1 REYES 15:20 - Biblia Guarani Tumpa Iñee

²⁰ Ben-adad omokɨ̈reɨ, jókuae mburuvicha guasu Asa jei chupe vae, jayave omondo isundaro itenondegua reta oporepeña Israel pegua tëta guasu reta re. Jökorai opɨ̈ro Ijón, Dan, Abel-bet-maaca, jare opaete Cineret, jare opaete ɨvɨ Neftalí.

1 REYES 15:20 ပူးပေါင်းရင်းမြစ်များ

GÉNESIS 14:14

Abram oendu jiɨ oï tembipɨɨrä yave, omboatɨ opaete jemimbokuakuaa reta, jo pe oa vae reta, jare omee chupe reta tembiporu ñeraro pegua; opaete reve tresciento dieciocho kuimbae reta, jare oaɨkuemoña jiɨ ipɨɨa reta. Jare tëta Dan jee vae pe oupitɨ reta,

1 REYES 12:29

Jare metei oñono tëta Bet-el pe, jare ïru tëta Dan pe.

1 REYES 20:1

Mburuvicha guasu Ben-adad, Siria pegua, omboatɨ opaete isundaro reta, jare treinta y dos mburuvicha guasu oñemoïru jae ndive vae reta, ikavayu re jare ikäretou ñeraro pegua reve reve, yogüɨraja opa oñova Samaria jare opüa jese.

1 REYES 20:34

javoi Ben-adad jei: —Cheru opɨ̈ro tëta guasu reta nderu güi vae che tamboyevɨ ye ndeve; javoi ndepuere remaemee jare rembaegua ndeyeupe Damasco pe, cheru oyapose Samaria pe rami. Jare Acab jei: —Che amaeñota reo ye. Körai, Acab oyapo morogüɨrökuavee päve Ben-adad ndive jare omaeño ojo ye.

2 REYES 15:29

Peka oiko mburuvicha guasurä Israel pe yave ou Tiglat-pileser Asiriaɨgua reta juvicha guasu, jare opɨ̈ro Ijón, Abel-bet-maaca, Janoa, Cedes, Hazor, Galaad, Galilea jare opaete ɨvɨ Neftalí; jare joko pegua reta opa güɨraja tembipɨɨrä Asiria pe.

JOSUÉ 11:2

jare mburuvicha guasu reta jókuae ɨvɨ güi ɨvɨtuguasu kotɨ ɨvɨtɨ guasu rupi jëta vae reta pe, jare Arabá kotɨ, íguasu Cineret güi arayevɨ kotɨ, ɨvɨpe kavi rupi yogüɨreko vae pe jare ɨvɨ Dor kotɨ kuaraɨ oikea kotɨ,

JOSUÉ 12:3

jare ɨvɨpe kavi Arabá güive Ɨguasu Cineret kotɨ, kuaraɨ oëa kotɨ; Ɨguasu Jembochɨ vae kuaraɨ oëa kotɨ, Bet-jesimot tape ojoa rupi jare arayevɨ kotɨ ɨvɨtɨ Pisga igüɨ pe.

JOSUÉ 19:39

Kuae jae ko Neftalí iñemuña reta iɨvɨ, jëtara ñavo rupi; kuae tëta guasu ñavo güɨnoi tëta raɨ raɨ.

JUECES 18:29

Jare ombojee Dan, iñemuñagüe jee pe, jae ko Israel taɨ; tenonde yave jee yepi kuae tëta guasu Lais.