1 REYES 14:23 - Biblia Guarani Tumpa Iñee

²³ echa omopüa reta vi mbaemboete renda, tumpa-raanga reta jare Asera iä reta ɨvɨtɨ ñavo re, jare opaete ɨvɨra iküaraɨa kavi yae vae reta igüɨ rupi.

1 REYES 14:23 ပူးပေါင်းရင်းမြစ်များ

1 REYES 12:31

Jare oyapouka vi mbaemboete renda ɨvɨtɨ ñavo re, jare oñonouka sacerdoterä tëta pegua reta ipɨte güi, Leví iñemuña peguambae vae güi.

1 REYES 14:15

YandeYa omokanata Israel ɨ omokana täkuarasɨ reta rami. Güɨnoeta kuae ɨvɨ kavi oñemee iñemuñagüe reta pe vae güi, jare omombota ɨ̈aka Éufrates kutɨ, oyapo reta ramo iyeupe Asera iä reta, pɨpe omboarasɨ yandeYa.

1 REYES 15:12

Echa opa güɨnoe omombo ɨvɨ güi kuimbae japicha ndive oasa vae rupi ombaemboete vae reta, jare opa vi oekɨ tumpa-raanga reta iñemuñagüe reta oyapogüe.

1 REYES 20:23

Jare mburuvicha guasu Siria pegua imborɨa reta, jei chupe: —Israel iñemuña reta itumpa reta, jae ko tumpa reta ɨvɨtɨ rupigua; jáeramo ñanemoamɨri. Ërei ñañoraro yave ɨvɨpe kavi pe jae reta ndive ñamoamɨrita.

1 REYES 3:2

Jókuae ara rupi opaete vae omee mɨmba oyeyukagüe ɨvɨtɨ rupi, echa mbaetɨ vɨteri tupao oñemopüa yandeYa peguarä.

1 REYES 3:3

Salomón oaɨu yae yandeYa, jare oyapo opaete mborookuai reta tu David oyapo oeyagüe, jare jae etei omee mɨmba oyeyukagüe jare ikäti kavi vae incienso ɨvɨtɨ rupigua mbaemboetea re.

2 REYES 10:26

jare güɨnoe reta mbae iägüe Baal itupao güi, jare opa oapɨ reta.

2 REYES 16:4

Jaeramiño vi omee mɨmba oyeyukagüe jare oapɨ ikäti kavi vae incienso mbaemboete renda ɨvɨtɨ rupigua reta jare opaete ɨvɨra iküaraɨa kavi yae vae igüɨ rupi.

2 REYES 17:16

Oeya reta opaete iYa Tumpa iporookuai reta, oyapo reta iyeupe mókoi toro taɨrusu vae iä jiero iyu vae pegua jare Asera iä reta, omboete reta opaete ara ipo reta jare Baal.

2 REYES 17:19

Ërei Judá pegua reta mbaetɨ vi oyapo yandeYa Tumpa iporookuai, echa ko oyapo reta vi Israel pegua reta oyapo mborookuai reta iyeupe vae rupi.

2 CRÓNICAS 24:18

jare oeya reta iyangarekoambae yandeYa jo, jae reta iñemuñagüe iTumpa jare omboete reta Asera iä jare ïru mbae iä reta ipoki vae oyapogüe reta. Jare kuae mbaeyoa jeko pegua Tumpa iyarasɨ Judá kotɨ jare Jerusalén kotɨ.

2 CRÓNICAS 28:4

Jaeramiño vi omee mɨmba oyeyukagüe jare oapɨ ikäti kavi vae incienso mbaemboete renda ɨvɨtɨ rupigua reta rupi, jare opaete ɨvɨra iküaraɨa kavi yae vae igüɨ rupi.

ÉXODO 34:13

Jɨmba oyuka oapɨ jese vae reta opa pemboai chugüi, opa peyoka mbae iä reta jare Asera iä reta.

