1 REYES 18:36 - Biblia Guarani Tumpa Iñee

³⁶ Jare ou ma oväe oñemee vaerä mɨmba oyeyukagüe opaetei oyeapɨ vaerä yave, ñeemombeúa Elías oya katu jese, jare jei: “¡CheYa, Abraham iTumpa, Isaac jare Israel iTumpa, toyekuaa añave, oime ko reiko Israel iñemuña reta ndive vae, jare che ko nderembiokuai vae, jare ndeporookuai rupi ayapo opaete kuae mbaembae reta vae!

1 REYES 18:36 ပူးပေါင်းရင်းမြစ်များ

GÉNESIS 26:24

Jókuae pɨ̈tu yandeYa oyekuaa chupe, jare jei: “Che ko jae nderu Abraham iTumpa. Agüɨye ekɨɨye, echa che aï nde ndive, cherembiokuai Abraham jeko pegua cheporerekuata nderé, jare ambojetata neñemuña reta.”

GÉNESIS 28:13

Oecha vi yeupika iyapɨteasɨ re oï yandeYa. Jare jae jei: “Che ko ndeYa, neramɨi Abraham iTumpa, jare nderu Isaac iTumpa; kuae ɨvɨ reyapakua reï jese vae ameeta ndeve jare neñemuña reta pe.

GÉNESIS 31:53

Neramɨi Abraham iTumpa jare cheramɨi Nacor iTumpa tiñanejäa. Jare Jacob oñererökuavee oyapo vaerä tu Isaac iTumpa omboete vae jovake.

GÉNESIS 32:9

Jare Jacob oyerure jei: “CheYa, cheramɨi Abraham iTumpa, cheru Isaac iTumpa, nde rere cheve: ‘Ekua ye ndeɨvɨ pe jare nerëtara reta pɨri, che ayapota ndeve ikavi vae.’

GÉNESIS 46:3

Jayave Tumpa jei: —Che ko jae Tumpa, nderu iTumpa; agüɨye ekɨɨye reo vaerä Egipto pe, echa joko pe che ayapota ndegüi tëta tuichagüe.

2 SAMUEL 7:26

Toyembotuicha avei nderee, jare tei avei vae: ‘¡YandeYa imbaepuere yae ete vae, jae ko Israel iTumpa!’ Jare cheñemuña reta toyogüɨreko avei nderóvai rupi.

1 REYES 18:21

Jayave Elías oya katu opaete yatɨ vae reta re, jare jei: —¿Kërai regua pa jekuaeñota peiko mókoi yemongeta ndive? YandeYa ko Tumpa yave, peguata jupieño; ani Baal ko yave, peguata jupieño. Jare opaete vae reta mbaetɨ iñee omoë.

1 REYES 18:29

Oasa ma kuaraɨ ara mbɨte yave, jare jae reta jekuaeño täta rupi osapúkai imbokeregüe nunga, ou regua oväe mɨmba oyeyukagüe oñemee kaaru yave vae iora, ërei mbaetɨ oyeendu ñee ave, jare mbaetɨ kia omboyevɨ vaerä jare oendu vaerä.

1 REYES 18:35

Jare ɨ osɨrɨ etei mɨmba oyeyuka oyeapɨ jese vae iyɨ́vɨri rupi, jare tɨnɨe omopɨ̈koegüe.

1 REYES 18:37

¡Eendu cheve, cheYa, eendu cheve, jare toikuaa kuae opaete vae, nde oreYa, jae ko Tumpa, jare nde reparea oyerova vaerä ndekotɨ ipɨa reta!”

1 REYES 20:13

Jökorai yave metei Tumpa iñeemombeúa ou Acab mburuvicha guasu Israel pegua pɨri, jare jei chupe: —Körai jei yandeYa: “Yepe tëi reecha jókuae tovaicho jeta yae vae, ërei añave che ameeta ndepo pe, reikuaa vaerä che ko jae ndeYa.”

