1 REYES 16:8 - Biblia Guarani Tumpa Iñee

⁸ Asa mburuvicha guasu Judá pegua, veintisei año ma oiko mburuvicha guasurä yave, Ela, Baasa taɨ omboɨpɨ oï mburuvicha guasurä Tirsa pe Israel re, jare mókoi año oiko mburuvicha guasurä,

1 REYES 16:8 ပူးပေါင်းရင်းမြစ်များ

1 REYES 15:16

Oñeraro avei oyoupii Asa jare Baasa mburuvicha guasu Israel pegua ndive, yogüɨreko ramboeve.

1 REYES 15:33

Mboapɨa año ma oiko Asa mburuvicha guasurä Judá re yave, Baasa, Ahías taɨ, omboɨpɨ oï mburuvicha guasurä Tirsa pe opaete Israel re, jare veinticuatro año oiko mburuvicha guasurä.

1 REYES 16:15

Veintisiete año ma oiko Asa Judá pe yave, jare Israel iñemuña reta oyembojeyupa ñogüɨnoi opüa vaerä filisteo reta jëta Gibetón re yave, Zimri omboɨpɨ oï Tirsa pe. Ërei chiu ara ñoete oiko,

1 REYES 16:21

Jayave Israel pegua reta oyemboyao mókoi pe. Metei yemboyao oyemboya Tibni, Ginat taɨ re, omboguapɨ vaerä mburuvicha guasurä, jare ïru yemboyao oyemboya Omri re.

1 REYES 16:23

Omri omboɨpɨ oï mburuvicha guasurä Israel re, treinta y un año ma oiko Asa mburuvicha guasurä Judá pe yave, doce año oiko mburuvicha guasurä; ova año oiko mburuvicha guasurä Tirsa pe.

1 REYES 16:6

Baasa omano yave, oñotɨ reta Tirsa pe. Jare taɨ Ela oguapɨ jekovia pe mburuvicha guasurä.

1 REYES 16:7

Ñeemombeúa Jehú, Hanani taɨ rupi, yandeYa jei Baasa kotɨ jare opaete iñemuña reta kotɨ, ikavimbae oyapo yandeYa jesa róvai jeko pegua; echa omboarasɨuka ikavimbae oyapo Jeroboam jare opaete iñemuña reta rami, jókuae jae opa omokañɨtei vae reta.

1 REYES 16:9

ërei Zimri, Ela ikäretou ñeraro pegua reta oyemboyao mbɨte rupi vae juvicha oñemopüa jese, Tirsa pe okau jare osavaɨpo ramboeve imbaembae iyangarekoa Arsa jëta pe.

2 REYES 15:14

echa Manahem, Gadi taɨ ou Tirsa kotɨ güi Samaria pe, jare oyuka Salum, Jabes taɨ; javoi oguapɨ jekovia pe mburuvicha guasurä.

2 REYES 15:23

Azarías cincuenta año ma oiko mburuvicha guasurä Judá pe yave, Pekaía, Manahem taɨ omboɨpɨ oï mburuvicha guasurä Israel re; mókoi año oiko mburuvicha guasurä Samaria pe.

2 REYES 21:19

Amón güɨnoi veintidó año omboɨpɨ oï mburuvicha guasurä yave, jare mókoi año oiko mburuvicha guasurä Jerusalén pe. Ichɨ jee Mesulemet, Haruz tayɨ, jae ko Jotba pegua.

PROVERBIOS 28:2

Metei tëtaguasu pe mbaetɨ teko ikavi yave, jeta mburuvicha reta jeko kavimbae, ërei mburuvicha yarakuaa katu vae oikatu güɨroata kavi tëtaguasu.