1 REYES 18:22 - Biblia Guarani Tumpa Iñee

²² Jare Elías jei opaete vae reta pe: —Jaeño che yandeYa iñeemombeúa apɨta; ërei Baal regua omoërakua vae reta oime ñogüɨnoi cuatrociento cincuenta kuimbae.

1 REYES 18:22 ပူးပေါင်းရင်းမြစ်များ

1 REYES 18:23

Pemee oreve mókoi toro, jare jae reta toiparavo metei, jare topa tomboyao yao, jare toñono reta yepea iárambo, ërei agüɨye toñono reta igüɨ pe tata. Jare che tañono kavi jókuae ïru toro, jare tañono yepea re, jare agüɨye etei tañono igüɨ pe tata.

1 REYES 19:10

Jare jae jei: “Ayandu cherägüɨro yae nde cheYa Tumpa Imbaepuere yae ete vae re; echa Israel iñemuña reta oeya morogüɨrökuavee päve reyapo vae, jare opa omboai reta mɨmba oyeyuka oyeapɨ jese vae reta ndembae, jare opa oyuka reta kɨsepuku pe neñeemombeúa reta; jaeño che apɨta, jare añave chereeka reta cheyuka vaerä.”

1 REYES 19:14

Jare jei: “Ayandu cherägüɨro yae nde cheYa Tumpa imbaepuere yae ete vae re; echa Israel iñemuña reta oeya morogüɨrökuavee päve reyapo vae, jare opa omboai reta mɨmba oyeyuka oyeapɨ jese vae reta ndembae, jare opa oyuka reta kɨsepuku pe neñeemombeúa reta; jaeño che apɨta, jare añave chereeka reta cheyuka vaerä.”

1 REYES 20:13

Jökorai yave metei Tumpa iñeemombeúa ou Acab mburuvicha guasu Israel pegua pɨri, jare jei chupe: —Körai jei yandeYa: “Yepe tëi reecha jókuae tovaicho jeta yae vae, ërei añave che ameeta ndepo pe, reikuaa vaerä che ko jae ndeYa.”

1 REYES 20:32

Jayave oyemonde reta temimonde mbɨatɨtɨ pegua pe jare tɨmasa oñono reta iyayu re, jökorai yogüeru oyemboɨ mburuvicha guasu Israel pegua jóvai, jare jei reta chupe: —Ben-adad nemoñera remaeño vaerä oikove. Acab jei: —¿Oikoveño yera? ¡Tëtara rami ko chevegua!

1 REYES 20:35

Ërei ngatu metei kuimbae ñeemombeúa reta güi oyókuai iñeïru, Tumpa jei chupegüe rupi: —¡Eyapo ikavi vae cheve, chembopere! Ërei jókuae iñeïru mbaetɨ oipota oyapo.

1 REYES 20:38

Jayave ñeemombeúa ojo oäro mburuvicha guasu tape pe, jare oñeäka-soi reve tarapo pe.

Romanos 11:3

“CheYa, oyuka reta neñeemombeúa reta, jare opa omboai reta mɨmba oyeyuka oyeapɨ jese vae ndembae. Cheño ete apɨta, jare oipota vi cheyuka reta.”