1 REYES 16:31 - Biblia Guarani Tumpa Iñee

³¹ echa omomoe Jeroboam, Nabat taɨ jeko oipoɨumbae reve. Jare Acab omenda Jezabel ndive, mburuvicha guasu Et-baal, Sidón pegua tayɨ ndive, jare omboɨpɨ omboete Baal.

1 REYES 16:31 ပူးပေါင်းရင်းမြစ်များ

GÉNESIS 30:15

Jare Lea jei: —¿Mbaeä etei pa ndeve cheme repɨ̈ro vae? Jare añave reipota ma reraja ye mandrágora chemembɨ güerugüe. Jare Raquel jei: —Kuae pɨ̈tu toke nde ndive Jacob, nemembɨ imandrágora jekovia pe.

GÉNESIS 6:2

Tumpa taɨ reta oecha kuimbae reta tayɨ maepöra yae reta yave, oiparavo reta iyeupe jembirekorä, jae reta oipota vae.

1 REYES 18:18

Jare Elías jei chupe: —Che mbaetɨ ko aiporarauka Israel pegua reta, nde, nderaɨ reta jare nerëtara ko, echa peeya yandeYa iporookuai reta, jare pemboete baal reta.

1 REYES 18:19

Emondo añave emboatɨuka opaete Israel pegua reta ɨvɨtɨ Carmelo re, jare cuatrociento cincuenta Baal regua omoërakua vae reta, jare cuatrociento Asera regua omoërakua vae reta, Jezabel ndive okaru vae reta.

1 REYES 18:4

Jae ko Jezabel omboɨpɨ oyuka Tumpa iñeemombeúa reta yave, oñomi chugüi cien; jare oyapo mókoi yemboyao cincuenta enta vae, jókuae reta oñomi mókoi ɨvɨkua pe, joko pe omee jembiurä jare iɨguarä.

2 REYES 10:18

Jaɨkue rupi Jehú omboatɨ opaete vae, jare jei chupe reta: —Acab mbaetɨ nunga omboete Baal, ërei che amboete yaeta.

2 REYES 17:16

Oeya reta opaete iYa Tumpa iporookuai reta, oyapo reta iyeupe mókoi toro taɨrusu vae iä jiero iyu vae pegua jare Asera iä reta, omboete reta opaete ara ipo reta jare Baal.

2 REYES 21:3

Echa omopüa pɨau ye mbaemboete renda ɨvɨtɨ rupigua reta tu Ezequías opa omboaigüe, jare omopüa mɨmba oyeyuka oyeapɨ jese vae reta Baal pe jare oyapo metei Asera iä, Acab, mburuvicha guasu Israel pegua oyapo rami, jare omboete opaete ara ipo reta,

2 REYES 3:2

Oyapo ikavimbae yandeYa jesa róvai; ërei mbaetɨ tu jare ichɨ jeko rami mbatee, echa omboai Baal iä tu oyapo vae.

2 CRÓNICAS 17:4

ërei oeka tu iTumpaño, jare oyapo iporookuai reta, mbaetɨ oiko Israel pegua reta yogüɨreko rami.

2 CRÓNICAS 21:13

ërei remomoe mburuvicha guasu reta Israel pegua jeko, jare reyavɨuka Jerusalén pegua reta pe yandeYa kotɨ Acab iñemuña reta rami. Jaeramiño vi opa reyuka nderɨvɨ nderu iñemuña reta, jeko kavi tëi ndegüi vae reta.

ISAÍAS 7:13

Jayave Isaías jei: “Peyeapɨsaka añave David iñemuña reta. ¿Mbaeä etei pa peve pemoambeko vaerä kuimbae reta, jare jökorai vi pemoambeko peï cheTumpa vae?

EZEQUIEL 16:20

Reipɨɨ vi nemembɨ cheve vae michia reta, jare remee netumpa-raanga reta pe ókai vaerä. ¿Jaekaviño maä pa ndeve aguasa reyapogüe,

EZEQUIEL 16:47

Nde reiko jae reta yogüɨreko rami, reyapo jae reta oyapo vae. Ërei mbaetɨ ndeangapɨɨ, ndereko oasa ete yé ikaviä chugüi reta.

