1 REYES 14:26 - Biblia Guarani Tumpa Iñee

²⁶ jare opa opɨ̈ro yandeYa jo pe mbaembae jepɨ vae oñeñovatu vae jare mburuvicha guasu jo pe mbaembae jepɨ vae oñeñovatu vae opaetei güɨnoe; opaetei vi güɨraja yeopiaka oro pegua Salomón oyapogüe.

1 REYES 14:26 ပူးပေါင်းရင်းမြစ်များ

1 REYES 15:18

Jayave mburuvicha guasu Asa omboatɨ opaete oro, korepoti yandeYa jo pe mbaembae jepɨ vae oñeñovatúa pe oimeño vae, jare mburuvicha guasu imbaembae jepɨ vae oñeñovatúa pegua, opa omee jembiokuai reta pe, jare omondo Ben-adad pe mburuvicha guasu Siria pegua pe, jae ko Tabrimón taɨ, Hezión jɨmɨmino, jae oiko Damasco pe, omondo jei chupe:

1 REYES 7:51

Mburuvicha guasu Salomón oyapouka yandeYa jo peguarä vae, opa oyeapo. Güɨraja vi tu David oñono tee yandeYa peguarä vae mbaembae reta oro pegua jare korepoti pegua, jare oñovatu yandeYa jo pe oï mbaembae oñeñovatúa pe.

2 REYES 12:18

Jáeramo Joás, mburuvicha guasu Judá pegua oipɨɨ opaete mbota reta; iñemuñagüe Josafat, Joram jare Ocozías, Judá pegua mburuvicha guasugüe reta oñono tee Tumpa pe vae, jare jae oñono teegüe, jare opaete oro yandeYa jo pe jare mburuvicha guasu jo pe mbaembae jepɨ vae oñeñovatúa pegua, jare omondo Hazael, mburuvicha guasu Siria pegua pe; javoi Hazael ojo ye Jerusalén güi.

2 REYES 14:14

Javoi güɨnoe opaete oro jare korepoti, opaete tembiporu reta yandeYa jo pe mbaembae jepɨ vae oñeñovatúa pegua, jare mburuvicha guasu jo pe mbaembae jepɨ vae oñeñovatúa pegua; oipɨɨ vi tembipɨɨrä mbovɨ kuimbae reta, javoi oyerova ye Samaria kotɨ.

2 REYES 24:13

Jaɨkue rupi Nabucodonosor güɨnoe joko güi opaete yandeYa jo pe mbaembae jepɨ vae oñeñovatu vae, jare opaete mbaembae jepɨ vae mburuvicha guasu jo pe oñeñovatu vae, jare opaetei oyoka mbaembae oro pegua, Salomón mburuvicha guasu Israel pegua oyapo yandeYa jo peguarä vae reta, yandeYa omoërakua rami.

SALMOS 39:6

¡Añetete opaete kuimbae oasa küaraɨa ramiño! Añetete oyemoambekoiño ma, omboatɨ mbatee mbaeyekou vae, mbaetɨ oikuaa kia imbaerä ko vae.

PROVERBIOS 23:5

¿Reipotata pa remae mbaeyekou re, mbaeä etei vae re? Echa ipepo ramita ko, ɨmambae opata oveve, güɨraké oveve rami.