1 REYES 17:13 - Biblia Guarani Tumpa Iñee

¹³ Elías jei chupe: —Agüɨye ekɨɨye; ekua jare eyapo nde rere rami; ërei eyapo cheve räri joko güi metei michi mbɨyape tanimbugüɨ pe oyɨ vae, jare eru cheve; jare jaɨkue rupi eyapo ndeyeupe jare nemembɨ peguarä.

1 REYES 17:13 ပူးပေါင်းရင်းမြစ်များ

GÉNESIS 26:24

Jókuae pɨ̈tu yandeYa oyekuaa chupe, jare jei: “Che ko jae nderu Abraham iTumpa. Agüɨye ekɨɨye, echa che aï nde ndive, cherembiokuai Abraham jeko pegua cheporerekuata nderé, jare ambojetata neñemuña reta.”

1 REYES 17:12

Jare jae jei: —Añetete ndeYa Tumpa rovake, mbaetɨ anoi mbɨyape; jaeño ete anoi metei poagua pegua trigokúi tinaa pe, jare michi mii asaite jɨru pe; jare añave amonoo ko aiko mbovɨ yepe yepea, ayapo vaerä oreyeupe. Routa jare jaɨkue rupi torerovaruru.

1 REYES 17:14

Echa yandeYa Israel iTumpa jei körai: “Trigokúi ngaraa oata tinaa pe jare asaite ave jɨru pe ngaraa jagüe, amongɨ regua ɨvɨ re.”

2 REYES 6:16

Eliseo jei chupe: —Agüɨye ekɨɨye, echa jeta ko yande ndive ñogüɨnoi vae, jae reta ndive ñogüɨnoi vae güi.

2 CRÓNICAS 20:17

Mbaetɨta ko pe reta peñeraro. Peyemboɨ kïrii, jare peechata kërai yandeYa pereepɨ. ¡Judá pegua reta jare Jerusalén pegua reta, agüɨye pekɨɨye, agüɨye peyembopɨtu; peporepeña pɨareve jese reta, echa yandeYa oïta pe reta ndive!’ ”

ÉXODO 14:13

Jare Moisés jei chupe reta: —Agüɨye pekɨɨye, peyemboɨ täta, jare pemae añave yandeYa pereepɨta vae re; echa Egiptoɨgua reta añave peecha vae ngaraa ye ma peecha.

PROVERBIOS 3:9

Emboete yandeYa mbaembae renoigüe pe, jare opaete ndembaagüɨyerɨpɨ reta pe.

ISAÍAS 41:10

Agüɨye ekɨɨye, che ko aï nde ndive; agüɨye ndepɨtu, che ko neTumpa romomɨ̈rata vae, romborɨ aveita, chembaepuere pe roñovatu aveita.

ISAÍAS 41:13

Echa, che ko jae ndeYa Tumpa, che jae ropoko rogüɨroata vae; che jae ndeve: ‘Agüɨye ekɨɨye, che ko romborɨta.’ ”

MALAQUÍAS 3:10

Peru opaete pediezmo mbotarɨru pe, oime vaerä tembíu chero pe; jare peikuaa añave jokoropi, mbaetɨta ra aipea ara jöke ambou vaerä peve mborerekua oarasa regua. Jei yandeYa Imbaepuere yae ete vae.

San Mateo 10:37

Oime yave kia ombotenonde yae tu jare ichɨ chegüi vae, ngaraa ipuere oiko cheremimboerä. Jaeramiño vi oime yave kia ombotenonde yae imichia reta chegüi vae, ngaraa ipuere oiko cheremimboerä;

San Mateo 28:5

Ërei araɨgua jei kuña reta pe: —Agüɨye pekɨɨye. Echa aikuaa peeka ko Jesús kurusu re oyekutuuka vae.

San Mateo 6:33

Jáeramo pembotenonde Tumpa iporookuaía jare imbaejupi. Jökorai yave, Tumpa omeeta peve opaete kuae mbaembae.

Hechos 27:24

Araɨgua jei cheve: “Pablo, agüɨye ekɨɨye, echa reo ñotai ko reyemboɨ César jóvai. Jare Tumpa ipɨakavi nde ndive ramo, oepɨta vi opaete kuae nderupíe yogüɨraja vae reta.”

Hebreos 11:17

Iporogüɨrovia rupi Abraham, Tumpa ojäa iporogüɨrovia yave, oyukata tëi Isaac omee vaerä Tumpa pe. Oïndaivi omee vaerä taɨ jaevaeño vae yepe tëi omboresive morogüɨrökuavee,

1 Pedro 1:7

Echa peporogüɨrovia oñejäa güire, ikavi yaeta oro güi, echa oro yepe tëi opata, ërei oyetɨo tata rupi; jökorai peporogüɨrovia oñejäa güire imboetea yae vaerä Jesucristo oyekuaa ye yave.