1 REYES 14:16 - Biblia Guarani Tumpa Iñee

¹⁶ YandeYa omeeta Israel, Jeroboam iyoa jeko pegua jare oitɨuka Israel pegua reta mbaeyoa pe vae jeko pegua.”

1 REYES 14:16 ပူးပေါင်းရင်းမြစ်များ

1 REYES 12:30

Jare kuae jeko pegua oime mbaeyoa; echa tëta pegua reta yogüɨraja omboete Dan pe oï vae.

1 REYES 13:34

Kuae oyapo vae rupi Jeroboam jare iñemuña reta oa mbaeyoa pe, kuae jeko pegua oñemokañɨteiuka ɨvɨ iárambo güi.

1 REYES 15:26

Jare oyapo ikavimbae yandeYa jesa róvai, echa omomoe tu jeko, jókuae Israel iñemuña reta pe oyapouka mbaeyoa reta vae rupi.

1 REYES 15:30

Kuae ko Jeroboam iyoa jeko pegua, jare Israel iñemuña reta pe oyapouka mbaeyoa vae re. Jókuae rupi omboarasɨuka yandeYa Israel iTumpa vae re.

1 REYES 15:34

Ërei Baasa oyapo ikavimbae yandeYa jesa róvai, echa omomoe Jeroboam jeko, Israel iñemuña reta pe oyapouka mbaeyoa vae rupi.

1 REYES 16:13

opaete Baasa jare taɨ Ela oyapo ikavimbae vae jeko pegua, echa jókuae mbaeyoa rupi oyapouka vi mbaeyoa Israel iñemuña reta pe, jökorai itumpa-raanga pota rupi omboarasɨuka reta yandeYa Israel iTumpa.

1 REYES 16:19

Kuae oasa, iyoa jare jeko mbaetɨ ikavi yandeYa jesa róvai jeko pegua, echa omomoe Jeroboam jeko, Israel iñemuña reta pe oyapouka mbaeyoa vae omomoe.

1 REYES 16:2

“Che ko romopüa ɨvɨkúi güi jare roñono tëta chembae Israel juvicharä. Ërei nde, remomoe Jeroboam jeko, Israel pe reyapouka mbaeyoa. Chemboarasɨuka mbaeyoa reyapo vae pe.

1 REYES 16:27

Ïru mbaembae Omri oyapogüe, opaete imbaepuere regua oyekuatía oï tembikuatía pe, Israel pegua mburuvicha guasu reta regua oyekuatía oïa pe.

1 REYES 21:22

Kuae ayapota neñemuña reta pe, Jeroboam, Nabat taɨ pe ayapo rami etei, jare Baasa, Ahías taɨ pe rami, echa chemboarasɨuka reyapogüe jare reyapouka mbaeyoa Israel pe vae.”

1 REYES 22:53

Omboete vi Baal, tenonde yave tu oyapo rami, jókuae rupi omboarasɨuka yandeYa Israel iTumpa.

2 REYES 10:31

Ërei ngatu Jehú mbaetɨ oñemokɨ̈reɨ oguata vaerä Israel iYa Tumpa iporookuai rupi opaete ipɨa ndive, mbaetɨ oyembosɨrɨ Jeroboam iyoa reta güi, Israel iñemuña reta pe oyapouka mbaeyoa vae güi.

2 REYES 13:2

Ërei oyapo ikavimbae yandeYa jesa róvai, echa omomoe Jeroboam, Nabat taɨ iyoa reta, Israel iñemuña reta pe oyapouka mbaeyoa vae güi, mbaetɨ oyembosɨrɨ jókuae mbaeyoa güi.

2 REYES 13:6

Ërei ngatu mbaetɨ oyembosɨrɨ reta Jeroboam iñemuña reta mbaeyoa oyapogüe güi, Israel pe oyapouka mbaeyoa vae, echa jókuae omomoe reta; Asera iä oimeño Samaria pe.

2 REYES 14:24

Ërei oyapo ikavimbae yandeYa jesa róvai, mbaetɨ oyembosɨrɨ Jeroboam, Nabat taɨ iyoa güi, Israel iñemuña reta pe oyavɨuka vae güi.

2 REYES 15:18

Oyapo ikavimbae yandeYa jesa róvai; opaete ara jae mburuvicha guasurä oiko ramboeve mbaetɨ oyembosɨrɨ Jeroboam, Nabat taɨ iyoa reta güi, Israel iñemuña reta pe mbaeyoa oyapouka vae güi,

2 REYES 15:9

Ërei oyapo ikavimbae yandeYa jesa róvai, iñemuñagüe reta oyapo rami; mbaetɨ oyembosɨrɨ Jeroboam, Nabat taɨ iyoa reta güi, Israel iñemuña reta pe mbaeyoa oyapouka vae güi.

