1 REYES 17:18 - Biblia Guarani Tumpa Iñee

¹⁸ Jayave kuña imemano vae jei Elías pe: —¿Mbae pa che ayapo ndekotɨ kuimbae Tumpa jembiokuai? ¿Reyu pa chemomaendúa cheyoa re jare omano vaerä chemembɨ?

1 REYES 17:18 ပူးပေါင်းရင်းမြစ်များ

GÉNESIS 44:16

Jayave Judá jei: —¿Mbae ye pa roeta ndeve oreya? ¿Mbae re ye pa oremiarita, mbae re ye pa royeepɨta? Tumpa oreväe mbaeyoa royapogüe pe; añave nderembiokuai ma ko ore, ore jare jókuae kopa oñeväe jese vae vi.

GÉNESIS 50:15

José tɨkeɨ reta oecha tu omano ma yave, oyemongeta reta, güɨramoi José omotareɨ retata, jei reta: “Omboepɨukata yandeve opaete ikavimbae yayapo chupe vae.”

GÉNESIS 50:17

Körai pere José pe: ‘Neɨ̈ro nderɨkeɨ reta pe opaete ikavimbae oyapo ndeve vae jare iyoa reta re.’ Jáeramo añave romoñera neɨ̈ro vaerä ikavimbae yae royapo vae re, echa nderu iTumpa jembiokuai ko ore.” Ñee omombeu vae reta imiari ñogüɨnoi ramboeve José oyaeo ma.

2 SAMUEL 16:10

Ërei mburuvicha guasu jei chupe: —Sarvia imembɨraɨe reta, kuae teko mbaetɨ ko pe reta ndive. Güɨramoi yandeYa oyókuai jei vaerä cheve kuae ñee jasɨ katu vae, jökorai ko yave, ¿kia pa mbae jeita chupe?

2 SAMUEL 19:22

Ërei David jei: —¿Maera pa jökorai peyemongeta cheve Sarvia imembɨraɨe reta? Echa aikuaa aï ye ma ko mburuvicha guasurä kuae ara, jayave mbaetɨta kia omano Israel pe kuae ara.

1 REYES 12:22

Ërei yandeYa imiari iñeemombeúa Semaías pe, jei reve:

1 REYES 13:1

Jeroboam, oapɨta oï ikäti kavi vae incienso, ikäti kavi vae incienso oyeapɨ jese vae re yave, ou oväe Judá güi Bet-el pe metei Tumpa iñeemombeúa.

1 REYES 17:17

Kuae jaɨkue rupi kuña imemano vae imembɨ imbaerasɨ, jare jókuae mbaerasɨ oyaporai yae omano regua.

1 REYES 17:19

Elías jei chupe: —Eru nemembɨ cheve kuae pe. Jare jae oekɨ kuña imemano vae jäpapau güi güɨraja jo ɨvate güɨnoi vae pe, jare omboyapakua jupa pe.

1 REYES 18:9

Abdías jei: —¿Mbae pa chereko, chemee vaerä Acab ipo pe cheyuka vaerä?

1 REYES 20:28

Jayave ou kuimbae Tumpa iñeemombeúa mburuvicha guasu Israel pegua jóvai, jare jei chupe: —Körai yandeYa jei: “Echa Siriaɨgua reta jei, che jae Tumpa ɨvɨtɨ rupiguaño, mbaetɨ ko ɨvɨpe kavi rupigua ramo, ameeta ndepo pe kuae jeta yae vae. Jökorai peikuaata che jae ko peYa.”

2 REYES 1:9

Jupivei omondo metei sundaro ruvicha, cincuenta sundaro ndive Elías kotɨ. Yogüɨraja oväe yave, Elías oguapɨ oï ɨvɨtɨ iyapɨte re. Jayave jókuae sundaro ruvicha jei chupe: —¡Tumpa iñeemombeúa, mburuvicha guasu jei regüeyɨ vaerä joko güi!