ISAÍAS 57:5

Peyogüɨroke ɨvɨra iküaraɨa kavi vae igüɨ rupi, jare peyuka michia reta pemee petumpa-raanga reta pe ɨvɨtɨ päu ipe kavía rupi, ɨ̈vavira igüɨ rupi.

JEREMÍAS 17:2

Neñemuña reta imaendúa mɨmba oyeyuka oyeapɨ jese vae reta re, jare netumpa-raanga Asera iä reta ɨvɨra iküaraɨa kavi vae reta igüɨ rupi ñogüɨnoi vae re, jare ɨvɨtɨ reta ɨvate vae re,

JEREMÍAS 2:20

Ɨma yae güi ma reyembopɨapochɨ chekotɨ, mbaetɨ reipota reyapo cheporookuai. Rere: ‘Mbaetɨ aipota ayeokuai.’ Opaete ɨvɨtɨ ɨvate vae re jare opaete ɨvɨra iküaraɨa kavi yae vae igüɨ ñavo rupi reiko iyaguasa pota vae rami.

JEREMÍAS 3:13

Jaeño emombeu teko renoi vae, echa neäteɨ reyapo ndeYa Tumpa iporookuai, reeka reyemboaguasa vaerä ketɨgua reta ndive, opaete ɨvɨra iküaraɨa kavi vae igüɨ rupi, jare mbaetɨ reyapo cheporookuai. Che ndeYa jae kuae ndeve.’ ”

EZEQUIEL 6:13

Jökorai chekuaata, che jae ko peYa, peecha yave tëogüe reta petumpa-raanga reta ipɨte rupi, mɨmba peyuka peapɨ pemee jese vae iyɨ́vɨri rupi, ɨvɨtɨ raɨ reta ikúa rupi, ɨvɨtɨ reta iyapɨte rupi, ɨvɨra reta iküaraɨa kavía rupi, ɨvɨra encina jee vae igüɨ rupi, ikäti kavi vae incienso peapɨ opaete petumpa-raanga reta pe vaea rupi.

EZEQUIEL 6:3

Körai ere chupe reta: ‘Ɨvɨtɨ reta Israel pegua, peyeapɨsaka yandeYa Tumpa iñee re, ɨ̈vɨa reta, ɨ̈aka reta jare ɨvɨtɨ päu ipe kavi vae reta: Aruta perupi ñeraro jare opata amboai mbaemboetea ɨvatea re oï reta vae.

EZEQUIEL 6:6

Oipota rupi peikoa rupi tëta guasu reta oyemboaita, jare pembaemboetea ɨvatea reta rupi oï vae oyemboaita. Mɨmba peyuka peapɨ pemee jese vae opaeteita oyemboai, petumpa-raanga reta, kuaraɨ iä penoi vae opata oyemboai; opaete mbae peyapogüe oyemboaita.

OSEAS 10:1

Israel ko uvarupa ikavigüe rami, jeta ia iyeupeguaräño; ia jeta rami omopüa reta vi mɨmba oyeyuka oyeapɨ jese vae; iɨvɨ ikavi yae rami, ombokavi vi itumpa-raanga reta.

LEVÍTICO 26:1

Agüɨye peyapo tumpa-raanga reta pemboete vaerä, agüɨye pemopüa peyeupe mbae iägüe pemboete vaerä, peɨvɨ pe ave agüɨye pemopöra peñopa ita peyetavatɨka jóvai vaerä, echa che ko peYa Tumpa.

MIQUEAS 5:14

Amboaita Asera iä reta pepɨte güi, jare opata vi amboai perëta guasu reta.

DEUTERONOMIO 12:2

Pemboai opaete mbaemboete renda tëtaguasu reta pepɨ̈rota vae itumpa-raanga reta oyeokuai reta chupe vae jenda; ɨvɨtɨ ɨvate vae re ñogüɨnoi vae, jare jɨsɨ re ñogüɨnoi vae, jare opaete ɨvɨra iküaraɨa kavi yae vae igüɨ rupigua.

DEUTERONOMIO 16:22

Agüɨye vi pemopüa peyeupe mbae iä, jókuae nunga yandeYa Tumpa omotareɨ ko.