1 REYES 20:28

Jayave ou kuimbae Tumpa iñeemombeúa mburuvicha guasu Israel pegua jóvai, jare jei chupe: —Körai yandeYa jei: “Echa Siriaɨgua reta jei, che jae Tumpa ɨvɨtɨ rupiguaño, mbaetɨ ko ɨvɨpe kavi rupigua ramo, ameeta ndepo pe kuae jeta yae vae. Jökorai peikuaata che jae ko peYa.”

1 REYES 22:28

Micaías jekuae jei ye: “Nde reyerova ko mbɨakatu ndive yave, yandeYa mbaetɨ ko jayave imiari cherupi.” Jare jei opaete vae reta pe: “¡Opaete vae reta, peendu!”

1 REYES 8:43

eendu ara pe, jókuae reikoa pe, jare emee chupe opaete jae oiporugüe, ndekuaa vaerä tëtaguasu reta opaete ɨvɨ rupi jare omee mbaemboete ndeve tëta Israel ndembae vae oyapo rami, jökorai toikuaa kuae tupao amopüa ndeve vae pe nderee oyemboete vae.

2 REYES 1:10

Elías jei: —Tumpa iñeemombeúa ko che, toa ara güi tata, topa tanderapɨ jókuae cincuenta ndesundaro ndive. Jupiveiño oa ara güi tata, jare opa oapɨ jókuae sundaro ruvicha, cincuenta isundaro ndive.

2 REYES 1:3

Jayave yandeYa iaraɨgua jei Elías Tisbe pegua pe: “Epüa ekua eövaiti mburuvicha guasu Samaria pegua iñee jerajaa reta, jare ere chupe reta: ¿Mbaetɨ pa Israel pe Tumpa, peo vaerä peparandu Baal-zebub tumpa Ecrón pegua pe?

2 REYES 1:6

Jae reta jei: —Metei kuimbae orerövaiti jare jei oreve: Peyerova ye jókuae mburuvicha guasu pembou vae kotɨ, jare pere chupe: “Körai jei yandeYa: ¿Mbaetɨ pa Israel pe Tumpa, nde remondo vaerä reparandu Baal-zebub tumpa Ecrón pegua pe? Ngaraa ma repüa jókuae nderupa güi, remanota.”

2 REYES 19:19

Añave oreYa Tumpa, romoñera orereroasayepe vaerä ndembaepuere pe, oikuaa vaerä opaete mborookuaía reta ɨvɨ pegua, ndeño ko jae oreYa Tumpa vae.”

2 REYES 20:11

Jayave ñeemombeúa Isaías oyerure yandeYa pe, jare yandeYa ombouka ye küaraɨa jaɨkue kotɨ payandepo ma osɨrɨ tëi Acaz iora ojäa pɨpe vae pe.

2 REYES 5:15

Jare oyerova ye Tumpa iñeemombeúa kotɨ, jae jare opaete iguataïru reta ndive, jare oyemboɨ jae jóvai, jare jei: —¡Añave aikuaa, mbaetɨ yepe Tumpa opaete ɨvɨ pe, jaeño oime Israel pe! Romoñera reipɨɨ vaerä mbae nunga mbota yepe, kuae che arugüe güi.

2 REYES 5:8

Eliseo, Tumpa iñeemombeúa oikuaa mburuvicha guasu Israel pegua omondoro jemimonde yave, omondo jeiuka mburuvicha guasu pe: “¡Remondoroiño ma nderemimonde! Tou jókuae kuimbae chekotɨ, oikuaa vaerä oime ko ñeemombeúa Israel pe vae.”

1 CRÓNICAS 29:18

Oreya, Abraham iTumpa, Isaac jare oñemuñagüe Israel iTumpa, emee ndembae vae reta pe togüɨnoi avei vaerä kuae ipɨa-kɨ̈reɨ ngatu, emee ipɨa pe imaendúa reta avei vaerä ndekotɨ.

2 CRÓNICAS 30:6

Jökorai yogüɨraja ñee jerajaa reta opaete Israel rupi jare Judá rupi mburuvicha guasu jare iyɨvɨrigua reta jembikuatía ndive, omoërakua vaerä mburuvicha guasu iporookuai jei reta reve: “Israel iñemuña reta, peyerova ye yandeYa kotɨ, Abraham, Isaac jare Israel iTumpa kotɨ, jare jae oyerova yeta pekotɨ, opaete pe perembɨre mburuvicha guasu reta Asiria pegua ipo güi vae.

