1 REYES 18:3 - Biblia Guarani Tumpa Iñee

³ Acab oenɨi Abdías, jae ko imbaembae iyangarekoa; jae ko oipoɨu yae yandeYa güi vae.

1 REYES 18:3 ပူးပေါင်းရင်းမြစ်များ

GÉNESIS 22:12

Jei chupe: —¡Agüɨye emopüa ndepo kunumi re, agüɨye maratu eyapo. Echa aikuaa ma kërai ko ndeporogüɨrovia Tumpa kotɨ vae, aecha kërai mbaetɨ reipoɨu remee nderaɨ cheve; nderaɨ jaeño vae!

GÉNESIS 24:10

Jókuae tembiokuai oipɨɨ payandepo iya icamello, jare ojo güɨnoe mbotarä vae oipotagüe iya imbae güi, jare omboɨpɨ oguata ojo regua oväe Mesopotamia pe, Nacor jëta pe.

GÉNESIS 24:2

Jare Abraham jei jembiokuai ñɨma yae ma jo pe vae pe, jae ko tenondegua yae oyangareko opaete mbaembae re vae: —Eñono ndepo cheu päu pe,

GÉNESIS 39:9

Mbaetɨ ye kia tenondegua chegüi kuae o pe, jare cheya mbaetɨ mbae oyopia chegüi; jaeño ma nde, echa nde ko jae jembireko. ¿Këraita pa che ayapo kuae mbae ikavimbae yae vae, jare cheyoa Tumpa kotɨ?

GÉNESIS 41:40

Jare añave güive reïta cherëta pe tenondeguarä jare nde rere rami toyeapo cheɨvɨ pe; jaeño ete che aïta ndetenondeguarä.

GÉNESIS 42:18

Jare mboapɨa ara pe José jei chupe reta: —Tumpa güi oipoɨu vae ko che; peyapo kuae, jayave ngaraa pemano.

1 REYES 16:9

ërei Zimri, Ela ikäretou ñeraro pegua reta oyemboyao mbɨte rupi vae juvicha oñemopüa jese, Tirsa pe okau jare osavaɨpo ramboeve imbaembae iyangarekoa Arsa jëta pe.

1 REYES 18:12

Aja ramboeve kuae güi yandeYa iEspíritu ndererajata kuae güi che mbaetɨ aikuaa vae pe. Javoi che aja Acab pe romombeu yave royuta roeka, javoi Acab mbaetɨ neväe yave, cheyukata. Che nderembiokuai chetaɨrusu güive amboete yandeYa vae ko.

1 REYES 18:2

Jare Elías ojo oyeechauka Acab pe. Karuai jeiete yae tëta Samaria pe.

2 REYES 4:1

Metei kuña, ñeemombeúa jembirekogüe ojo iñeengeta Eliseo pe, jei reve: —Cheme omano, jare nde reikuaa jae oipoɨu yandeYa güi vae ko; jare ou orepía iya güɨraja vaerä chegüi mókoi reve chemembɨ reta tembiokuairä.

NEHEMÍAS 5:15

Ërei ïru mburuvicha reta tenonde yogüɨreko chegüi vae, oiporarauka opaete vae reta pe, echa ara ñavo okovara reta okaru jare okau vaerä cuarenta reare korepoti pegua, jare jembiokuai reta ave oiporarauka opaete vae reta pe. Ërei che mbaetɨ ayapo jókuae, aipoɨu ramo Tumpa güi.

NEHEMÍAS 7:2

ayókuai cherëtara Hanani jare Hananías tëta guasu Jerusalén iyangarekoa reta juvicha (echa Hananías ko metei kuimbae jupi vae jare Tumpa güi oipoɨu vae, ïru vae reta güi mbaetɨ jae rami vae).

JOB 28:28

Mase, arakuaa jae ko yandeYa güi oipoɨu vae, jare arakuaa katu oyembosɨrɨ ikavimbae vae güi vae.

SALMOS 112:1

Oyerovia ko kuimbae, yandeYa güiño oipoɨu vae, oñono ipɨa yandeYa iporookuai reta reño vae.

PROVERBIOS 14:26

YandeYa güi oipoɨu vae, mɨ̈rata ko, jae ko taɨ reta iñepɨ̈roa.

MALAQUÍAS 3:16

(Jayave yandeYa güi oipoɨu vae reta imiari oyoupe; yandeYa oyeapɨsaka jese jare oendu. Kuae reta jee oyemboguapɨ yandeYa jóvai metei tupapire pe, yandeYa güi oipoɨu vae reta jare omboete vae reta regua.)

San Mateo 10:28

Agüɨye pekɨɨye pereteño ipuere oyuka vae reta güi, echa perekove ngaraa ipuere oyuka. Pekɨɨye Tumpa güi, echa jae ipuere omokañɨtei perete jare perekove tata guasu pe.

San Mateo 25:17

Jökoraiño vi mókoi talento omboresive vae omboɨpɨ omombaravɨkɨ, jare jökorai omoïru ye mókoi.

Hechos 10:2

Jae jare opaete jo pegua reta omboete Tumpa, jare jae omee vi jeta mbae iparavete vae reta pe, jare oyerure avei vi Tumpa pe.

Hechos 10:35

Echa oipotagüe tëtaguasu pegua omboete Tumpa vae jare jupigüe oyapo vae ikavi ko chupe.