2 REYES 3:13

Jayave Eliseo jei mburuvicha guasu Israel pegua pe: —¿Maera pa reyu chekotɨ? Ekua eparandu ñeemombeúa reta nderu jare ndesɨ pe oyeokuai vae reta pe. Mburuvicha guasu Israel pegua jekuae jei ye: —Mbaetɨ, echa yandeYa orereru ore mboapɨ mburuvicha guasu reta oremee vaerä Moab iñemuña reta pe.

2 CRÓNICAS 35:21

ërei Necao omondo ñee jerajaa reta jei chupe: “Mburuvicha guasu Judá pegua agüɨye chemoambeko. Echa mbaetɨ ko ayu aporepeña nderé, ïru tëtaguasu oñeraro oï che ndive vae re ko. Tumpa jei cheve cheandeko vaerä; jayave agüɨye eyovaicho Tumpa kotɨ, che ndive oï vae re, jökorai agüɨye vaerä nemokañɨtei.”

JOB 13:23

¿Mbovɨ pa anoi mbae pɨ̈chɨi jare mbaeyoa? Eikuaauka cheve ayavɨgüe jare cheyoa.

JOB 13:26

¿Maera pa remoäpɨta tupapire pe chekotɨ ikavimbae, jare reiporarauka cheve opaete mbaeyoa ayapo chetaɨrusu yave vae re?

NÚMEROS 5:15

jókuae kuimbae togüeru jembireko sacerdote jóvai, jare togüeru vi mbota, mókoi kilo cebada ikuigüe. Ërei agüɨye topɨyere iárambo olivo iasaite, ani ikäti kavi vae incienso, jare jókuae mbota güi tomee iyoa re, echa mbota tägüɨro pegua ko.

San Mateo 8:29

Jare jae reta iñeeäta reve jei: —¿Maera pa reyu oreve Jesús, Tumpa Taɨ? ¿Reyu pa reiporarauka oreve, ndei ara oväe mbove?

San Marcos 5:7

Jare iñeeäta reve jei: —¿Maera pa reyu cheve Jesús, Tumpa Tuichagüe yae vae Taɨ? Romoñera Tumpa jee re, agüɨye eiporarauka cheve.

San Marcos 6:16

Ërei Herodes oendu kuae yave, jei: —Jae ko Juan añäka-sɨauka vae. Oikove ye ma omanogüe vae reta ipɨte güi.

San Lucas 4:34

—¿Maera pa reyu oremoambeko, Jesús Nazaret-ɨgua? ¿Reyu pa oremokañɨtei vaerä? Che rokuaa. Nde ko jae Iyoambae Tumpa güi ou vae.

San Lucas 5:8

Jare Simón Pedro kuae oecha yave, oyetavatɨka Jesús jóvai jare jei chupe: —Esɨrɨ chegüi, cheYa. Echa che ko jae metei kuimbae iyoa vae.

San Lucas 8:28

Kuae kuimbae oecha Jesús yave, osapúkai jare oyetavatɨka itindɨasɨ jóvai. Jayave iñeeäta reve jei: —¿Maera pa reyu cheve Jesús, Tumpa Tuichagüe yae vae Taɨ? Romoñera agüɨye eiporarauka cheve.

San Juan 2:4

Jesús jei: —Kuña, ¿maera pa rere cheve kuae? Ndei vɨteri ko oväe cheara.

JUECES 13:6

Jare kuña ojo imiari ime pe, jei chupe: “Metei kuimbae Tumpa jembiokuai ou chépɨri, jare chemongɨɨye yae, echa jova Tumpa iaraɨguaecha. Mbaetɨ aparandu chupe ketɨ güi ko ou vae ani kia ko vae, jae ave mbaetɨ oyemombeu cheve.

1 SAMUEL 16:4

Jare Samuel oyapo yandeYa jei chupe rami, ojo oväe Belén pe yave, jókuae tëta guasu itenondegua reta oë oövaiti okɨɨye reve, jare jei reta: —¿Reyu pa mbɨakatu peguarä?