SALMOS 141:2

Cheyeyure tojo nderóvai ikäti kavi vae incienso rami, jare chepo aupi vae, kaaru yave mbota oñemee ndeve vae rami.

SALMOS 83:18

¡Toikuaa reta nde jae ko Tumpa vae, ndeño ko jae Tuichagüe yae ete opaete ɨvɨ re vae!

ÉXODO 3:6

Che ko jae neñemuñagüe Abraham, Isaac jare Jacob iTumpa. Jayave Moisés oñomi jova, echa okɨɨye omae vaerä Tumpa re.

ÉXODO 4:5

—Kuae rupi ndererovia retata che ndeYa Tumpa ko oyekuaa ndeve vae, neñemuñagüe Abraham, Isaac jare Jacob iTumpa.

ISAÍAS 37:20

Añave, oreYa Tumpa, orereepɨ jókuae mburuvicha ipo güi, opaete tëtaguasu reta oikuaa vaerä, ndeño ko jae oreYa Tumpa añetete vae.”

EZEQUIEL 36:23

Che amboeteukata cheree ikɨambae vae ïru tëtaguasu reta pe, jae reta omboeteä vae, pe reta peröɨrouka vae; kuae ayapo yave perupi jae reta jóvai, jayave jae reta oikuaata che ko jae peYa vae. Che peYa jae kuae.

EZEQUIEL 39:7

Jare amboyekuaata cheré ikɨambae vae, chembae vae reta Israel ipɨte pe, jare ngaraa ye ma amaeño oñereröɨrouka cheré ikɨambae vae; jare tëtaguasu reta chekuaata che ko jae Tumpa vae, Iyoambae Israel pegua.

DANIEL 12:11

Mil dosciento noventa ara oasata oyeopia güire mɨmba oyeyuka oñemee ara ñavo vae, mbae ikavimbae yae oyeapo vae ou regua oväe.

DANIEL 8:13

Javoi aendu metei araɨgua oparandu ïru araɨgua aendu imiari vae pe, jei: ‘¿Kërai yave pa iyapɨta kuae ara ñavo mɨmba oyeyuka oyeapɨ jese vae re oyekuaa vae? ¿Kërai regua pa oikota mbaeyoa yavaete yae vae yandeYa jo mbaemboetea pe jare jese oporogüɨrovia vae opa vaerä oñemokañɨteiuka?’

DANIEL 9:21

Che ayerure aï ramboeve, araɨgua Gabriel, tenonde yave oyekuaa cheve vae, jarembae pegua oveve ou oväe che aïa pe. Kaaru yave Tumpa pe mɨmba oyuka oñemee vae iorata ma yave.

San Mateo 22:32

Echa oyekuatía oï körai: “Che ko jae Abraham, Isaac jare Jacob iTumpa.” Tumpa mbaetɨ ko omanogüe vae reta iTumpa. Jae ko oikove vae reta iTumpa.

San Juan 11:42

Aikuaa ko reendu avei cheve, ërei jae körai, kuae cheɨpɨ rupi jeta ñogüɨnoi vae reta oikuaa vaerä, güɨrovia vaerä nde ko chembou vae.

Hechos 10:30

Jayave Cornelio jei chupe: —Irundɨ ara ma oasa koyave ayerure aï ayekuaku reve tembíu güi kuae chero pe. Jare güɨramoiño mboapɨ ora ma kaaru yave aecha metei kuimbae jemimonde jembipeasɨ vae oyemboɨ oï cheróvai.

Hechos 3:1

Pedro jare Juan yogüɨraja päve tupao pe, Tumpa pe oyerure vaerä, mboapɨ ora ma kaaru yave.

Efesios 1:17

yandeYa Jesucristo iTumpa, Tu imboetea yae vae, tomee peve arakuaa katu jare toikuaauka peve mbaembae, peikuaa kavi vaerä Tumpa regua.

Efesios 3:14

Kuae jeko pegua, che ayetavatɨka yandeYa Jesucristo Tu jóvai.