jare cuarenta pɨ̈tu.

ÉXODO 34:2

Eyupavo, pɨareve ndeimbove reyeupi vaerä ɨvɨtɨ Sinaí re, jare ekua eñeñono cheróvai ɨvɨtɨ iyapɨte re.

ÉXODO 34:6

YandeYa oasa jae jóvai rupi, oñeenɨi reve jee ae pe: —¡NdeYa! ¡NdeYa! ¡Tuicha yae vae, iporoparareko vae; iyarasɨ raivimbae, iporoparareko tuicha yae ete jare añetete vae!

ISAÍAS 30:30

YandeYa oendukata iñeeäta jare oechaukata imbaepuere arasɨ pegua, tata yavaete yae vae rami vae, kusumirou rupi, ama ɨvɨtuai reve vae rupi jare amandau rupi.

EZEQUIEL 1:4

Amae jare aecha ɨvɨtuguasu kotɨ güi ou ɨvɨtuai yavaetegüe; jare metei amapɨtu tuicha vae güi oë tata jendɨasɨ vae, jare iyɨ́vɨri jembipeasɨ yae vae. Jókuae tata mbɨte pe oyekuaa jembipe, metei jiero iyu vae oyepiro yae rami vae,

EZEQUIEL 37:7

Jökorai amoërakua chupe reta maratuta oasa vae re, Tumpa cheokuai rami. Amoërakua mbae maratuta vae aï ramboeve aendu jɨapu: Oyeapo ɨvɨkana, jare maekägüe reta omboɨpɨ oya oyoe jenda jenda pe ae.

NAHUM 1:3

YandeYa mbaetɨ iyarasɨ raivi vae ko jare tuicha yae mbaepuere pe, jare mbaetɨ oeya jökoraiño jeko vae. YandeYa oguata ama ɨvɨtuai reve vae rupi, jare amapɨtu reta, ipɨ omoätati vae ko.

ZACARÍAS 14:5

Jare petekuaraita jókuae ɨvɨtɨ päu ipe kavi rupi, echa jókuae ɨvɨtɨ päu ipe kavi vae ojoita oväe Azal pe; petekuaraita petenondegua reta ɨvɨkana güi otekuarai rami, Uzías oiko mburuvicha guasurä Judá pe yave. CheYa Tumpa outa opaete oñeñono tee vae reta ndive.

ZACARÍAS 4:6

Jayave jei cheve: “Kuae ko jae yandeYa iñee Zorobabel peguarä: ‘Mbaetɨ sundaro ndive ani mɨ̈rata pe, jaeño cheEspíritu ndive jei yandeYa Imbaepuere yae ete vae.

San Mateo 24:7

Echa opüata oyoe tëtaguasu ïru tëtaguasu ndive jare mborookuaía ïru mborookuaía ndive, jare oimeta mbaerasɨ ovakatu vae, karuai reta jare ɨvɨkana oipota rupi.

San Mateo 28:2

Jare ɨvɨ täta okana, echa metei yandeYa iaraɨgua ogüeyɨ ara güi jare ombosɨrɨ ita tuicha vae tɨvɨa jöke güi, jare oguapɨ oï jese.

Hebreos 12:26

Jókuae ara Tumpa iñee omokana ɨvɨ. Ërei añave jei körai: “Mbaetɨta amokana ye ɨvɨño, ara vi amokanata.”

Apocalipsis 11:19

Jare Tumpa itupao oyepea ara pe, jare käjou morogüɨrökuavee päve pegua oyekuaa oï japɨpe pe. Jare oyeendu ama-vera, ñee reta, ararɨapu, ɨvɨkana jare jeta amandau.

Apocalipsis 16:18

Jayave ama-vera reta, ñee reta, ararɨapu reta jare ɨvɨkana tätagüe; ɨvɨkana tuicha yae vae, mbaetɨi oyeapo jókuae nunga ɨvɨ pegua reta yogüɨreko güive.

Apocalipsis 20:11

Jare aecha metei guapɨa guasu tïi vae, jare oguapɨ oï pɨpe vae. Ɨvɨ jare ara opa otekuarai jae jóvai güi vae, jare mbaetɨ kia pe oñemi vaerä.

1 SAMUEL 14:15

Jare opaete teyupa pegua reta jare ikatu pe teyupa güi ñogüɨnoi vae reta okɨɨye rai yae. Jaeramiño vi sundaro reta teyupa pegua jare ñeraro regua reta okɨɨye yae reta vi, ɨvɨ okana, jare okɨɨye yae reta.