1 REYES 15:5 - Biblia Guarani Tumpa Iñee

⁵ Echa David ikavi oyapogüe yandeYa jóvai, jare opaete oyókuai vae güi mbaetɨ osɨrɨ oikove oiko ramboeve jaeño ete jeko Urías Het iñemuña pegua kotɨ.

1 REYES 15:5 ပူးပေါင်းရင်းမြစ်များ

1 REYES 14:8

Apɨ̈ro mborookuaía David iñemuña güi, jare amee ndeve; jare nde mbaetɨ cherembiokuai David rami, cheporookuai oñovatu vae jare oguata cheróvai opaete ipɨa reve kavi, oyapo reve sɨmbi vae cheresa róvai.

1 REYES 15:3

Jare oyapo opaete mbaeyoa reta tu tenonde yave oyapo vae; jare mbaetɨ ipɨa jupi iYa Tumpa kotɨ, iñemuñagüe David ipɨa rami.

1 REYES 3:3

Salomón oaɨu yae yandeYa, jare oyapo opaete mborookuai reta tu David oyapo oeyagüe, jare jae etei omee mɨmba oyeyukagüe jare ikäti kavi vae incienso ɨvɨtɨ rupigua mbaemboetea re.

1 REYES 9:4

Nde reguata kavi yave cheróvai nderu David oguata rami, opaete ndepɨa ndive jare sɨmbi rupi, reyapo reve opaete mbaembae royókuai vae, reñovatu reve cheporookuai reta,

2 REYES 22:2

Oyapo ikavi vae yandeYa jesa róvai, oiko iñemuñagüe David oiko rami kavi, opiambae reve ketɨ ave.

2 CRÓNICAS 34:2

Josías oyapo ikavi vae yandeYa jesa róvai, omomoe iñemuñagüe David jeko, opiambae reve chugüi kërai ave yepe.

SALMOS 119:102

Mbaetɨ asɨrɨ ndeporookuai reta güi, echa nde ko chemboe.

SALMOS 119:6

Jayave ngaraa añemomaraiuka, aendu katu yave opaete ndeporookuai reta.

SALMOS 51:1

CheRu Tumpa, nde ndeporoparareko jeko pegua cheparareko, emboai chepɨapochɨ, ndepɨakavi jare ndeporoaɨu yae jeko pegua.

San Lucas 1:6

Kuae reta jupi rupi yogüɨreko Tumpa jóvai. Echa jekuaeño omboyerovia reta Tumpa, oyapo reta yandeYa iporookuai reta vae rupi.

Hechos 13:22

Jare Tumpa kuae kuimbae omombo yave, omee chupe reta David juvicha guasurä. Jare Tumpa jei David re: ‘Che aikuaa David, Isaí taɨ ko metei kuimbae chemboyerovia vae. Jae oyapota opaete che aipota vae.’

Hechos 13:36

Ërei David opa oyeokuai yave opaete jëtaɨgua reta pe Tumpa oipota vae rupi, omano, jare oñeotɨuka iñemuñagüe reta ñogüɨnoia pe, jare jetegüe oikomegua.

DEUTERONOMIO 17:20

Jökorai agüɨye vaerä ipɨa ombotuicha yae jëtaɨgua reta pe, jare agüɨye vaerä opia mborookuai jei vae güi, jökorai oiko puku vaerä jae jare taɨ reta iporookuaía pe, Israel iñemuña reta ipɨte pe.

1 SAMUEL 25:28

Che romoñera neɨ̈ro vaerä cheve kuae re. Echa yandeYa oyangarekota nderé jare neñemuña reta re, echa nde reñeraro yandeYa jee re. Jare reikove reiko ramboeve mbaetɨ ikavimbae oyekuaa nderé.