1 REYES 14:4 - Biblia Guarani Tumpa Iñee

⁴ Jare Jeroboam jembireko jökorai oyapo; opüa ojo Silo kotɨ, jare ojo Ahías jo pe. Ahías mbaetɨ ma ipuere oporoecha, jäve ma omae indechi yae jeko pegua,

1 REYES 14:4 ပူးပေါင်းရင်းမြစ်များ

GÉNESIS 27:1

Isaac indechi yae ma jare jesa ogüe ma, mbaetɨ ma oecha yave, metei ara oenɨi taɨ Esaú jare jei chupe: —¡Cheraɨ! —Ko aï cheru —jei taɨ chupe.

GÉNESIS 48:10

Jare Israel indechi yae jare jesa ogüe ma, mbaetɨ ma ipuere oecha kavi. Jare José güɨroya katu jese jare jae oovapɨte jare oiküava.

1 REYES 11:29

Jókuae ara rupi Jeroboam oë ramboeve Jerusalén güi ojo oiko, ñeemombeúa Ahías Silo pegua oövaiti tape rupi, jare jókuae Tumpa iñeemombeúa oñeapeva oiko metei temimonde iarambogua ipɨau vae pe; jae retaño ñogüɨnoi jókuae kaa pe.

1 REYES 14:2

Jare Jeroboam jei jembireko pe: —Añave epüa jare eyemonde ambuaeyee, agüɨye vaerä ndekuaa reta cherembireko ko nde vae, jare ekua Silo pe; echa joko pe oime oï ñeemombeúa Ahías, kuae tëta pe mburuvicha guasurä aïta vae omombeu cheve vae.

SALMOS 90:10

Setenta año rupiño roikove, oikove katu vae retaño oupitɨ ochenta; ërei jeseve, yemoambeko yae jare yavai yae ko, echa ɨmambae yae oasa, yaveve etei rami.

ECLESIASTÉS 12:3

Oväeta ara orɨrɨi vaerä mburuvicha guasu jo järoa reta jare itindɨ vaerä kuimbae reta jëia yae vae; mbovɨ yae jembɨreta omaemongúi vae reta, jare ngaraa ma omaemongúi reta; jare ventana rupi omae vae reta, jäveta omae.

DEUTERONOMIO 34:7

Moisés omano ciento veinte año güɨnoi yave; mbaetɨi jäve omae jare oikove katu avei.

JOSUÉ 18:1

Opaete Israel iñemuña reta oyomboatɨ Silo pe, jare joko pe omopüa reta o guakapi pegua opɨ̈ro güire ɨvɨ,

1 SAMUEL 3:2

Ërei metei pɨ̈tu Elí oyapakua oï jupa pe; jesa omboɨpɨ ma ogüe, mbaetɨ ma oecha kavi yave,

1 SAMUEL 4:15

Elí güɨnoi ma noventa y ocho año, jesa ogüe ma, mbaetɨ ma ipuere omae.