EZEQUIEL 34:18

¿Mbaetɨ pa pemoangapɨɨ kapii kavi peu vae, maera pa jembɨregüe re pepɨ̈ro peeya? Peu ɨ jësaka kavi vae, javoi pembojuúmbai peeya pepɨ pe.

EZEQUIEL 8:17

Jayave yandeYa jei cheve: “Nde kuimbae ¿reecha pa? ¡Mbaetɨ etei yangapɨɨ Judá pegua reta oyapo ikavimbae vae, omotɨnɨe ikavimbae pe kuae ɨvɨ! Jekuaekuae rupi chemboarasɨuka reta; chembopɨayuguaru jeko reta.

OSEAS 2:15

Jare joko pe amee yeta chupe iuvarupa, jare aipoepɨta ɨvɨtɨ päu Acor, oasa vaerä mbɨatɨtɨ güi yerovia pe. Joko pe otairarita cheve taɨrusu yave rami, ɨvɨ Egipto güi anoe yave rami.

NÚMEROS 16:9

¿Mbaeä etei pa ko peve, Tumpa Israel pegua peñono tee opaete Israel iñemuña reta ipɨte güi vae, pereru ikotɨ peyeokuai vaerä chupe tupao guakapi pegua yandeYa imbae pe, jare peñono yatɨ vae reta jóvai peyeokuai vaerä chupe reta,

DEUTERONOMIO 7:1

YandeYa Tumpa pereroike yave ɨvɨ peiketa peñemoëta pɨpe vae pe, jare opa ma yave omoë omombo perenonde güi chiu tëtaguasu reta imbaepuere yae pegüi vae: Heteo reta, gergeseo reta, amorreo reta, cananeo reta, ferezeo reta, heveo reta jare jebuseo reta.

Apocalipsis 2:20

Ërei oime mbovɨ mbae jae vaerä ndeve: Jae ko remaeño jókuae kuña Jezabel ñeemombeúa jei iyeupe vae oporomboe jare ombotavɨ cherembiokuai reta aguasa oyapo vaerä jare jouka vaerä tembíu tumpa-raanga reta pe oñemee vae.

JUECES 1:31

Aser iñemuña reta mbaetɨ vi omoë omombo cananeo reta yogüɨreko Aco pe vae, Sidón pe vae, Ahlab pe vae, Aczib pe vae, Helba pe vae, Afec pe vae jare Rehob pe vae. Aser iñemuña reta mbaetɨ ipuere omoë omombo cananeo reta jeko pegua, yogüɨreko reta ipɨte pe.

JUECES 10:12

Sidón pegua reta ipo pe, Amalec iñemuña reta ipo pe, jare Madián iñemuña reta ipo pe; ërei pe reta peiporu yave cheve, che pogüɨroasayepe.

JUECES 10:6

Jare Israel iñemuña reta jekuae oyapo ye ikavimbae yandeYa jesa róvai, jare omboete reta Baal jare Astarot, jökoraiño vi tumpa ambuae reta Siria pegua, Sidón pegua, Moab pegua, Amón iñemuña reta itumpa jare filisteo reta itumpa reta pe; jare oeya reta yandeYa, mbaetɨ oyeokuai reta chupe.

JUECES 18:7

Jayave jókuae pandepo kuimbae vae reta opa oë yogüɨraja oväe tëta Lais pe. Jare oecha reta jókuae tëta pegua reta yogüɨreko pɨagüive Sidón pegua reta rami, oyepokuaa mbaetɨ kia omoambeko jare mbaetɨ mbae oata chupe reta. Mombɨrɨ yogüɨreko oyougüi Sidón pegua reta ndive jare mbaetɨ oñemoïru reta kia ndive ave.

JUECES 2:11

Jaɨkue rupi Israel iñemuña reta oyapo ikavimbae vae yandeYa jesa róvai, omboete reta tumpa ambuae reta Baal jee vae.

JUECES 3:7

Jare Israel iñemuña reta oyapo ikavimbae yandeYa jesa róvai, ñakañɨ reta iYa Tumpa güi, jare omboete reta baal reta, jare Asera iä reta.