1 REYES 16:1 - Biblia Guarani Tumpa Iñee

¹ Jayave yandeYa jei Jehú, Hanani taɨ pe, jei vaerä Baasa kotɨ körai:

1 REYES 16:1 ပူးပေါင်းရင်းမြစ်များ

1 REYES 15:33

Mboapɨa año ma oiko Asa mburuvicha guasurä Judá re yave, Baasa, Ahías taɨ, omboɨpɨ oï mburuvicha guasurä Tirsa pe opaete Israel re, jare veinticuatro año oiko mburuvicha guasurä.

1 REYES 16:7

Ñeemombeúa Jehú, Hanani taɨ rupi, yandeYa jei Baasa kotɨ jare opaete iñemuña reta kotɨ, ikavimbae oyapo yandeYa jesa róvai jeko pegua; echa omboarasɨuka ikavimbae oyapo Jeroboam jare opaete iñemuña reta rami, jókuae jae opa omokañɨtei vae reta.

2 REYES 17:13

Jayave yandeYa omboeta Israel jare Judá pegua reta pe opaete ñeemombeúa reta rupi; jare opaete mbae re oecha voi vae reta rupi jei: “Peeya pereko ikavimbae jare peñovatu cheporookuai reta che jae peñemuñagüe reta pe rami, che amombeu peve cheñeemombeúa reta rupi rami.”

2 CRÓNICAS 19:2

Jare mbae re oecha voi vae Jehú, Hanani taɨ oë oövaiti jare jei chupe: “¿Maera pa remborɨ jeko kavimbae, reñemoïru güɨröɨro yandeYa vae reta ndive? Kuae jeko pegua yandeYa iyarasɨ ndeve.

2 CRÓNICAS 20:34

Ïru mbaembae Josafat oyapogüe iyɨpɨ güive iyapɨ pe, oyekuatía oï ombaekuatía vae Jehú, Hanani taɨ jembikuatía pe jare oime vi tembikuatía Israel iñemuña juvicha guasu reta regua oyekuatía oïa pe.

JEREMÍAS 32:18

Ndeporoparareko avei, ërei reinupa vi kuimbae reta tu reta iyoa jeko pegua. ¡CheYa, Tumpa tuicha ete vae jare imbaepuere yae vae, nderee jae ko yandeYa Imbaepuere yae ete vae!