1 REYES 18:26 - Biblia Guarani Tumpa Iñee

²⁶ Jare jae reta oipɨɨ toro oñemeeuka chupe reta vae jare oyapo kavi reta, jare oenɨi reta Baal jee rupi ndeimbove güive kuaraɨ ara mbɨte regua, jei reve: “¡Baal! ¡Emboyevɨ oreve!” Ërei mbaetɨ ñee ave, jare mbaetɨ kia omboyevɨ vaerä; ërei jae reta jekuae güɨrave, opɨrae oyere mɨmba oyeyuka oyeapɨ jese vae oyapogüe iyɨ́vɨri rupi.

1 REYES 18:26 ပူးပေါင်းရင်းမြစ်များ

1 REYES 18:24

Jare jaɨkue rupi peenɨi petumpa reta jee rupi, jare che taenɨi YandeYa jee rupi; jare yerure omboyevɨ tata rupi vae, jae ko Tumpa. Jare opaete vae reta jei: “¡Ikavi yae ko!”

1 REYES 18:25

Jayave Elías jei Baal regua omoërakua vae reta pe: —Peiparavo metei toro, jare peyapo kavi pe reta räri, echa pe reta jeta peï. Javoi peenɨi petumpa jee rupi, jare agüɨye peñono igüɨ pe tata.

1 REYES 18:27

Jare jaemai kuaraɨ ara mbɨte yave, Elías opuka jese reta, jei reve: —Pesapúkai täta, echa petumpa ko. Güɨramoi oime oyemongeta oï, ani oime mbae nunga mbaravɨkɨ oyapo oï, ani oë oguata. ¡Güɨramoi oke oï, pemomba!

ÉXODO 8:14

Jare omboatɨ mboatɨ etei reta pïte jëogüegüe, jare iine yae otimbo opaete ɨvɨ rupi.

ISAÍAS 37:38

Metei ara omboete oï itumpa-raanga Nisroc itupao pe yave, taɨ reta Adramelec jare Sarezer oyuka kɨsepuku pe, jare otekuarai reta ɨvɨ Ararat kotɨ. Taɨ Esar-hadón oguapɨ jekovia pe mburuvicha guasurä.

ISAÍAS 44:17

Jare jókuae ɨvɨra jembɨregüe oyapo tumpa-raangarä, javoi oyetavatɨka jóvai omboete vaerä, oyerure chupe körai: “¡Chereepɨ, nde ko chetumpa!”

ISAÍAS 45:20

Peyomboatɨ jare peyu opaete tëtaguasu pegua reta jembɨregüe. Mbaetɨ ko iyarakuaa jókuae tumpa-raanga ɨvɨra pegua ovoɨ güɨroata vae reta, jare oyerure reta jókuae oporoepɨ rapembae vae pe vae reta.

ISAÍAS 46:7

Jare ovoɨ reta güɨraja iyatiɨ re, güɨraja reta oñono jenda pe, joko pe opɨta, mbaetɨ omɨi jókuae jenda güi. Yepe tëi osapúkai reta oyerure chupe, ërei mbaetɨ oyapo iyerure chupe reta, ani mbaetɨ ipuere güɨroasayepe ipɨatɨtɨ güi.

JEREMÍAS 10:5

Sɨmbi, omɨimbae oyemboɨ reta karandaɨ rami, mbaetɨ imiari reta, ovoɨ reta güɨraja, echa mbaetɨ ipuere oguata reta. Agüɨye pekɨɨye chugüi reta, echa mbaetɨ ipuere reta oyapo ikavimbae ani ikavi vae ave.”

DANIEL 5:23

ërei cheYa ara pe oï vae kotɨ reyembopɨapochɨ, jare reruruka nderóvai vaso reta Tumpa jo pegua, nde jare ndeɨvɨrigua mburuvicha reta, nderembireko reta jare kuña rerekoiño vae reta ndive rekau pɨpe; jare kuae güire, remboete tumpa reta korepoti pegua, oro pegua, jiero iyu vae pegua, jiero pegua, ɨvɨra pegua jare ita pegua; jókuae omaembae reta, oendumbae reta, yarakuaambae reta; jare Tumpa jae ipo pe nderekove oï vae jare opaete reyapogüe reta jese oiko vae mbaetɨ remboete.

JONÁS 1:5

Jare barco pe oparavɨkɨ vae reta okɨɨye, jare metei ñavo vae osapúkai reta itumpa pe; jare omombo reta ɨ pe ivoɨta barco pegua, ombovevɨi vaerä. Ërei Jonás yepe ogüeyɨ barco jugua kotɨ, jare oyapakua oke.

HABACUC 2:18

¿Mbaerä pa ikavi jókuae ipöra yae oyeapo vae? ¿Mbaerä pa ikavi jókuae mbae iä oporombotavɨ vaeräño oï vae? Mbaetɨ ipuere imiari tumpa-raanga, javoi ¿maera pa güɨrovia kuimbae, jembiapo re aeño?

HABACUC 2:19

¡Paravete, ɨvɨra pegua tumpa-raanga pe: “Epa” jei vae jare ita iñeembae pe: “Epüa” jei vae! ¿Ipuere pa mbae omombeu? ¡Mbaetɨ ko, echa mbaetɨ jekove, yepe tëi oñeova oro pe jare korepoti pe!

SOFONÍAS 1:9

Jaeramiño vi aiporaraukata jókuae ara, itumpa-raanga jöke oyapɨraa vae reta pe, iya jo omotɨnɨe oñomigüe pe ani oporombotavɨgüe pe vae reta.”

San Mateo 6:7

Jare reyerure yave, agüɨye eyerure judiombae vae reta oyerure rami. Echa jae reta jekuaeño omboaɨkuere yeyé jei metei vaeño. Güɨrovia jökorai iyerure oenduta Tumpa chupe reta.

1 Corintios 12:2

Peikuaa kavi ko kërai ndei peporogüɨrovia mbove, peropa jare peyererajauka tumpa-raanga reta iñeembae pe.

1 Corintios 8:4

Jayave soo oñemee tumpa-raanga reta pe vae, yaikuaa ko tumpa-raanga mbaeä etei kuae ɨvɨ pe. Jare yaikuaa Tumpa meteiño ko.

1 SAMUEL 5:3

Pɨareve ndeimbove pe Asdod pegua reta oecha itumpa Dagón oyepɨso oï ɨvɨ pe yandeYa ikäjou jóvai, jayave oupi reta oñono ye jenda pe.