2 REYES 17:21

Güɨnoe Israel pegua reta David iporookuaía güi yave, Israel pegua reta omboguapɨ juvicha guasurä Jeroboam, Nabat taɨ; kuae mburuvicha guasu omombiauka iYa güi jare oyapouka chupe reta mbaeyoa ikavimbae yae vae.

2 REYES 17:23

Taɨkue ete rupi yandeYa omoë omombo iyeugüi, jae jei rami opaete iñeemombeúa reta rupi; jare Israel pegua reta oyererajauka tembipɨɨrä iɨvɨ güi Asiria pe, joko pe yogüɨreko añave rupi.

2 REYES 21:16

Manasés jeta yae vi oyuka jekombae Jerusalén pe, jókuae iyoa rupi oyapouka mbaeyoa Judá pe vae güi, jökorai oyapo ikavimbae yandeYa jesa róvai.

2 REYES 23:15

Jaeramiño vi, mɨmba oyeyuka oyeapɨ jese vae Bet-el pe oï vae, mbaemboete renda ɨvɨtɨ rupigua Jeroboam, Nabat taɨ oyapo vae, kuae rupi Israel iñemuña reta pe oyapouka mbaeyoa; Josías opa oyoka, opaetei omongúi jare oapɨ Asera iä.

2 REYES 3:3

Ërei iyoa Jeroboam, Nabat taɨ iyoa rami, Israel iñemuña reta pe oyapouka mbaeyoa vae, jare mbaetɨ oyembosɨrɨ jókuae mbaeyoa güi.

2 CRÓNICAS 28:19

Echa yandeYa omomichi Judá pegua reta, Acaz mburuvicha guasu Israel pegua jeko pegua, echa jae oiko oyeandumbae reve Judá pe, jare mbaetɨ etei jupi oiko yandeYa kotɨ.

SALMOS 81:12

Jáeramo amaeño oyapo reta ipɨa jemimbota, yogüɨreko reta iyemongeta ae rupi.

ÉXODO 32:21

Jare jei Aarón pe: —¿Mbae pa kuae reta oyapo ndeve, reyapouka vaerä chupe reta mbaeyoa ikavimbae yae ete vae?

ÉXODO 32:25

Jare Moisés oecha opaete vae mbaetɨ etei oipoɨu, echa Aarón omaeño jese reta, yogüɨreko vaerä ñemomarai rupi jovaicho reta ipɨte rupi,

ÉXODO 32:35

Jare yandeYa ombou mbaerasɨ opaete vae re, echa omboete reta toro taɨrusu vae iä, Aarón oyapo chupe reta vae.

ISAÍAS 40:24

Jae reta ko temitɨ ipɨau vae rami, jaeramo etei japo oyepota oï vae rami. Tumpa oipeyu yave, jaema voi opa ipiru reta, kusumirou ou yave, opa güɨraja kapii rami.

JEREMÍAS 5:31

Ñeemombeúa reta omoërakua apu; sacerdote reta oyapo mbaravɨkɨ ipɨa jemimbota rupiño; ¡jare tëta chembae vae jökorai oipota! Ërei, ¿mbae pa peyapota ou ma kañɨtei yave?’ ”

MIQUEAS 6:16

Echa peñovatu peyeupe Omri iporookuai reta, jare opaete Acab iñemuña reta jembiapo peyapo; jókuae reta iporomboarakuaa rupi peiko, opa vaerä che pomboai poñono jare peikota ñemomarai rupi. Jáeramo peñemotareɨukata peiko ïru tëta guasu pegua reta pe.”

San Mateo 18:7

¡Paravete ɨvɨ pegua reta! Oñono mbaemboavai ïru vae pe vae. Echa jökorai ñotai ko. ¡Paravete jókuae oñono mbaemboavai ïru vae reta pe vae!

Romanos 14:13

Jáeramo agüɨye mo yayoangao ïru vae ndive, jaeño yaeka agüɨye vaerä ïru oporogüɨrovia vae ogüɨapi yandereko pegua.

DEUTERONOMIO 32:30

¿Metei vaeño këraita pa ipuere ombotekuarai mil vae? ¿Ani mókoi vae ombotekuarai diez mil vae? ¡Jaeño yandeYa, Ita guasu rami vae, omee ipo pe yave!