1 REYES 18:31 - Biblia Guarani Tumpa Iñee

³¹ Jare Elías oipɨɨ doce ita, Jacob taɨ reta iyavei, jókuae yandeYa jei chupe: “Ndereeta Israel” vae,

1 REYES 18:31 ပူးပေါင်းရင်းမြစ်များ

GÉNESIS 32:28

Jare jókuae kuimbae jei chupe: —Ngaraa ye ma nderee Jacob. Ndembojee retata Israel; echa reñoïraro ko Tumpa ndive jare kuimbae reta ndive, jare reporomoamɨri.

GÉNESIS 32:29

Jayave Jacob oparandu chupe, jei: —Añave nde emombeu cheve nderee. Jare jókuae kuimbae jei: —¿Maera pa reparandu cheve cheree re? Jare iporerekua jese joko pe.

GÉNESIS 33:20

Jaɨkue rupi omopüa mɨmba oyeyuka oyeapɨ jese vae, jare ombojee El-Elohe-Israel.

GÉNESIS 35:10

Jare Tumpa jei chupe: “Nde nderee Jacob. Ngaraa ye ma nderee Jacob, Israel ndereeta añave.” Jare ombojee Israel.

2 REYES 17:34

Jekuaeñoi añave rupi oyapo reta tenonde rupi oyapo reta rami, mbaetɨ oipoɨu reta yandeYa güi, mbaetɨ oñovatu reta iporookuai, mbaetɨ oyapo reta mborookuai jei rami, yandeYa omee Jacob iñemuña reta pe vae, jae ombojee Jacob, Israel pe vae.

ESDRAS 6:17

Jare Tumpa jo oñeñono tee omboarete vae peguarä omee reta cien toro taɨrusu vae, dosciento vecha kuimbae jare cuatrociento vecha kuimbae taɨrusu vae; jare Israel iñemuña reta pe Tumpa iñɨ̈ro vaerä iyoa re, doce kavara kuimbae, Israel taɨ reta iñemuña ñavo re.

ÉXODO 24:4

Moisés oikuatía opaete yandeYa iñee reta, jare opüa pɨareve ndeimbove yave, jare omopüa metei mɨmba oyeyuka oyeapɨ jese vae ɨvɨtɨ igüɨ pe, jare oñono doce ita, Israel doce taɨ iñemuña peguarä ñavo.

ISAÍAS 48:1

“Peyeapɨsaka, Jacob iñemuña reta, tee Israel pe peñeenɨi vae reta, Judá iñemuña reta; Tumpa jee re peñererökuavee mbae peyapo vaerä vae; Israel iTumpa pe peyerure vae reta, yepe tëi mbaetɨ añetete reve ani jupi rupi;

JEREMÍAS 31:1

YandeYa jei: “Jókuae ara rupi che aikota opaete ñemuña reta Israel pegua iTumparä, jare jae reta yogüɨrekota chembaerä.”

EZEQUIEL 47:13

Che peYa Tumpa jae körai: Köraita ko ɨvɨ jembeɨ pejäa oyoupe, doce ñemuña Israel iñemuña peiko vae. José togüɨnoi mókoi yemboyao.

Efesios 2:20

pe reta ko o oñemopüa vae rami, jókuae temimondo reta jare ñeemombeúa reta ko ita o oñemopüa jese vae rami. Ërei Jesucristo etei ko jae ita o ekina iguapɨka.

JOSUÉ 4:20

Joko pe Josué omopüa doce ita, jókuae ɨ̈aka Jordán güi güeru reta vae,

Apocalipsis 21:12

Jare güɨnoi ikësea tuicha jare ɨvate yae vae, doce jöke vae. Jare jöke ñavo oï metei araɨgua. Jare jöke ñavo re oyekuatía doce Israel iñemuña jee.